Taniela 11:6 - Vakavakadewa Vou kei na iVola tale eso

⁶ Ni oti e vica na yabaki, e rau sa na qai to vata oi rau oqo; ia me i vakadei ni nodrau veiyalayalati, e rau sa qai veiwatini o tui Siria kei na luvei tui Ijipita yalewa, ka me yaco rawa kina e dua na veiwekani vakaivalu. Ia na tovata oqo kei na i naki ni vakawati ena sega ni dei, baleta ni ra qai vakamatei, na yalewa oqo, o ira na nona dauveiqaravi era a lako vata yani, na tagane lailai, kei na watina tagane.

Ai Vola Tabu (Vakadewa Makawa Vakavoutaki 2021)

⁶ Ia ni sa oti na yabaki eso, erau na to vata; kei na luvena yalewa na tui ni ceva ena lako mai vua na tui ni vualiku me ia na veiyalayalati. Ia ena sega ni rawata tikoga ko koya na yalewa na kaukauwa, ka na sega talega ni tiko dei ko ira na kawa ni tui. Ia ena soli ga yani ko koya na yalewa, kei ira ka kauti koya mai, kei na nona kawa, kei koya ka vakacegui koya. “E na gauna ko ya

AI VOLA TABU

⁶ Ia ni sa oti na yabaki e so, erau na to vata; ia na luvena alewa na tui ni ceva ena lako mai vua na tui ni tokalau me ia na vakadonudonu: ia ena tawa rawata tiko na kaukauwa ko koya; ena sega talega ni dei ko tamana, se na nona kaukauwa: ia ena soli ga yani ko koya na alewa, kei ira ka kauti koya, kei na nona kawa, kei koya ka vakacegui koya e na gauna ko ya.

Vakavakadewa Makawa

⁶ Ia ni sa oti na yabaki eso, erau na to vata; ia na luvena yalewa na tui ni ceva ena lako mai vua na tui ni tokalau me ia na veiyalayalati: ia ena sega ni rawata tiko na kaukauwa ko koya; ena sega talega ni tiko dei ko koya na tui, se na nona kaukauwa: ia ena soli ga yani ko koya na yalewa, kei ira ka kauti koya mai, kei na nona kawa, kei koya ka vakacegui koya e na gauna ko ya.

Ai Vola Tabu Ena Vakavakadewa Vou

⁶ Ni oti e vica na yabaki, e rau sa na qai to vata oi rau oqo; ia me i vakadei ni nodrau veiyalayalati, e rau sa qai veiwatini o tui Siria kei na luvei tui Ijipita yalewa, ka me yaco rawa kina e dua na veiwekani vakaivalu. Ia na tovata oqo kei na i naki ni vakawati ena sega ni dei, baleta ni ra qai vakamatei, na yalewa oqo, o ira na nona dauveiqaravi era a lako vata yani, na tagane lailai, kei na watina tagane.

Taniela 11:6 Iomraidhean Croise

Jope 38:15

Sa rui ramase na rarama ni siga vei ira na tamata ca, Ka sa tarovi ira mai na nodra vakayacora na i tovo kaukauwa Kei na vakacaca.

NA SAME 10:5

Sa toso cake na ka kecega e cakava. Sa sega ni vakasamataka rawa na veilewai ni Kalou; Ka sa beci kina na kena meca.

Isikeli 30:21

Luve ni tamata, Au sa musuka na liga i tui Ijipita na tui Ijipita; ka raica, sa sega tu ni vauci, me mavo kina ena kena viviraki ena i vadreti, me kaukauwa kina ka taura tale na i seleiwau.

Taniela 11:13

Sa na qai lesu tale o tui Siria ka la'ki soqona vata e dua na mataivalu levu cake. Ia ni yaco mai na kena gauna sa vinaka vua, ena qai kauta lesu tale ki Ijipita o koya e dua na mataivalu levu ka vakaiyaragitaki vakavinaka.

Taniela 11:15

Sa na qai la'ki tuva i valu o tui Siria ka valuta e dua na koro taqomaki vakaivalu ka mani rawa. Sa na sega ni ra vala tikoga na sotia ni Ijipita; o ira sara mada ga na sotia vivinaka duadua vei ira sa sega na nodra kaukauwa me rawa kina ni ra vala tiko. Sa na qai kitaka na mataivalu kaba koro na ka ga e lomana me cakava vei ira ni sa sega ni veisaqati.

Taniela 11:40

Ia ena kena i otioti ni gauna sa na qai valuti tui Siria o tui Ijipita; ia ena vala lesu o koya ena nona kaukauwa taucoko, ka vakayagataka na qiqinivalu, na i valu ose kei na vuqa na waqa ni vala. Era gumatua vua, me vaka na coka ni dobui.

Taniela 11:7

E sega ni dede ni sa na yaco me tui e dua na weka i yalewa. Ena qai valuta na mataivalu i tui Siria o koya, ena curuma na nona koro vakabai ni valu ka vakamalumalumutaka.

Sakaraia 11:16

Au sa lesia e dua na i vakatawanisipi me qaravi ira na noqu qele ni sipi, ia sa sega ga ni bau vukei ira sa voleka tu ni yacovi ira na rusa, se vakasaqarai ira sa yali, se qaravi ira era mavoa, se vakani ira na kena vo. Na ka ga e vakayacora voli sai koya me dau kania tiko na sipi urouro duadua ka basuraka laivi na nodra i taukuku.