Taniela 11:16 - Vakavakadewa Vou kei na iVola tale eso

¹⁶ Sa na qai tawana o tui Siria na vanua lagilagi o ya, me qai vakarorogo na vanua taucoko oqori ki na nona kaukauwa.

Ai Vola Tabu (Vakadewa Makawa Vakavoutaki 2021)

¹⁶ Ia ko koya sa mai vala kaya ena vakayacora na lomana, ena sega talega e dua me tu rawa e matana. Ena mai tiko talega ko koya e na vanua matalau, o koya ena vakarusai e na ligana.

AI VOLA TABU

¹⁶ Ena cakacaka ga ko koya sa mai vala kaya me vaka na nona veitalia, ena sega talega e dua me tu rawa e matana: ena mai tiko talega ko koya o na vanua matalau, ena kani oti talega e nonai valu.

Vakavakadewa Makawa

¹⁶ Ia ko koya sa mai vala kaya ena vakayacora na lomana, ena sega talega e dua me tu rawa e matana: ena mai tiko talega ko koya e na vanua matalau, o koya ena vakarusai e na ligana.

Ai Vola Tabu Ena Vakavakadewa Vou

¹⁶ Sa na qai tawana o tui Siria na vanua lagilagi o ya, me qai vakarorogo na vanua taucoko oqori ki na nona kaukauwa.

Taniela 11:16 Iomraidhean Croise

Aisea 8:8

Ena dave yani ka robota na loma ni vanua o Juta, ena ubia na ka kecega ka na yaco ena domo na kena cecere.” Sa tiko kei keda na Kalou! Sa taqomaka na vanua na tabana sa tevuka yani.

Jeremaia 3:19

A sa kaya o Jiova, “I Isireli, au a nanuma me'u okati iko Me vakataki ira na luvequ, Ka solia vei iko e dua na vanua talei, Na vanua rairai vinaka duadua ena vuravura taucoko. Au a nanuma ni o na kacivi au me'u tamamu, O na sega ni gole tani tale mai vei au.

Taniela 11:3

Sa na qai tubu cake e dua na tui qaqa ka dauvala. Na matanitu sa kena tui o koya sa na matanitu levu sara, ia o koya sa na dau vakayacora na veika ga e vinakata me cakava.

Taniela 11:36

Sa na cakava o tui Siria na ka ga e lomana me cakava. Sa na boletaka tiko ni levu cake o koya mai vua e dua tale na kalou ka vosa vakadokadokai koya ni levu cake o koya mai vua na Kalou Cecere. Sa na rawa vua me kitaka tiko na veika vakaoqo me yacova na gauna sa na vakanakuitataki koya kina na Kalou. Ni sa na vakayacora dina ga na Kalou na veika sa lomana me cakava.

Taniela 11:41

Ena valuta talega o koya na Vanua matalau ka na vakamatea e udolu vakaudolu na tamata. Ia, na vanua o Itomi, Moapi, kei na vo ni vanua o Amoni era na galala.

Taniela 11:45

Sa na birika na nona veivalelaca lelevu vakatui ena kedrau veimama na waitui kei na ulunivanua tabu ka lagilagi. Ia, ena mate o koya, ka na sega e vukei koya.”

Taniela 5:19

Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea o koya e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana kina.

Taniela 8:4

Au a vakaraica tu na sipi tagane ni sa cumucumuraka na nona i leu vaka ki na ra, ka vaka ki na vualiku kei na ceva. E sega na manumanu e torovi koya rawa se me dro bula rawa mai vua, se dro rawa mai na nona kaukauwa. Sa cakava o koya na ka ga e vinakata ka yaco me qaciqacia mai.

Taniela 8:7

Au sa vakaraici koya ni sa cumuta na sipi tagane. Sa rui levu na nona cudru na me ka veicumuyaka na sipi tagane ka mani musuka ruarua na nona i leu. E sega na nona kaukauwa na sipi me vorati koya na me, ia na me sa butubuturaka na sipi ka davo ki na qele. E a sega ni dua me vakabulai koya rawa mai na kaukauwa ni me.

Taniela 8:9

A qai tubu mai e dua na basoga ni i leu lailai ena tolo ni dua vei iratou na i leu e va. A vakaraitaka na nona kaukauwa na i leu vou oqo vaka ki na ceva kei na tokalau, ka vaka talega ki na Vanua Yalataki.

Josua 1:5

I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.