Taniela 11:12 - Vakavakadewa Vou kei na iVola tale eso

¹² Sa na dokadokataka o koya na nona qaqa ena i valu kei na levu ni sotia ni meca sa vakamatea rawa, ia ena sega ni dede na nona qaqa tiko.

Ai Vola Tabu (Vakadewa Makawa Vakavoutaki 2021)

¹² Ia ni sa kauti ira tani na lewe vuqa ko koya, ena laveti cake na lomana, ka na vakabalea na lewe udolu vakatini, ia ena sega ni kaukauwa kina vakadede ko koya.

AI VOLA TABU

¹² Ia ni sa rawa nai vavakoso, ena laveti cake na lomana, ni sa vakabalea na lewe oba wale: ia ena sega ga ni kaukauwa kina ko koya.

Vakavakadewa Makawa

¹² Ia ni sa kauti ira tani na lewe vuqa ko koya, ena laveti cake na lomana, ka na sa vakabalea na lewe udolu vakatini: ia ena sega ni kaukauwa kina ko koya.

Ai Vola Tabu Ena Vakavakadewa Vou

¹² Sa na dokadokataka o koya na nona qaqa ena i valu kei na levu ni sotia ni meca sa vakamatea rawa, ia ena sega ni dede na nona qaqa tiko.

Taniela 11:12 Iomraidhean Croise

2 Tui 14:10

E dina ga o sa mokuti ira na Itomi, ka o sa yalo levu kina. Mo tei marautaka mada na nomu lagilagi, ka tiko ena vakacegu ena nomu vale; a cava o vakatubu ca kina me vakavuna na nomu bale o iko vata kei Juta?

2 Veigauna 25:19

O iko Amasaia o sa dokadokataka na nomu sa ravuti ira oti na kai Itomi, ia au sa vakasalataki iko mo tiko ga e vale. A cava li o via vakavu ca kina, ni na kauta ga mai na leqa vei iko kei ira na Juta?

2 Veigauna 26:16

Ia ni sa kaukauwa sara o Usaia na tui, a sa tubu cake na nona viavialevu, ka sa vakavuna oqo na nona rusa. E a beca na i tuvatuva i Jiova na nona Kalou ena nona a curuma yani na Valenisoro me vakama na ka boi vinaka ena dela ni cabocabonisoro.

2 Veigauna 32:25

Ia a sega ni caka vinaka tale o Esekaia me vaka na ka vinaka a caka vua, ni a viavialevu ka dokadoka na yalona, ia ni vaka tu oqo, a yaco kina vei Esekaia na cudru, ka vakakina vei ira na Juta, e Jerusalemi.

Vosavakaibalebale 16:18

Na dokadoka sa vakavuna na rusa, kei na viavialevu sa vakavuna na lutu sobu ni bula.

Isikeli 28:17

Sa dokadoka na lomamu ena vuku ni nomu mata vinaka; o sa vakacataka na nomu vuku me baleta na kemu totoka. Ka'u sa viritaki iko ki na qele; Ka'u na vakatusai iko e matadra na tui, me raici iko sara kina na matadra.

Isikeli 28:2

Sa kaya vakaoqo na Kalou o Jiova: Ena vuku ni sa rui dokadoka na lomamu, o sa kaya kina, ‘Oi au e dua na kalou, Ka'u sa tiko ena nodra i tikotiko na kalou, e loma ni wasawasa,’ ia o tamata ga, o sega ni kalou, ia sa dina ni o sa okati iko mo vuku me vaka e dua na kalou,

Isikeli 28:5

ena levu ni nomu vuku vakadauveivoli, o a vakalevutaka kina na nomu i yau, ia sa viavialevu na lomamu ena vuku ni nomu i yau!

Taniela 11:11

Ena waqa na cudru nei tui Ijipita, sa na qai vala lesu kei tui Siria ka vesuka sara na nona mataivalu levu.

Taniela 11:13

Sa na qai lesu tale o tui Siria ka la'ki soqona vata e dua na mataivalu levu cake. Ia ni yaco mai na kena gauna sa vinaka vua, ena qai kauta lesu tale ki Ijipita o koya e dua na mataivalu levu ka vakaiyaragitaki vakavinaka.

Taniela 5:23

O sa kitaka ga na ka ca vua na Turaga ni lomalagi ka vakacuruma mai ki na vale oqo na bilo era sa kau mai na nona vale tabu. O iko, o ira na nomu turaga, o ira a watimu kei ira na watimu lailai o ni sa gunu waini ena bilo kecega oqo ka vakavinavinaka vei ira na kalou koula, na kalou siliva, na kalou parasa, na kalou kaukamea, na kalou kau kei na kalou vatu, na kalou era sa sega ni rai se rogo, ka sega na ka era kila. Ia o iko o sa sega ni doka na Kalou, o koya sa lewa na nomu bula kei na veika kecega o vakayacora.

Taniela 8:25

Ena cakacaka vaqaseqase o koya me veirawai sara vakalevu na nona vere ca; ena nona nanuma, sa tamata yaco ka levu talega o koya, ka na vakarusa e lewe vuqa na tamata ni sega ni bau vakasala taumada vei ira. Ena vakalevulevui koya sara talega vua na Turaga ni veituraga kecega. Ia, ena qai muduki ga o koya, ka sega ena kaukauwa vakatamata.

Vakarua 8:14

ia ni qarauna mo ni kakua ni dokadoka ka guilecavi Jiova na nomuni Kalou, o koya ka a vakabulai kemuni mai Ijipita, na vanua o ni a vakabobulataki tu kina.

1 Timoci 3:6

O koya me matua sara ena vakabauta, de qai viavialevu ka tini ena cudruvi me vakataki koya na tevoro.

1 Pita 5:5

Oi kemuni na i tabagone, mo ni vakamalumalumutaki kemuni vakakina vei ira era qase cake vei kemuni. Sa dodonu kina vei kemuni vakayadua mo ni vakaisulutaki ena yalomalumalumu ena vuku ni nomuni veiqaravi vakai kemuni, ni sa volai, “Sa vorati ira sa viavialevu na Kalou, Ia sa lomani ira ga sa yalomalumalumu.”