Taniela 10:13 - Vakavakadewa Vou kei na iVola tale eso

¹³ Ia sa siga ruasagavulu kadua na nona mai saqati au tiko na agilosi dauveiyadravi ni Peresia. Oti a qai lako mai o Maikeli, e dua vei ira na agilosi liu, ka mai vukei au baleta ni'u a biu duadua tu ga ena matanitu o Peresia.

Ai Vola Tabu (Vakadewa Makawa Vakavoutaki 2021)

¹³ Ia sa vorati au na turaga ni matanitu ko Perisia ka bogi ruasagavulu ka dua. Ka raica, sa lako mai me vukei au ko Maikeli, e dua vei ira na turaga liu, ka'u mani tiko ga yani mai kea kei ira na tui Perisia.

AI VOLA TABU

¹³ Ia na turaga ni matanitu ko Perisia sa vorati au ka ruasagavulu ka dua na bogi: ka raica, ko Mikaeli, nai matai ni turaga, sa lako mai me vukei au; kaʼu mani tiko ga yani maikea kei ira na tui Perisia.

Vakavakadewa Makawa

¹³ Ia sa vorati au na turaga ni matanitu ko Perisia ka bogi ruasagavulu ka dua: ka raica, sa lako mai me vukei au ko Maikeli, e dua vei ira na turaga ka liu; ka'u mani tiko ga yani maikea kei ira na tui Perisia.

Ai Vola Tabu Ena Vakavakadewa Vou

¹³ Ia sa siga ruasagavulu kadua na nona mai saqati au tiko na agilosi dauveiyadravi ni Peresia. Oti a qai lako mai o Maikeli, e dua vei ira na agilosi liu, ka mai vukei au baleta ni'u a biu duadua tu ga ena matanitu o Peresia.

Taniela 10:13 Iomraidhean Croise

Ai Vola I Juta 1:9

A sa sega mada ga ni vakayacora oqo o koya na agilosi liu, o Maikeli. Ena nodrau a veiletitaka tiko kei na tevoro se o cei vei rau me maroroya na yago i Mosese, a sa sega ni bau doudou o Maikeli me vosavakacacataki koya na tevoro, ia sa kaya ga, “Sa cudruvi iko na Turaga!”

Taniela 12:1

Na agilosi sa daramaka voli na i sulu lineni sa kaya vakaoqo, “Ena gauna o ya, ena qai tucake kina o Maikeli na agilosi kaukauwa ka qaqa, o koya a dauyadravi ira na nomu kawa tamata. Sa na qai yaco e dua na gauna ni rarawa levu, na gauna ni rarawa oqo e se sega ni bau yaco ena dua na gauna mai liu ni se qai tubu kina na veimatanitu. Ni sa yaco mai na gauna oqori, o ira kecega na lewe ni nomu vanua sa volai tu na yacadra ena i Vola ni Kalou era na vakabulai.

Vakatakila 12:7

A sa kacabote na i valu mai lomalagi. Sa ia na i valu o Maikeli kei ira na nona agilosi me ra valuta na drakoni, o koya sa vala lesu kei ira na nona agilosi;

1 Pita 3:22

o koya sa lako cake ki lomalagi ka sa tiko ena liga i matau ni Kalou. A sa lewai ira kece sara na agilosi o koya, ka vakakina o ira sa kaukauwa ka daulewa mai lomalagi.

1 Cesalonaika 2:18

Keitou sa via lako yani kina vei kemuni. Oi au mada ga ka'u a tovolea vakavica me'u lesu yani vei kemuni, ia sa vakataotaka ga na neitou i lakolako o Setani.

Kolosa 2:10

ka sa taucoko kina na nomuni bula ena nomuni sa tu vata kaya. Sa uasivia na veikaukauwa kecega kei ira na yalo dauveiliutaki kecega na Karisito.

Efeso 6:12

Ni da sa sega ni veivala kei ira na tamata, ia eda sa veivala ga kei ira na veiyalo velavela ena veiyasana vakalomalagi, kei ira era sa veiliutaki vakatani, kei ira sa vakataulewa cala, kei na kaukauwa eso ni vuravura butobuto oqo.

Esera 4:24

A sa tarovi vakaoqo na cakacaka ni Valenisoro ka sega ni toso rawa e dua na ka me yacova na i karua ni yabaki ni veiliutaki vakatui nei Taraiasi e Perisia.