Taniela 10:1 - Vakavakadewa Vou kei na iVola tale eso

¹ Ena i katolu ni yabaki ni tui Peresia i Sairusi, a vakaraitaki kina vei Taniela, yacana talega o Pelitisasari e dua na i tukutuku. Na i tukutuku o ya sai tukutuku dina, ia na kena i balebale ga sa rui dredre me kilai. A qai vakamacalataki vua na kena i balebale ena dua na raivotu.

Ai Vola Tabu (Vakadewa Makawa Vakavoutaki 2021)

¹ E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari. Ka sa ka dina sara, io sa dua nai valu dede. Ka sa kila na ka oqo ko koya, ka sa macala vua na raivotu.

AI VOLA TABU

¹ E NAI ka tolu ni yabaki i Koresi na tui Perisia sa dua na ka sa vakaraitaki vei Tanieli, na yacana sa vakatokai vua ko Pelitisasari; a sa ka dinadina, ia sa dua nai valu balavu: a sa kila na ka o qo ko koya, ni sa macala vua na raivotu.

Vakavakadewa Makawa

¹ E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari; ka sa ka dina sara, io sa dua nai valu dede: ka sa kila na ka oqo ko koya, ka sa macala vua na raivotu.

Ai Vola Tabu Ena Vakavakadewa Vou

¹ Ena i katolu ni yabaki ni tui Peresia i Sairusi, a vakaraitaki kina vei Taniela, yacana talega o Pelitisasari e dua na i tukutuku. Na i tukutuku o ya sai tukutuku dina, ia na kena i balebale ga sa rui dredre me kilai. A qai vakamacalataki vua na kena i balebale ena dua na raivotu.

Taniela 10:1 Iomraidhean Croise

Vakatekivu 41:32

Na kena yaco vakarua na tadra vua na tui sa kena i balebale ni sa vakadeitaka na Kalou na ka oqo, ka na vakayacora o koya ena dua na gauna lekaleka mai oqo.

2 Veigauna 36:22

Ena i matai ni yabaki ni veiliutaki vakatui nei Sairusi na tui Perisia, a sa vakayacora o Jiova me yaco vakaidina sara na veika sa vosa oti kina ena gusu i Jeremaia na parofita. A sa vakauqeti Sairusi kina o Jiova me kacivaka raraba na nona i vakaro, ka me volai talega me rawa ni wiliki ka rogoci.

Esera 3:7

Era sa soli i lavo na tamata me kedra i sau na daubuli vatu ni vale kei ira na matai, ka ra solia na kakana, na gunu, kei na waiwai vei ira na kai Taia kei Saitoni me veivoli vata kei na kau sitari mai Lepanoni, ka me vakauti mai ki Jopa oqo ena sala vaka ki wasawasa. A sa vakayacori na veika oqo ena veivakadonui nei Sairusi na Tui Perisia.

Esera 4:3

Sa qai sauma vei ira o Serupepeli, kei Josua, kei ira na turaga ni mataqali, ka vaka: “Keimami sa sega ni vinakata na nomuni veivuke ena kena tara tiko oqo na Valenisoro i Jiova na neimami Kalou. Keimami na tara ga vakataki keimami na vale oqo, me vaka ga sa vakarota vei keimami o Sairusi na Tui Perisia.”

Esera 4:5

Era sa cakava talega eso na ka ena sala butobuto me ra saqata talega vakakina na tara ni vale o ira na i vakalesilesi ni matanitu o Perisia. A sa ia tikoga na vakalatilati vakaoqo ena gauna taucoko ni veiliutaki vakatui nei Sairusi ka yacova yani na veiliutaki nei Taraiasi na tui.

Esera 6:14

A sa daumaka sara na i tosotoso ni tara Valenisoro mai vei ira na nodra qase na Jiu, ka ra vakayaloqaqataki mai vei rau na parofita o Akeai kei Sakaraia. Era sa vakaotia sara na tara Valenisoro me vaka sa vakaroti ira kina na Kalou ni Isireli, kei iratou na tui Perisia o Sairusi, kei Taraiasi, vata kei Atakisekise.

Esera 6:3

“Ena i matai ni yabaki vakatui i Sairusi, a sa vakarota kina o koya me tara vou tale na Valenisoro mai Jerusalemi, ka me dau ia kina na vakacaboisoro. Na Valenisoro oqo me 27 na mita na kena cere ka 27 na mita na kena raba.

Aisea 44:28

Au na kaya ena vuku i Sairusi, Sa i koya na noqu i vakatawa, Ka na vakayacora kece na noqu i naki. O na vakarota me tara tale o Jerusalemi, Ka caka tale na yavu ni Valenisoro.

Taniela 1:17

Sa qai solia na vuku kei na kila ka kece vaka-Papiloni na Kalou vei iratou na cauravou e lewe va oqo, ka sa solia talega vei Taniela me dau vakamacalataka na i balebale ni tadra kei na raivotu kecega.

Taniela 1:21

Sa mani tiko ga o Taniela ena valenitui ka yacova na i tekivu ni gauna e tui kina e Papiloni o Tui Sairusi.

Taniela 1:7

A qai vakayacani iratou vou tale na cauravou oqo o Asipinasi ena yaca vaka-Papiloni. O Taniela me yacana o Pelitisasari, o Ananaia me o Setareki, o Misaeli me o Mesake, kei Asaraia me yacana o Apeteniko.

Taniela 10:14

Au sa lako mai oqo me'u mai vakatakila vei iko na ka ena yaco vei ira na kai nomu ena gauna mai muri. Oqo e dua na raivotu vou ka baleta na gauna mai muri.

Taniela 11:2

Ia na ka au sa na tukuna oqo vei iko e ka dina ga. Sa na tolu tale na tui e ratou na lewai Peresia, ia o koya ena qai kedratou i kava, sa na tamata vutuniyau duadua vei iratou kece. Ia ni sa kaukauwa cake ena vuku ni nona vutuniyau, sa qai bolea na matanitu o Kirisi.

Taniela 12:4

A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Taniela 12:9

A sauma o koya, ka kaya, “Mo lako ga, Taniela, baleta ni veivosa oqo e dodonu me kakua ni kilai ka me vunitaki sara ka yacova ni sa yaco mai na i Vakataotioti.

Taniela 2:21

Sa lewa o koya na veigauna kei na dui draki; Sa buli ira na tui ka vakasivoi ira. Sa vu ni vuku kei na kila ka vei ira na tamata o koya.

Taniela 4:8

A qai curu mai e muri o Taniela, a yacana talega o Pelitisasari e veiyacani kei na noqu kalou. Ia sa tiko vua na yalona na Kalou tabu, ka'u mani tukuna vua na noqu tadra.

Taniela 5:12

Na ka e rawata sa kunekune vakavudua na tamata e yacova. Sa vuku ka matai sara ena vakamacalataka na tadra, sa kila na serelaka na iba ka vakamacalataka na veika vuni. E dodonu mo ni talatala me la'ki lako mai na tamata oqo o Taniela, o koya ka sa vakayacana na tamamuni na tui me o Pelitisasari, ka me mai vakamacalataka vei iko na i balebale ni ka oqo.”

Taniela 5:17

Sa qai kaya o Taniela, “Na nomuni solisoli loloma me nomuni ga, se mo ni solia vua e dua tale. Ia au na wilika ga vei kemuni na tui na ka sa volai tu, ka tukuna na kena i balebale.

Taniela 6:28

A qai tiko vakacegu ka marau o Taniela ena gauna ni tui i Taraiasi kei na gauna sa tui tiko kina o Sairusi na kai Peresia.

Taniela 8:16

Au sa rogoca sara na domo ni kaci mai na uciwai na Ulai, ka vaka, “I Kaverieli, mo vakamacalataka vua na i balebale ni nona raivotu.”

Taniela 8:26

Na raivotu ni vakacaboisoro ena mataka kei na yakavi sa vakamacalataki oti vei iko, e ka dina sara ga. Ia, mo maroroya sara ka vunia, baleta ni sa rui yawa na gauna me na qai yaco kina na dina ni raivotu oqo.”

Luke 1:20

Ia o na galu tu mada ka sega ni vosa rawa me yacova na siga ena vakayacori kina na veika oqo, ni o sega ni vakadinata na noqu vosa, ka ni na vakayacori ga ena kena gauna.”

Vakatakila 19:9

Sa qai kaya vei au na agilosi: “Vola na ka oqo: Sa kalougata o ira era sa sureti ki na kanavata ni vakamau ni Lami.” Sa kaya tale vei au: “Oqo kece na vosa dina ni Kalou.”