Osea 2:3 - Vakavakadewa Vou kei na iVola tale eso

³ Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Ai Vola Tabu (Vakadewa Makawa Vakavoutaki 2021)

³ de'u na vakaluvawaletaki koya, ka vakavotui koya me vaka e na siga ka sucu kina, ka cakava me vaka na vanua lala, ka soli koya me tautauvata kei na vanua mamaca, ka vakamatei koya e na viagunu.

AI VOLA TABU

³ deʼu vakaluvawaletaki koya, ka vakatikori koya me vaka e na siga ka sucu kina, ka cakavi koya me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Vakavakadewa Makawa

³ de'u vakaluvawaletaki koya, ka vakavotui koya me vaka e na siga ka sucu kina, ka cakava me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Ai Vola Tabu Ena Vakavakadewa Vou

³ Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Osea 2:3 Iomraidhean Croise

Lako Yani 17:3

Ia era a viagunu tikoga mai kea na tamata ka vosa vakacudrucudru vei Mosese, ka kaya, “A cava o sa kauti keimami tani kina mai Ijipita, mo mai vakamatei keimami, na luve i keimami kei na neimami manumanu ena viagunu?”

Aisea 33:9

Sa tu wale na vanua ka lala didi. Sa malai na veikau mai Lepanoni ka vuca yani, Ka sa vaka na vanua dravuisiga o Saroni; Era sa malai sara ka mira yani na draunikau Mai Pasani kei Ulu i Kameli.

Aisea 47:3

Era na raica na tamata na nomu vakamaduataki, Kei na nomu luvawale. Au sa na sauma lesu na nomu ca Ka sega ni dua me na tarovi au.”

Aisea 64:10

Na nomuni veikoro tabu era sa vaka na vanua lala. O Jerusalemi e sa rusa ka lala tu.

Jeremaia 12:10

Sa vuqa na i liuliu ni veivanua tani Era sa vakacacana na noqu loganivaini; Era sa buturaka sobu na noqu vanua; Ka ra sa vukica na noqu vanua vinaka Me vanua lala.

Jeremaia 13:22

Kevaka o ni taroga, se cava e yaco kina na ka oqo vei kemuni? A cava sa dresulaki kina na nomuni sulu, ka vakacacani kina? E baleta ga na rerevaki ni nomuni valavala ca.

Jeremaia 13:26

O Jiova ga ena luvata laivi na nomuni sulu ka vakaraitaki kemuni mo ni madua.

Jeremaia 14:3

Era sa talai ira na nodra tamata na turaga Me ra la'ki taki wai; Era sa lako ki na veikeliwai, Ia era sa sega ni kunea kina na wai; Era sa lesu vata mai Kei na nodra saqa lala. Era sa yalo lailai ka veilecayaki, Ka ra sa ubia na uludra.

Jeremaia 17:6

Era na vaka e dua na kau Ena vanua dravuisiga, E bula toka Ena dua na vanua qele mamaca sara, Ena qele tuituina Ka sega ni bula tale kina E dua na ka; A sa sega ni bau kunea kina E dua na ka vinaka.

Jeremaia 2:31

Ni rogoca vinaka kece sara na Isireli na vosa ni Turaga. Au a vaka li na vanua dravuisiga vei iko, se vaka e dua na vanua rerevaki? A cava o ni kaya kina na noqu tamata keimami sa lewai keimami ga, keimami na cakava ga na ka keimami vinakata, ni keimami sa galala ka keimami sa na sega ni lesu tale yani vei iko?

Jeremaia 2:6

Era sa sega ni bau kauwaitaki au, Era sega ni bau vakataroga, Sa e vei o Jiova ka a kauti keimami tani Ka liutaki ira mai ena loma ni vanua dravuisiga, Ena vanua veidelana ka sukusukura, Ena vanua dravuisiga, vakadomobula, Na vanua e sega ni bau dau lakovi, Ka sega ni bau dua e tiko kina.

Jeremaia 22:6

Vei au, na i tikotiko vakatui e Juta sa tautauvata kei na vanua o Kiliati kei na ulunivanua o Lepanoni ena kena rairai vinaka, ia au na vukica me dua na vanua lala sa sega ni dua e bula kina.

Jeremaia 4:26

Na vanua bulabula Sa yaco me dravuisiga, Ka vakarusai kece tu Na kena veikoro, Baleta na cudru katakata ni Turaga.”

Jeremaia 51:43

Sa veivakurabuitaki na kena i rairai, sa vaka e dua na vanua dravuisiga sa sega kina na wai, ka sega ni dua e bula kina se bau lako kina.

Jeremaia 51:5

Ni sa sega sara ni laivi Isireli kei Juta na Turaga na Kalou Kaukauwa o Jiova ni lewevuqa, e dina ga era sai valavala ca vei au na Lewe Dua Bau Yalo Savasava ni Isireli.

Isikeli 16:22

Ena nomu i valavala vakasisila kece sara ni dautagane, o a sega vakadua ni bau nanuma na gauna o a gone kina — ni o a se luvawale tu kina ka sega ni vakaisulu, ka veimoqeyaki ena nomu dra.

Isikeli 19:13

A la'ki tei tale oqo ena vanua talasiga, Ena vanua mamaca ka sigasiga.

Osea 13:15

E dina ga ni sa se vakavinaka sara o Isireli me vaka na co, au na vakaliwava e dua na cagi tokalau katakata mai na vanua dravuisiga, ena qai vakamacara na nodra i keliwai kei na mataniwai tovure. Ena kauta tani na veika yaga kecega.

Osea 2:10

Au na vakayacora me luvawale e matadra na nona veidomoni, ka sega ni dua ena rawa ni vueti koya mai na ligaqu kaukauwa.

Vakatakila 17:16

Na tini na i leu o a raica, vata kei koya na manumanu rerevaki, era na cata na yalewa dautagane. Era na kauta laivi na veika kece sa tu vua ka laivi koya me tu luvawale. Era na kania na lewena ka vakamai koya ena bukawaqa.

Dauveilewai 15:18

A sa yaco me viagunu, ka sa kaci vei Jiova ka kaya, “O ni sa solia na qaqa oqo ki na ligana na nomuni tamata. Me'u sa mate beka ena gauna oqo ena karamaca, ka lutu ki na ligadra na tawa cili oqo?”