Osea 2:2 - Vakavakadewa Vou kei na iVola tale eso

² Kemuni na luvequ, ni vakamasuti tinamuni mada — ka dina ga ni sa sega ni qai watiqu o koya, ka'u sa sega ni watina oi au. Vakamasuti koya me tarova na nona dautagane kei na nona dauvolitaka na yagona.

Ai Vola Tabu (Vakadewa Makawa Vakavoutaki 2021)

² “Dou ia na vakamamasu vua na tinamudou, dou vakamasuta— ni sa sega ni watiqu ko koya, koi au talega ka'u sa sega ni watina— me biuta laivi ko koya na nona dautagane mai matana, kei na nona veibutakoci mai na maliwa ni sucuna,

AI VOLA TABU

² Dou ia na veilewai kaya na tinamudou, dou ia na veilewai: ni sa sega ni watiqu ko koya, oi au talega, kaʼu sa sega ni watina: me biuta tani ko koya na nona dauyatagane mai na matana, kei na nona veibutakoci mai na maliwa ni sucuna:

Vakavakadewa Makawa

² Dou ia na veilewai kaya na tinamudou, dou ia na veilewai: ni sa sega ni watiqu ko koya, koi au talega, ka'u sa sega ni watina: me biuta laivi ko koya na nona dautagane, kei na nona veibutakoci mai na maliwa ni sucuna;

Ai Vola Tabu Ena Vakavakadewa Vou

² Kemuni na luvequ, ni vakamasuti tinamuni mada — ka dina ga ni sa sega ni qai watiqu o koya, ka'u sa sega ni watina oi au. Vakamasuti koya me tarova na nona dautagane kei na nona dauvolitaka na yagona.

Osea 2:2 Iomraidhean Croise

Aisea 11:12

Ena qai vakaraitaka cake na Turaga, E dua na i vakatakilakila vei ira na veimatanitu, Ka vakasoqoni ira tale mai na vakasavi tani e Isireli, Ka kauti ira vata mai na lewe i Juta era veiseyaki tu, Mai na tutuna vava kei vuravura.

Aisea 50:1

A sa kaya o Jiova, “O ni sa nanuma beka au sa vakatalai ira tani na noqu tamata Me vaka e dua na tamata sa sereka na watina? E vei ga na i vola vakadinadina ni veisere? O ni nanuma beka au sa volitaki kemuni Vua e dua sa tu vua na noqu dina? Raica o ni a kau yani vakabobula ena vuku Ni nomuni i valavala ca. O ni a kau tani ena vuku ni nomuni talaidredre.

Aisea 58:1

A sa kaya o Jiova, “Kaila sara vakadomoilevu ena kena levu ga o rawata! Tukuna vei ira na noqu tamata na Isireli na nodra i valavala ca!

Jeremaia 19:3

A tukuna vei au o Jiova, “Ni vakarorogo na tui kei Juta kei kemuni na lewe i Jerusalemi ki na ka sa tukuna na Turaga o Jiova ni lewevuqa na nodra Kalou na Isireli. Au sa na kauta mai e dua na veivakarusai ki na vanua oqo, ka na qasikanunu kecega na daligadra era rogoca.

Jeremaia 2:2

Me'u tukuna vei ira yadua mai Jerusalemi Na nona vosa oqo: “Au sa nanuma tiko na nomu yalodina Ni o a se gone, Ena nomu daulomani au Ni daru a se qai vakawati; O a muri au ena loma ni vanua dravuisiga, Ki na dua na vanua e se sega ni bau teivaki.

Jeremaia 3:1

A sa kaya o Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya o Jiova.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, o Jiova, sa vosa vakaoqo.

Jeremaia 3:18

Ena gauna o ya sa na duavata tale o Isireli kei Juta ka rau sa na lako mai na vanua mai na tokalau ki na vanua au a solia vei ira na nodra qase nodra i votavota tawa mudu.”

Isikeli 16:20

“Ia o a kauta talega na luvemu tagane kei na luvemu yalewa, o ira o a vakasucuma vei au, ka o sa vakacabora vei ira me ra kania. E sega li ni se rauti iko na nomu dautagane?

Isikeli 16:25

O sa tara na nomu vale cecere ena mua ni veisala kecega, ka volitaka kina na nomu mata vinaka, ka soli iko vakarawarawa yani vei ira sa takoso mai, me vakalevutaki kina na nomu dautagane.

Isikeli 20:4

“O na vakataulewa li vei ira, o iko na luve ni tamata, o na vakataulewa li vei ira? Ia mo vakatakila vei ira na veivalavala vakasisila ni nodra qase,

Isikeli 23:43

“Au a qai kaya, era sa sega li ni veibutakoci vata kaya o ira na tamata ni ra ia na dautagane oqo kei koya?

Isikeli 23:45

Ia era na vakataulewa na tamata yalo dodonu, me i totogi ni yalewa dautagane, kei ira talega na yalewa sa vakadave dra; ni rau sa yalewa dautagane, ka sa tauvi dra na ligadrau.”

Osea 1:2

Ena i matai ni gauna sa vosa kina o Jiova vei Osea, ka kaya vua o Jiova, “Mo lako ka kauta me watimu e dua na yalewa dautagane, ka ra na luve ni veibutakoci na luvemu, ka ni sa dautagane vakalevu na vanua, ni ra sa vuki tani mai vei Jiova.”

Osea 2:1

O koya oqo mo ni kacivi ira kina na wekamuni na Isireli “Kawa Tamata ni Kalou” kei na “Lomani-mai-vua-na-Turaga”.

Osea 2:5

Ni sa kitaka ga na dautagane na tinadra: o koya sa kunekunetaki ira sa ia ga na i valavala e veivakamaduataki, ni sa kaya, “Au na muri ira na tagane eso ka'u sa domona — era sa solia na qau madrai kei na mequ wai, na noqu vutika ni sipi kei na noqu lineni, na noqu waiwai olive kei na mequ waini.”

Osea 4:5

Dou sa taceba voli ga ena siga kei na bogi, era sa taceba vakakina kei kemudou o ira na parofita. Au na vakarau vakarusai Isireli, na marama tinamudou.

Maika 2:13

Ena qai dolava vei ira na Kalou na sala ka liutaki ira tani mai na tiko vakabobula. Era na basuka yani na veimatamata ni koro ka lako yani ena galala. Na nodra tui, o Jiova, ena liutaki ira yani ki tautuba.

2 Korinica 5:16

Ia me tekivu oqo ka lako yani, keitou sa na sega tale ni qai doka e dua na tamata ena vuku ni ka vakayago. E dina ga ni dua na gauna keitou dokai Karisito ena i tovo ni rai vakayago, ia oqo sa sega ni qai vakakina.