Osea 1:2 - Vakavakadewa Vou kei na iVola tale eso

² Ena i matai ni gauna sa vosa kina o Jiova vei Osea, ka kaya vua o Jiova, “Mo lako ka kauta me watimu e dua na yalewa dautagane, ka ra na luve ni veibutakoci na luvemu, ka ni sa dautagane vakalevu na vanua, ni ra sa vuki tani mai vei Jiova.”

Ai Vola Tabu (Vakadewa Makawa Vakavoutaki 2021)

² Oqo nai vakatekivu ni vosa i Jiova vei Osea. Sa kaya ko Jiova vei Osea, “Mo la'ki kauta e dua na yalewa dautagane me watimu, kei iratou na luve ni butako me luvemu: ni sa dautagane vakalevu na lewe-ni-vanua, ka ni ra sa vuki tani vei Jiova.”

AI VOLA TABU

² AI vakatekivu ni vosa i Jiova vei Osea. A sa kaya ko Jiova vei Osea, Mo laʼki kauta e dua na alewa dauyatagane me watimu, kei iratou na gone ca me luvemu: ni sa dauyatagane vakalevu na vanua, ni sa lako tani vei Jiova.

Vakavakadewa Makawa

² Oqo nai vakatekivu ni vosa i Jiova vei Osea. Sa kaya ko Jiova vei Osea, Mo la'ki kauta e dua na yalewa dautagane me watimu, kei iratou na luve ni butako me luvemu: ni sa dautagane vakalevu na lewe ni vanua, ka ni ra sa vuki tani vei Jiova.

Ai Vola Tabu Ena Vakavakadewa Vou

² Ena i matai ni gauna sa vosa kina ko Jiova vei Osea, ka kaya vua ko Jiova, “Mo lako ka kauta me watimu e dua na yalewa dautagane, ka ra na luve ni veibutakoci na luvemu, ka ni sa dautagane vakalevu na vanua, ni ra sa vuki tani mai vei Jiova.”

Osea 1:2 Iomraidhean Croise

2 Veigauna 21:13

o ni sa muria ga na nodra i valavala na tui Isireli, ka kauti ira na Juta kei ira na kai Jerusalemi ki na i valavala ni tawa dina, me vaka na nodra i valavala na mataqali i Eapi ni ra a kauti ira na Isireli ki na i valavala tawa dina, ka o ni a vakamatei iratou talega na tacimuni, e ratou mataqali i tamamuni, ka ratou tamata vinaka cake mai vei kemuni;

NA SAME 106:39

Era a vakadukadukalitaki ira ga ena nodra cakacaka, Ka sega ni yalodina vua na Kalou.

NA SAME 73:27

O ira kece era biuti kemuni era na rusa vakaidina; O ni na vakarusai ira era sa sega ni yalodina vei kemuni.

Jeremaia 2:13

Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Jeremaia 2:20

“Isireli, o a sa besetaka makawa sara na noqu lewa; O cata na muri au, ni o sa kaya, Au na bese ni qarava! Ia ena veidelana cecere Kei na ruku ni veivunikau drokadroka, O a sega ni yalodina vei au Me vaka na yalewa dautagane.

Jeremaia 2:23

O kaya rawa vakacava Ni o sega ni vakadukadukalitaki iko, Ni o a sa sega ni bau qaravi Peali? Raica mada na i valavala ca o a cakava ena qakilo, Ena kemu i rairai Sa vaka e dua na kameli yalewa sa sega ni vakacegui rawa Ena nona garova na tagane, Sa veiciciyaki ki na veiyasana kece ni sa tasere, Me vakaceguya na gagadre ni lomana.

Jeremaia 3:9

Ka sa sega ni kauwaitaka vakalailai. Sa vakadukadukalitaka na vanua; sa veibutakoci ena nona sa ia ga na sokalou ki na vatu kei na veivunikau.

Isikeli 6:9

Ia o ira na kena vo ka ra na kau vakabobula vei kemuni sa bula, era nanumi au ki na veimatanitu era na qai nanumi au mai na vanua era sa la'ki tu kina vakabobula, ni'u sa na vakamalumalumutaka na lomadra ka a gole tani mai vei au, ka vakavuna na nodra muri ira vakamataboko na veimatakau ka ra sa la'ki vakalou kina, era na qai vakasisilataka na nodra i valavala vakasisila kecega.

Osea 2:7

Ena cicimuri ira na nona i tau ka sega ni tauri ira rawa, ka na qarai ira o koya ka sega ni kunei ira. Ena qai kaya vakaoqo, “Au na lesu tale vua na i matai ni watiqu — au a tiko vinaka sara ena gauna o ya mai na gauna oqo.”

Osea 3:1

A sa kaya tale vei au o Jiova., “Mo lako tale mada ka vakaraitaka na nomu lomana na yalewa e sa domona tale tiko e dua, ni sa yalewa dautagane, ka me vaka na loloma i Jiova vei ira na Isireli, ka dina ga ni ra sa dau golevi ira na veikalou tani eso ka taleitaka na keke vuanikau.”

Osea 5:3

Au sa kila na i tuvaki kei Isireli — ka sa sega ni rawa ni vunitaki au. Sa sega ni yalodina o koya ni sa ia tikoga na veibutakoci; sa dukadukali o Isireli.”

Marika 1:1

Na i vakatekivu ni Tukutuku Vinaka kei Jisu Karisito, na Luve ni Kalou

Vakarua 31:16

A qai kaya vei Mosese o Jiova, “Raica, sa toro voleka mai na gauna ni nomu mate, ka ra na sega ni dinati au na tamata oqo ena gauna o sa mate kina, ka voroka na veiyalayalati au sa vakayacora vata kei ira. Era na biuti au ka qaravi ira na veikalou tani ni vanua era sa vakarau la'ki tawana.

2 Pita 2:14

Era sa vakasamataka tu ga me ra ia na veibutakoci; era sa sega ni mamau rawa ena caka ca. Era sa dau vakacalai ira na tamata era sa dau bale vakarawarawa. Sa vakatavulici na lomadra me ra daukocokoco. Ena tau vei ira na cudru ni Kalou!

Vakatakila 17:5

A sa volai tu e yadrena e dua na yaca vakaibalebale vakaoqo: “O Papiloni na koro cecere, na tinadra na yalewa dautagane kecega kei na veika vakasisila kei vuravura.”