NA SAME 99:8 - Vakavakadewa Vou kei na iVola tale eso

⁸ Oi kemuni Jiova, na neimami Kalou, O ni a rogoci iratou na nomuni tamata; O ni a vakatakila vei iratou ni o ni sa Kalou dauveivosoti, Ia, o ni a dau sauma talega na nodra i valavala ca.

Ai Vola Tabu (Vakadewa Makawa Vakavoutaki 2021)

⁸ O ni a vakarorogo vei ira, i Jiova, na neimami Kalou; oi kemuni na Kalou ko ni sa dauvosoti ira ga, ia ko ni a sauma talega na nodra i valavala.

AI VOLA TABU

⁸ O a vosa vei ira, Jiova, na neimami Kalou: o iko na Kalou sa daulomadonu, ia ko a cudruva ga na nodrai valavala.

Vakavakadewa Makawa

⁸ O ni a vakarorogo vei ira, Jiova, na neimami Kalou: Oi kemuni na Kalou ko ni sa daulomadonu ga, Ia ko ni a sauma talega na nodra i valavala.

Ai Vola Tabu Ena Vakavakadewa Vou

⁸ Oi kemuni Jiova, na neimami Kalou, O ni a rogoci iratou na nomuni tamata; O ni a vakatakila vei iratou ni o ni sa Kalou dauveivosoti, Ia, o ni a dau sauma talega na nodra i valavala ca.

NA SAME 99:8 Iomraidhean Croise

2 Samuela 12:14

Ia, me vaka ga ni o ni a vakayacora na i tovo ca oqo ka beci kina o Jiova, ena mate vakaidina talega na luvemuni.”

NA SAME 78:38

Ia, sa yalololoma ga na Kalou vei ira na nona tamata. A sa vosota na nodra i valavala ca, Ka sa sega ni vakarusai ira. Sa dau vakavuqa me tarovi koya me kakua ni cudru, Ka sa lewai koya vinaka me sega ni cudru vakalevu sara.

NA SAME 89:33

Ia ena sega ni mudu na noqu lomani Tevita Se me'u na sega ni cakava na noqu vosa ni yalayala vua.

Lako Yani 32:2

A sa kaya vei ira o Eroni, “Ni luvata mai na sau koula era daramaka tiko na watimuni, kei ira na luvemuni tagane kei na luvemuni yalewa, ka kauta mai vei au.”

Lako Yani 34:7

Au sa yalololoma vei ira na udolu na i tabatamata ka vosota na nodra i valavala ca; ia au na sega ga ni guilecava me'u vakatauca na noqu cudruvi ira na qase era caka ca, ka me tau oqo vei ira na luvedra kei na makubudra me yacova na i katolu kei na i kava ni tabatamata.”

Dauvunau 7:29

Sa i koya oqo na ka au kunea, a bulia na tamata na Kalou me rawarawa ga, ia eda sa qai cakava me da dredre ka vereverea sara.

Jeremaia 46:28

Au na tiko kei kemuni me'u vakabulai kemuni. Au sa na vakarusai ira na veimatanitu kece Au a vakasavi kemuni yani kina, Ia au na sega ni vakarusai kemuni. Au na sega ni laivi kemuni Mo ni kakua ni totogitaki Ia ni'u na totogitaki kemuni Ena sega ni bibi sara. Sa i Jiova ga sa kaya oqo.

Sefanaia 3:7

Au a nanuma ga ni ra na qai rerevaki au kina na noqu tamata ka ciqoma na noqu i vakavuvuli, ka sega ni guilecava na veika ka'u a vakatavulica vei ira. Ia sa qai leqa ga vakalevu na nodra bula ni sa ca vakalevu sara na nodra i valavala.

Tiko mai na Lekutu 20:12

Ia, a kaya vei Mosese kei Eroni o Jiova, “Ena vuku ni o drau sa sega ni vakabauti au, mo drau vakatabui au e matadra na Isireli, drau sa na sega kina ni kauti ira na lewenivanua oqo ki na vanua ka'u sa solia vei ira.”

Tiko mai na Lekutu 20:24

“Sa na toki yani o Eroni vei ira na nona qase; ni sa na sega ni curu o koya ki na vanua ka'u a solia vei ira na Isireli, ena vuku ni nomudrau talaidredre ki na noqu vosa mai na wai o Meripa.

Roma 1:21

Era sa kila tiko na Kalou, ia era sega ga ni vakarokorokotaki koya me vaka na kena dodonu, ka ra sega talega ni vakavinavinaka vua. Ia sa yaco me lialia kina na nodra vakanananu, ka butobuto na nodra vakasama.

Vakarua 3:26

Ia a cudruvi au o Jiova ena vukumuni ka sega ni rogoci au. A sa kaya ga vei au, “Sa rauta mada! Kua tale ni tukuna vei au na ka oqori!