NA SAME 99:3 - Vakavakadewa Vou kei na iVola tale eso

³ Na tamata kecega ena vakamolimoli ki na yacana dokai ka cecere; Ni sa dodonu, tabu, ka yalosavasava ga o koya!

Ai Vola Tabu (Vakadewa Makawa Vakavoutaki 2021)

³ Me ra vakavinavinaka ki na yacamuni levu ka rerevaki; sa yalosavasava ko koya.

AI VOLA TABU

³ Me ra vakavinavinaka ki na yacamu levu ka rerevaki; sa yalosavasava ko koya.

Vakavakadewa Makawa

³ Me ra vakavinavinaka ki na yacamuni levu ka rerevaki; Sa yalosavasava ko koya.

Ai Vola Tabu Ena Vakavakadewa Vou

³ Na tamata kecega ena vakamolimoli ki na yacana dokai ka cecere; Ni sa dodonu, tabu, ka yalosavasava ga o koya!

NA SAME 99:3 Iomraidhean Croise

Niemaia 1:5

“Kemuni Jiova na Kalou ni lomalagi! O ni sa rui cecere, ka keimami sa vakasinaiti ena yalo sa rerevaki kemuni. O ni sa dau yalodina ki na nomuni veiyalayalati kei ira era sa lomani kemuni ka talairawarawa ki na nomuni i vunau.

Niemaia 4:14

Au a raica rawa ni ra sa lomaleqa na tamata, ka'u mani kaya kina vakaoqo vei ira kei na nodra i liuliu vata kei ira na vakailesilesi, “Ni kakua ni rerevaki ira. Mo ni nanumi Jiova ga, ni sa levu ka rerevaki o koya, ia ni vala ena vukudra na wekamuni, na luvemuni, na watimuni, kei na nomuni vuvale.”

Niemaia 9:32

‘O koya oqo, kemuni na neimami Kalou, na Kalou levu, qaqa ka rerevaki, o koya sa vakayacora na nona yalayala kei na nona loloma tudei, me kakua mada ni rairai lailai vei kemuni na veika rarawa sa yacovi keimami oti, kei ira na neimami tui, na neimami turaga, na neimami bete, na neimami parofita, na neimami qase kei ira kecega na nomuni tamata, me tekivu mai na nodra gauna na tui Asiria ka yacova na siga oqo.

Niemaia 9:5

E ratou a qai kaya mai na Livai, o ya o Jesua, o Katimieli, o Bani, o Asapinaia, o Siripaia, o Otaia, o Sipanaia kei Peceaia, ‘Mo ni tucake ka vakavinavinaka vei Jiova na nomuni Kalou,’ ka kaya, ‘Me vakavinavinakataki na yacamuni lagilagi sa uasivi cake na kena rokovi mai na vakavinavinaka kei na vakacaucau kecega, ka tawa mudu.’

NA SAME 100:4

Ni curu ki na matamata ni Valenisoro ena vakavinavinaka, Ka lako ki na nona lomanibai ena vakamolimoli!

NA SAME 103:1

Mo vakacaucautaki Jiova, na yaloqu, Io, na ka kecega ena noqu bula taucoko, Mo vakacaucautaka na yacana tabu.

NA SAME 111:9

Sa kauta mai na veivakabulai vei ira na nona tamata Ka cakava e dua na veiyalayalati tawa mudu vata kei ira. Sa yalosavasava ka qaqa o koya!

NA SAME 145:17

Sa dodonu o Jiova ena ka kecega e cakava, Ka yalololoma ena nona cakacaka kecega.

NA SAME 66:3

Ni kaya vua na Kalou, “Sa veivakurabuitaki dina na veika o ni cakava! Sa levu na nomuni kaukauwa, Ka ra sa cuva kina ena rere na kemuni meca e matamuni.

NA SAME 76:1

Sa kilai vinaka tu e Juta na Kalou; Sa rokovi ga na yacana e Isireli.

NA SAME 76:12

Sa vakamalumutaki ira na ravouvou dokadoka o koya, Ka vakarerei ira na tui kei vuravura. Vua na i liuliu ni sere: me baleti Jitucuni. A nei Esava. A Same.

Aisea 6:3

Era a veikacivi vakai ira ka kaya, “Sa dodonu, ka tabu, ka savasava O Jiova ni lewevuqa. Sa sinai na vuravura ena nona lagilagi.”

Jeremaia 20:11

Ia, Turaga O ni sa totaki au, O ni sa kaukauwa ka qaqa Ka ra sa tarabe O ira kece era vakararawataki au; Era na sega sara ni qaqa. Era na vakamaduataki sara vakalevu Baleta ni ra na sega ni rawa ni qaqa. Na nodra madua Ena sega ni oti rawa Ka na sega sara ni guilecavi.

Joni 17:11

Au sa na lako yani vei kemuni oqo; ni ka'u sa sega tale ni tiko e vuravura, ia o ira ga oqo era sa tiko e vuravura. Tamaqu yalo savasava, ni maroroi ira ka taqomaki ira ena kaukauwa ni yacamuni, na yaca o ni sa solia vei au, me ra duabau kina me vaka ni daru sa duabau ga oi kedaru.

Vakarua 28:58

“Kevaka o ni na sega ni muria ena yalodina na i vakavuvuli kecega ni Kalou ka volai ena i vola oqo, ka sega ni vakarokorokotaka na yaca rogo ka veivakurabuitaki i Jiova na nomuni Kalou,

Vakarua 7:21

Ni kakua sara ni rerevaki ira na tamata oqo. Sa tiko kei kemuni o Jiova na nomuni Kalou, na Kalou levu sa dodonu me rerevaki.

Josua 24:19

Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca.

Vakatakila 4:8

O iratou na veika bula e va oqo, e ono taucoko na dui tabadratou yadudua, ka robota tu na yagodratou kece sara na yaloka ni mata, ena ruku ni tabadratou talega. Ia eratou sa sega ga ni cegu ena veisiga kei na veibogi ena nodratou seretaka voli, “E dodonu, ka tabu, ka yalosavasava Na Turaga na Kalou Kaukauwa, A sa bula eliu, sa bula tiko edaidai, ena bula tikoga ka tawamudu.”

1 Samuela 2:2

“Sa sega tale ni dua e yalosavasava cake me vakataki Jiova; sa sega tale ni dua me vakataki koya, sa sega na dauveimaroroi me vakataka na noda Kalou.