NA SAME 81:3 - Vakavakadewa Vou kei na iVola tale eso

³ Uvuca na davui ni solevu ni vula vou, Ni sa taucoko na vula, ena noda siga ni solevu.

Ai Vola Tabu (Vakadewa Makawa Vakavoutaki 2021)

³ Uvuca na davui e na vula vou, e na gauna sa loku, e na siga ni noda solevu.

AI VOLA TABU

³ Uvuca na davui e na vula vou, e na gauna sa loku, e na siga ni noda solevu.

Vakavakadewa Makawa

³ Uvuca na davui e na vula vou, E na gauna sa loku, e na siga ni noda solevu.

Ai Vola Tabu Ena Vakavakadewa Vou

³ Uvuca na davui ni solevu ni vula vou, Ni sa taucoko na vula, ena noda siga ni solevu.

NA SAME 81:3 Iomraidhean Croise

2 Tui 4:23

A taroga lesu o watina, “A cava o via lako kina edaidai? E sega ni siga ni Solevu ni Vula Vou oqo, ka sega talega ni Siga ni Vakacecegu.” A sa kaya o koya, “Veitalia ga.”

1 Veigauna 15:16

A sa vakarota o Tevita vei ira na nodra i liuliu na Livai me ra lesi ira na wekadra me ra digitaka eso na Livai me ra daunisere ka ra vakatagitaka na veisere rogo vinaka ka vakavure marau ena api kei na sibali.

1 Veigauna 15:19

O iratou na daunisere o Imani, o Esava vata kei Icani me ratou na qiria na sibali parasa;

1 Veigauna 15:24

E ratou a digitaki me ratou dau uvuca na davui ena mata ni Kato ni Veiyalayalati o iratou na bete: o Sipanaia, o Josafati, o Nacanieli, o Amasai, o Sakaraia, o Penaia vata kei Iliesa.

1 Veigauna 16:42

A sa nodrau i tavi talega o Imani kei Jitucuni na liutaki ni kena uvuci na davui, kei na qiriti ni sibali kei na i yaya ni vakatagi tale eso ena gauna e lagati kina na sere eso ni vakavinavinaka vua na Kalou. Era a lesi na lewe ni mataqali i Jitucuni me ra dau yadrava na matamata.

1 Veigauna 16:6

ka me rau dau uvuca vakawasoma tiko na davui ena mata ni Kato ni Veiyalayalati oi rau na bete o Penaia kei Jesieli.

1 Veigauna 25:1

A digitaka o Tevita kei ira na nodra turaga na Livai na veimataqali ka ra cavuti oqo me ra liutaka na veiqaravi vua na Kalou: o Esava, kei Imani, vata kei Jitucuni. A nodra i tavi me ra vunautaka na i tukutuku ni Kalou, ka me salavata oqo kei na domo ni vakatagi mai na api kei na sibali. Oqo na yacadra era sa digitaki me ra liutaka na sokalou kei na i tavi duidui eso me ra qarava:

2 Veigauna 13:12

Na Kalou duadua ga sa liutaki keimami, ka ra sa tu oqo na nona bete kei na nodra davui me ra vakarau uvuca yani, me vakatekivutaki kina na neimami valuti kemuni. Oi kemuni na luve i Isireli, ni kakua sara ni vala kei Jiova, na nodra Kalou na nomuni qase! E sega ni rawa ni nomuni na qaqa!

2 Veigauna 13:14

Ni ra qai rai vuki yani ki muri o ira na Juta, era sa raica ni ra sa viribaiti wavoki tu. Era sa qai tagi yani vei Jiova me vukei ira, ka ra uvuca na davui o ira na bete.

2 Veigauna 2:4

Au sa vakarau tara tiko oqo na valenisoro me vakarokorokotaki kina o Jiova na noqu Kalou. Ena vakatabui me savasava na vale oqo ka me'u sokalou kina kei ira na noqu tamata, me keimami vakama kina na veika boi vinaka, me vakacabori wasoma kina na madrai tabu, me cabori kina na i soro kama ena veimataka kei na veiyakavi, ena Siga ni Vakacecegu, ena Solevu ni Vula Vou, kei na nona solevu tabu tale eso sa vakarokorokotaki kina o Jiova na neimami Kalou. Sa lesia oqo o Jiova me nodra i tavi na Isireli ka tawa mudu.

2 Veigauna 5:12

na Livai, era domo ni sere, na Esava, o Imani, o Jitucuni, na luvedra kei ira na wekadra, era vakaisulu ena i sulu lineni matailalai, era taura na sibali, na api, na soliteri, na lira, ka ra tucake tu ena yasana ki na tokalau ni cabocabonisoro, ka tiko kei ira era lewe 120 na bete era dau uvu davui;

2 Veigauna 8:13

Na i soro kama kece e vakacabora sa vakayacori me vaka na kena i vakarau ena Lawa i Mosese me baleta na siga vakatabui eso me vaka na Siga ni Vakacecegu, ena Solevu ni Vula Vou kece, kei na tolu na solevu lokuci vakayabaki, o ya na Solevu ni Madrai Sega ni Vakatubu, na Solevu ni Tatamusuki, kei na Solevu ni Valetabanikau.

NA SAME 149:3

Ni vakacaucautaka na yacana ni o ni meke; Ni qiria na dramu kei na api ena vakacaucautaki koya.

NA SAME 33:2

Ni vakavinavinaka vei Jiova ena api Ni sere vua ena i vakatagi vakawa.

NA SAME 98:6

Dou uvuca na davui kei na biukila, Ka kaila ena marau vei Jiova, na noda tui.

Lele i Jeremaia 2:6

A sa vakacacana na nona vale vakacevaceva Me vaka e dua na i teitei; Sa vorolaka vakamatailalai sara vakakina Na Valenisoro eda dau sokalou kina; Sa muduka ga o Jiova mai Saioni Na veisolevu tabu kei na Siga ni Vakacecegu; Ia na nona cudru waqawaqa era sa vota O ira na tui kei ira na bete.

Neumi 1:15

Raica, sa lako mai na i talai ka sa siro tiko mai na ulunivanua me mai kacivaka na qaqa! Kemuni na Juta, ni vakayacora na nomuni veisolevu tabu ka cabora vua. Era na sega tale vakadua ni kaba na nomuni vanua na tamata ca. Era sa vaqeyavutaki oti vakadua sara!

Tiko mai na Lekutu 15:3

ena gauna o ni sa vakacabora kina vei Jiova na nomuni i soro mai na qele ni manumanu - oqo me i soro kama se i soro e cabori ga me vakayacori kina na veiyalayalati, se i solisoli loloma, se veiqaravi ni solevu digitaki; na i boi ni veisoro oqo era sa ka boi vinaka vei Jiova.

Tiko mai na Lekutu 28:11

Ena i vakatekivu ni vula kecega, mo ni vakacabora e dua na i soro kama vei Jiova: me rua na bulumakau gone ka tagane, dua na sipi tagane, vitu na lami tagane yabaki yadua ka sega ni dua na ka e ca kina;

Vakarua 16:15

Mo ni vakacaucautaka na nomuni Kalou o Jiova ena solevu oqo me siga vitu, ena vanua sa digitaki me dau qaravi kina o koya. Ni vakayacora ena reki baleta ni sa vakalougatataka o Jiova na nomuni vua ni qele kei na nomuni cakacaka.

Kolosa 2:16

O koya oqo mo ni kakua kina ni vakatara e dua me lewai kemuni me baleta na veika o ni kania, se gunuva, se na veika me baleta na siga vakatabui eso, se na Solevu ni Vula Vou, se na Siga ni Vakacecegu.