NA SAME 74:7 - Vakavakadewa Vou kei na iVola tale eso

⁷ Era sa vakacacana na nomuni Valenisoro ka vakama ena buka; Ka ra sa vakadukadukalitaka sara na vanua o ni dau qaravi kina.

Ai Vola Tabu (Vakadewa Makawa Vakavoutaki 2021)

⁷ Era sa vakama na nomuni vale tabu e na bukawaqa; era sa vakacacana nai tikotiko ni yacamuni, ni ra sa talaraka sobu ki na qele.

AI VOLA TABU

⁷ Era sa vakama na nomu vale tabu e na buka, era sa vakacacana nai tikotiko ni yacamu ni ra sa talaraka ki na qele.

Vakavakadewa Makawa

⁷ Era sa vakama na nomuni vale tabu e na bukawaqa, Era sa vakacacana nai tikotiko ni yacamuni ni ra sa talaraka sobu ki na qele.

Ai Vola Tabu Ena Vakavakadewa Vou

⁷ Era sa vakacacana na nomuni Valenisoro ka vakama ena buka; Ka ra sa vakadukadukalitaka sara na vanua o ni dau qaravi kina.

NA SAME 74:7 Iomraidhean Croise

1 Tui 8:20

“Ia oqo, sa dinata o Jiova na nona vosa ni yalayala. Au sa veisosomitaki vei tamaqu ena veiliutaki vakatui e Isireli, ka'u sa tara oti na Valenisoro me qaravi kina o Jiova na Kalou ni Isireli.

2 Tui 25:9

E a vakama o koya na Valenisoro, kei na nona vale na tui, kei na nodra veivale na tamata nuitaki e Jerusalemi,

2 Veigauna 36:19

Era sa vakama na Valenisoro, ka talaraka sobu na bai kei Jerusalemi, ka vakama na kena veivale vakaturaga kece, ka vakacacana na kena veiyaya vinaka taucoko.

NA SAME 89:39

O ni sa voroka na nomuni veiyalayalati kei na nomuni tamata; Ka viritaka na nona i sala vakatui ki na soso.

Lako Yani 20:24

Mo ni cakava vei au na i cabocabonisoro sa caka ena qele, ka vakacabora vei au na nomuni i soro kama kei na i madrali ni veivinakati, na sipi, kei na bulumakau, ena veivanua kecega, ka'u sa laiva na yacaqu me'u nanumi kina, au na lako mai kina me'u vakalougatataki kemuni.

Aisea 64:11

Na neimami vale tabu ka vanua rairai vinaka Era dauqaravi kemuni kina na neimami qase, Sa vakarusai ena buka. Sa rusa na veivanua kece keimami dau lomana.

Jeremaia 52:13

A vakama na Valenisoro, na valenitui kei na nodra vale kece na tamata cecere mai Jerusalemi,

Lele i Jeremaia 2:2

Sa veivakarusai o Jiova ka tabu loloma Ki na i tikotiko kecega i Jekope; Ena dela ni nona cudru sa vorolaka kina Na bainivalu ni vanua eso e Juta. A sa biuta sobu ki na qele ena rogo ca Na matanitu kei ira na kena i liuliu.

Lele i Jeremaia 2:6

A sa vakacacana na nona vale vakacevaceva Me vaka e dua na i teitei; Sa vorolaka vakamatailalai sara vakakina Na Valenisoro eda dau sokalou kina; Sa muduka ga o Jiova mai Saioni Na veisolevu tabu kei na Siga ni Vakacecegu; Ia na nona cudru waqawaqa era sa vota O ira na tui kei ira na bete.

Isikeli 24:21

Mo kaya vei ira na mataqali i Isireli, Sa kaya vakaoqo na Kalou o Jiova: Raica, au na vakacacana na noqu Valenisoro, na vale tabu ka a nomuni i sakisaki, ka nomuni vurevure ni kaukauwa, ka i divi ni matamuni, ka taleitaki e vu ni yalomuni. Era na vakamatei ena i valu o ira na lewe ni nomuni vuvale o ni a laivi ira tu yani mai Jerusalemi.

Isikeli 7:24

ka'u sa kauti ira mai na tamata lolovira ni veimatanitu me ra mai taukena na nodra veivale. Au na muduka vakadua na nodra viavialevu kaukauwa; ena vakacacani na nodra veiyasana tabu.

Vunau ni Soro 26:31

Au na vakarusa na nomuni veikoro, ka vaqeyavutaka talega na nomuni veivanua ni sokalou, ka sega ni ciqoma na nomudou vakacaboisoro.

Maciu 22:7

Sa cudru sara kina na tui, ka qai tala yani na nona mataivalu ka vakamatei ira na daulaba o ya, ka vakama na nodra koro.

Vakarua 12:5

Ia mo ni qai vakasoqoni vata ga ena vanua ena digitaka o Jiova na nomuni Kalou mai na nodra vanua na veimataqali kece sara me na vakatikora kina na yacana. Mo ni qai dau lako kina,