NA SAME 67:7 - Vakavakadewa Vou kei na iVola tale eso

⁷ Sa vakalougatataki keda na Kalou, Me ra rokovi koya na tamata mai na veivanua kecega. Vua na i liuliu ni sere. A nei Tevita. A Same. A Sere.

Ai Vola Tabu (Vakadewa Makawa Vakavoutaki 2021)

⁷ Ena vakalougatataki keda na Kalou; ena rerevaki koya talega nai yalayala kecega kei vuravura.

AI VOLA TABU

⁷ Ena vakalougatataki keda na Kalou; ena rerevaki koya talega nai yalayala kecega kei vuravura.

Vakavakadewa Makawa

⁷ Ena vakalougatataki keda na Kalou; Ena rerevaki koya talega nai yalayala kecega kei vuravura.

Ai Vola Tabu Ena Vakavakadewa Vou

⁷ Sa vakalougatataki keda na Kalou, Me ra rokovi koya na tamata mai na veivanua kecega.

NA SAME 67:7 Iomraidhean Croise

NA SAME 22:27

Na veimatanitu kece era na nanumi Jiova; Era na gole mai vua na veiyasa i vuravura kecega, Era na qaravi koya kecega na veimatatamata.

NA SAME 29:11

Sa solia o Jiova na kaukauwa vei ira na nona tamata Ka vakalougatataki ira na nona tamata ena bula vakacegu. A Same i Tevita. A sere ni kena vakatabui na Valenisoro.

NA SAME 33:8

Ni rerevaki Jiova, na vuravura taucoko! Ni rerevaki koya, na tamata kecega e vuravura!

NA SAME 65:5

O ni sa dau sauma na neimami masu mai na nomu dausolia na qaqa ena i valu, Ka dau vakayaco-ka me keimami vakabulai kina. Na tamata ena dela i vuravura taucoko Kei ira mai na wasa era tu yawa sa vakadinati kemuni.

NA SAME 72:17

Me kakua sara ni guilecavi na yacana, Ka tudei na nona rogo me yacova na takali ni matanisiga. Me ra vakacaucautaki koya na veimatanitu kecega, Me ra masuta na Kalou na tamata kecega me vakalougatataki ira; Me vaka na nona vakalougatataki koya na tui.

NA SAME 98:3

Sa vakayacora na nona vosa ni yalayala vei ira na Isireli Kei na nona loloma tudei kei na yalodina vei ira. Era sa raica na tamata kecega ni sa qaqa na noda Kalou.

Aisea 30:23

Ena gauna o ni tea kina na nomuni teitei ena vakatauca kina na uca na Turaga me ra vakabulai; Ena solia me levu na ka o ni tamusuka mai na nomuni tikiniqele, ka na levu na veico me kedra na nomuni bulumakau.

Aisea 43:6

Au na kaya ki na vualiku me sereki ira mai Ka tukuna ki na ceva me kakua ni tarovi ira. Laivi ira na noqu tamata me ra lesu mai na veivanua yawa.

Aisea 45:22

Ni gole mai vei au mo ni vakabulai Na tamata mai na veiyasa i vuravura kece. Ni sai au taudua ga na Kalou ka sega Ni dua me keirau lewe rua.

Aisea 52:10

Ena vakayagataka o Jiova Na nona kaukauwa savasava; Ena vakabulai ira na nona tamata o koya, Ka na raica oqo o vuravura taucoko.

Vunau ni Soro 26:4

au na qai vakatauca vei kemuni na uca ena kena gauna taudonu, ka na sautu sara na vua ni qele, ka na vuataka na vuana na kau ni veiwere.

Maika 5:4

Ni sa lako mai o koya, sa na qai mai lewai ira na nona tamata ena kaukauwa sa taka mai vei Jiova. Ena qai taqomaki vinaka na nodra tiko na nona tamata, baleta ni ra sa vakadinata na kai vuravura kecega ni sa cecere sara o koya,

Sakaraia 8:12

Era na tea na nodra i teitei ena galala. Ena vuavuai vinaka na nodra veivaini, ena bulabula vinaka na qele, ena levu na uca. Au na vakayacora me ra taukena na veika kece oqo o ira na vo-ni-bula.

Sakaraia 9:10

Sa kaya vakaoqo o Jiova, “Au na kauta laivi na qiqinivalu mai Isireli, Ka kauta tani na ose mai Jerusalemi; Ena vakarusai na dakaititi Era a vakayagataki ena i valu. Ena cakava na nomuni tui Na nodra veivinakati na veimatanitu; Ena lewa o koya na wasawasa e dua ki na wasawasa kadua. Mai na uciwai na Uferetisi ki na i yalayala kei vuravura.”

Malakai 1:11

Era dokai au na tamata mai na dua na yasa i vuravura ki na yasana kadua. Era vakama na ka boi vinaka vei au mai na veivanua kece, ka ra vakacabora na i madrali vivinaka. Era sa dokai au kece sara!

Malakai 4:2

Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba.

Cakacaka 13:26

“Oi kemuni na wekaqu, na kawa i Epara-ama, kei kemuni na kai matanitu tani o ni dau qarava na Kalou, sa kau mai oqo kivei keda na vosa ni veivakabulai oqo!

Cakacaka 13:47

Ni sa vakaoqo na i vakaro ni Turaga: ‘Au sa vakaturi iko mo nodra rarama na kai matanitu tani, Me rawa kina ni vakabulai o vuravura taucoko.’ ”

Cakacaka 2:28

O ni sa vakatakila vei au na sala eso ki na bula; Kei na nomuni sa tiko vata kei au ena vakasinaiti au ena marau.’

Kalatia 3:14

Sa cakava na Karisito na ka oqo me sobuti ira talega kina na veimatanitu tani na veivakalougatataki sa yalataki vei Epara-ama ena vuku i Karisito Jisu me soli kina vei keda na Yalo Tabu sa yalataka na Kalou ena vuku ni vakabauta.

Kalatia 3:9

A sa vakabauta na Kalou o Epara-ama ka sa vakalougatataki kina; era sa vakalougatataki vakakina me vakataki koya o ira vakayadua era sa vakabauta.

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”