NA SAME 61:4 - Vakavakadewa Vou kei na iVola tale eso

⁴ Ni solia vei au me'u tiko ena nomuni valelaca ka sega ni mudu; Ka me'u taqomaki vinaka ena ruku ni tabamuni.

Ai Vola Tabu (Vakadewa Makawa Vakavoutaki 2021)

⁴ Au na tiko ga e na nomuni vale ka sega ni mudu, au na vakararavi e na ruku ni tabamuni. Sela

AI VOLA TABU

⁴ Au na tiko ka tawa oti e na nomu vale: au na vakararavi e na ruku ni tabamu. Sela.

Vakavakadewa Makawa

⁴ Au na tiko ga e na nomuni vale ka sega ni mudu: Au na vakararavi e na ruku ni tabamuni. Sela.

Ai Vola Tabu Ena Vakavakadewa Vou

⁴ Ni solia vei au me'u tiko ena nomuni valelaca ka sega ni mudu; Ka me'u taqomaki vinaka ena ruku ni tabamuni.

NA SAME 61:4 Iomraidhean Croise

NA SAME 27:4

Au a kerea vei Jiova e dua na ka: Me'u tiko ga ena vale i Jiova Ka qoroya na nona vinaka, Ka me'u dau taroga na nona i vakasala mai kea.

NA SAME 23:6

Ena muri au na nomuni yalovinaka kei na nomuni yaloveivosoti ena veigauna kece sara ni noqu bula; Ka'u na tiko ga ena nomuni vale i Jiova ena noqu bula taucoko.

NA SAME 17:8

Ni taqomaki au me vaka na nomuni taqomaka na yaloka ni matamuni, Ka vunitaki au ena yaloyalo ni tabamuni, Mai vei ira na tamata ca era via vakacacani au.

NA SAME 91:4

Ia, ena ubi iko ga o koya ena ruku ni tabana; Ka maroroi iko vinaka ena nona loloma; Ena taqomaki iko ka totaki iko na nona yalodina.

NA SAME 63:7

Ni sai kemuni ga ka sa dau vukei au voli. Au na laga sere ena marau ena yaloyalo ni tabamuni.

NA SAME 57:1

Ni yalololoma vei au, na Kalou, ni yalololoma vei au, Ni'u sa lako mai vei kemuni me'u taqomaki. Au sa mai kunea na veitaqomaki ena yaloyalo ni tabamuni Me yacova ni sa oti na cava kaukauwa.

NA SAME 15:1

Kemuni Jiova, O cei ena tiko ena nomuni vale? O cei ena tiko ena nomuni ulunivanua tabu mai Saioni?

Maciu 23:37

“Isa, Jerusalemi, i Jerusalemi! O iko o a vakamatei ira na parofita, ka vakaviriki ira ena vatu na tamata era talai yani vei iko! Sa vakavuqa na noqu tovolea me'u vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia dou a sega ni vinakata!

NA SAME 62:7

Sa vakatautaki ga vua na Kalou na noqu vakabulai kei na noqu dokai; Sa i koya ga na noqu i sasabai kaukauwa; O koya talega na noqu i drodro.

Ruci 2:12

Me qai sauma vei iko o Jiova na nomu caka vinaka. Me qai sauma vakavinaka sara vei iko o Jiova na Kalou i Isireli; o koya o sa mai vakarurugi kina oqo ena ruku ni tabana.”

Vakatakila 3:12

Ia au na vakayacori ira sa rawata na qaqa me ra duru ni vale tabu ni noqu Kalou, ka ra na sega vakadua tale ni lako tani mai kina. Au na vola vei ira na yaca ni noqu Kalou kei na yaca ni koro ni noqu Kalou, o Jerusalemi vou, o koya me na lako sobu mai lomalagi mai vua na noqu Kalou. Io, ka'u na vola talega vei ira na yacaqu vou.

NA SAME 91:1

O koya sa tiko ena vale i Koya sa Cecere Sara, Sa tiko vakacegu ena i yaloyalo i Koya sa Kaukauwa.

Iperiu 6:18

E rau sa qai tu kina oqo e rua na ka, sa sega ni vukici rawa, ka sa sega ni rawa ni vosa lasu kina na Kalou. O koya oqo eda sa qai vakacegui kina vakalevu oi keda eda sa dro me da vakarurugi vua ka me da taura dei tiko na i nuinui sa tu e matada.

NA SAME 92:13

Era sa vaka na kau era tei ena vale i Jiova, Ka bula cake ena vale tabu ni noda Kalou,

NA SAME 90:1

Turaga, sai kemuni ga na neimami i tikotiko ni veitabagauna.

NA SAME 61:7

Me qai veiliutaki tikoga e matamuni na Kalou ka sega ni mudu; Ni qai maroroi koya ena nomuni loloma tudei kei na dina.

Vosavakaibalebale 18:10

Na yaca i Jiova sa vaka na i drodro kaukauwa; era cici kina na yalododonu ka ra sa vakabulai.