NA SAME 48:2 - Vakavakadewa Vou kei na iVola tale eso

² Sa cecere ka totoka na ulunivanua ni noda Kalou, o Saioni; Sa kauta mai na reki ki na vuravura taucoko na nona koro na Tui cecere.

Ai Vola Tabu (Vakadewa Makawa Vakavoutaki 2021)

² Sa lagilagi sara na kenai tikotiko, era marautaka na kai vuravura kece, na Ulunivanua ko Saioni, na yasana sa donuya na vualiku, na koro nei koya na Tui levu.

AI VOLA TABU

² Sa toka vinaka sara, a nodra marau na kai vuravura kece, na ulu-ni-vanua ko Saioni, e na yasana sa donuya na tokalau; na koro i koya na Tui levu.

Vakavakadewa Makawa

² Sa lagilagi sara na kenai tikotiko, era marautaka na kai vuravura kece, Na ulu-ni-vanua ko Saioni, na yasana sa donuya na tokalau; Na koro nei koya na Tui levu.

Ai Vola Tabu Ena Vakavakadewa Vou

² Sa cecere ka totoka na ulunivanua ni noda Kalou, o Saioni; Sa kauta mai na reki ki na vuravura taucoko na nona koro na Tui cecere.

NA SAME 48:2 Iomraidhean Croise

NA SAME 135:21

Ni vakacaucautaki Jiova mai Saioni, O koya sa tiko e Jerusalemi. Ni vakacaucautaki Jiova!

NA SAME 50:2

Sa serauni na Kalou mai Saioni, Na koro sa uasivi sara ena kena i rairai totoka.

NA SAME 76:2

Sa tiko na nona i tikotiko e Jerusalemi Sa tiko mai na ulunivanua o Saioni.

NA SAME 87:3

Rogoca mada o iko, na koro ni Kalou, Na veika talei sa tukuna o koya ena vukumu.

NA SAME 99:9

Mo ni vakacaucautaki Jiova na noda Kalou, Ka sokalou vua mai na nona ulunivanua tabu; O Jiova na noda Kalou sa dodonu, tabu, ka yalosavasava. A Same ni vakavinavinaka.

Aisea 14:13

O a kaya e lomamu. “Au na kaba cake ki lomalagi, Me'u cecere cake vei ira na kalokalo ni Kalou. Au na la'ki biuta na noqu i dabedabe ena vanua cecere Ka'u na la'ki dabe ena ulunivanua Era dausoqo kina na kalou mai na vualiku.

Aisea 2:2

Ena yaco mai na gauna, Sa na cecere duadua kina, Na ulunivanua e duri tu kina na Valenisoro. Era na lako yani kina na veimatanitu kecega, Ka ra na kaya na tamata,

Aisea 60:14

Era na lako mai na luvedra era vakasaurarataki iko, Ka ra mai cuva sobu me ra vakarokoroko Kei ira kece era beci iko era sa na qaravi iko. Era na vakatokai iko me yacamu ‘Na koro ni Turaga’ O ‘Saioni na koro ni Kalou Yalo Savasava ni Isireli.’

Aisea 66:10

Ni marau vata kei Jerusalemi, ka reki ena vukuna Oi kemuni kece o ni lomana na koro oqo! Ni marau vata kaya oqo Oi kemuni kece o ni a tagicaka!

Jeremaia 3:19

A sa kaya o Jiova, “I Isireli, au a nanuma me'u okati iko Me vakataki ira na luvequ, Ka solia vei iko e dua na vanua talei, Na vanua rairai vinaka duadua ena vuravura taucoko. Au a nanuma ni o na kacivi au me'u tamamu, O na sega ni gole tani tale mai vei au.

Lele i Jeremaia 2:15

O ira sa lako takoso ena sala Era sa vakasausau ni ra beci iko. Era sa vakasisi ka kureitaka na uludra Ka veiwalitaka na rusa kei Jerusalemi. “Sa i koya beka oqo na koro talei o ya? O koya li oqo na i sakisaki kei vuravura?”

Isikeli 20:6

Ena siga o ya, au a yalataka vei ira ni'u na kauti ira tani mai na vanua o Ijipita, ki na dua na vanua ka'u a vakadikeva matua me nodra, na vanua sa drodro kina na wai ni sucu kei na oni, na vanua uasivi ka lagilagi mai na veivanua kecega.

Taniela 11:16

Sa na qai tawana o tui Siria na vanua lagilagi o ya, me qai vakarorogo na vanua taucoko oqori ki na nona kaukauwa.

Taniela 11:45

Sa na birika na nona veivalelaca lelevu vakatui ena kedrau veimama na waitui kei na ulunivanua tabu ka lagilagi. Ia, ena mate o koya, ka na sega e vukei koya.”

Taniela 8:9

A qai tubu mai e dua na basoga ni i leu lailai ena tolo ni dua vei iratou na i leu e va. A vakaraitaka na nona kaukauwa na i leu vou oqo vaka ki na ceva kei na tokalau, ka vaka talega ki na Vanua Yalataki.

Malakai 1:14

Ena kalouca sara o koya na dauveivakaisini sa mai vakacabora vei au na manumanu sa sega ni vinaka, ni tiko ga ena nona qele ni manumanu na ka bulabula vinaka sa yalataka oti tu me solia vei au! Ni'u sa tui cecere sara oi Au, ka ra sa rerevaki au na tamata mai na veivanua kecega.”

Malakai 3:12

Era na qai kaya na veimatanitu kecega ni o ni sa tamata kalougata, baleta ni sa rui vanua vinaka ni vakaitikotiko na nomuni vanua.”

Maciu 5:35

kakua ki vuravura ni sai tutu ni yavana, kakua ki Jerusalemi ni sa nona koro na Tui levu.

Iperiu 12:22

Ia oqo, o ni sa qai lako mai ki na Ulunivanua o Saioni kei na koro ni Kalou bula, o Jerusalemi vakalomalagi, kei ira na udolu vakaudolu na kena agilosi.