NA SAME 42:3 - Vakavakadewa Vou kei na iVola tale eso

³ Au sa tagi ena siga kei na bogi, Ka sa kequ kakana ga na wai ni mataqu; Era sa tarogi au na kequ meca ena veigauna kece, “Sa evei na nomu Kalou?”

Ai Vola Tabu (Vakadewa Makawa Vakavoutaki 2021)

³ A qau kakana tiko na wai ni mataqu e na siga kei na bogi, ni ra kaya tikoga vei au, “Evei na nomu Kalou?”

AI VOLA TABU

³ A qau kakana tiko na wai ni mataqu e na siga kei na bogi, ni ra sa kaya tikoga vei au, Evei na nomu Kalou?

Vakavakadewa Makawa

³ A qau kakana tiko na wai ni mataqu e na siga kei na bogi, Ni ra kaya tikoga vei au, Evei na nomu Kalou?

Ai Vola Tabu Ena Vakavakadewa Vou

³ Au sa tagi ena siga kei na bogi, Ka sa kequ kakana ga na wai ni mataqu; Era sa tarogi au na kequ meca ena veigauna kece, “Sa evei na nomu Kalou?”

NA SAME 42:3 Iomraidhean Croise

2 Samuela 16:12

Ena qai raica beka o Jiova na noqu rarawa, ka na qai caka vinaka vei au ena vuku ni nona vosavakacacataki au na tamata oqo edaidai.”

NA SAME 102:9

Ni na kequ kakana na dravusa me vaka na madrai, Ka sa veiwaki na wai ni mataqu kei na mequ gunu,

NA SAME 115:2

A cava me ra tarogi keimami kina na veimatanitu, “Evei na nomuni Kalou?”

NA SAME 143:6

Au a qai laveta cake na ligaqu vei kemuni ena masu; Me vaka na kena gadreva na wai na qele mamaca, sa viagunu vakakina vei kemuni na yaloqu.

NA SAME 22:8

Era a kaya, “O sa dau vakararavi vua na Kalou, A cava ga e sega ni vakabulai iko kina o koya? Kevaka e vinakati iko na Kalou, Na cava ga e sega ni vukei iko kina?”

NA SAME 3:2

Era sa veivosakitaki au ka kaya, “Ena sega ni vukei koya na Kalou.”

NA SAME 42:10

Au sa vakayalolailaitaki ena nodra veivakasewasewani, Era taroga tikoga vei au, “E vei na nomuni Kalou?”

NA SAME 63:2

Au gadreva me'u rai yani vei kemuni ena nomuni vale tabu Me'u raica na nomuni qaqa kei na nomuni lagilagi.

NA SAME 79:10

Na cava me ra tarogi keimami kina na veimatanitu ka kaya, “E vei na nomuni Kalou?” Me keimami raica mada ni o ni sa totogitaki ira na veimatanitu Me baleta na nodra vakadavea na nodra dra na nomuni dauveiqaravi.

NA SAME 79:12

Turaga, ni sauma lesu vakavitu vei ira na veimatanitu, Ena vuku ni vosa ni veivakacacani era sa tauca vei kemuni.

NA SAME 80:5

O ni sa solia vei keimami me keimami kania Ka gunuva e dua na bilo levu na wai ni mata.

NA SAME 84:3

O ira sara mada ga na siparo era cakava e dua na nodra sova, Ka dui tu na nodra vale na kakabace; Era sa maroroya na luvedra volekata na nomuni cabocabonisoro, I Jiova ni lewevuqa, na noqu Tui ka noqu Kalou.

Lako Yani 23:17

Me vakatolu ena veiyabaki me ra rairai kina vei Jiova na nomudou Kalou o ira taucoko na tagane.

Joeli 2:17

Me ra tagi ga ka cabo masu O ira na bete kei na i talatala i Jiova dauveiqaravi Ena maliwa ni matamata ki na Valenisoro Kei na i cabocabonisoro, ka kaya: “Ni yalololoma vei ira na nomuni tamata, na Kalou, Ni kakua ni cudruvi keimami Se me ra vakalialiai keimami na veimatanitu Ni ra sa kaya, “Evei na nomudou Kalou?”

Maika 7:10

Era na qai raica na ka oqo na keda meca ka ra na qai madua kina - o ira na meca era a vakalialiai keda ena nodra taroga, “Sa tiko e vei na Turaga na nomuni Kalou?” Ia eda na raica dina ga ni ra sa vakamalumalumutaki ka buturaki sobu me vaka na qele soso e gaunisala.

Vakarua 5:26

O cei na tamata sa rogoca na domo ni Kalou mai na loma ni bukawaqa ka qai bula tiko me vakataki keda?