NA SAME 4:3 - Vakavakadewa Vou kei na iVola tale eso

³ Mo ni nanuma matua ni sa digitaka o Jiova na tamata yalodina me nona, Ka sa rogoci au ni'u sa masu vua.

Ai Vola Tabu (Vakadewa Makawa Vakavoutaki 2021)

³ Ia mo dou kila sa digitaka na tamata yalovinaka ko Jiova me nona; ena vakarogoci au ko Jiova ni'u sa tagi vua.

AI VOLA TABU

³ Ia mo dou kila ni sa digitaka na tamata yalovinaka ko Jiova me nona: ena vakarogoca ko Jiova niʼu sa tagi vua.

Vakavakadewa Makawa

³ Ia mo dou kila sa digitaka na tamata yalovinaka ko Jiova me nona: Ena vakarogoci au ko Jiova ni'u sa tagi vua.

Ai Vola Tabu Ena Vakavakadewa Vou

³ Mo ni nanuma matua ni sa digitaka ko Jiova na tamata yalodina me nona, Ka sa rogoci au ni'u sa masu vua.

NA SAME 4:3 Iomraidhean Croise

NA SAME 31:23

Ni lomani Jiova oi kemuni kece na nona tamata yalodina! Sa taqomaki ira na tamata yalodina o Jiova Ia sa totogitaki ira vakabibi sara era viavialevu.

NA SAME 34:15

Sa dau wanonovi ira na yalododonu o Jiova, Ka rogoca na nodra masu;

NA SAME 49:3

Sa matata ka makare vinaka na noqu vakanananu; Ka'u na tauca na vosa eso ni veivakayalomatuataki.

NA SAME 50:5

Sa kaya o koya, “Kumuni ira vata mai na noqu tamata yalodina vei au, O ira era sa cakava vata kei au e dua na veiyalayalati ena nodra vakacabora vei au na i soro.”

NA SAME 56:9

Era sa vakalesui tale na kequ meca ena siga au masu yani kina vei kemuni. Na ka oqo au sa kila: ni sa toka ga e yasaqu na Kalou —

NA SAME 6:8

Ni lako tani kece mai vei au, oi kemuni na tamata i valavala ca! Sa rogoca o Jiova na noqu tagi;

NA SAME 62:10

Kakua ni vakadinata na i valavala kaukauwa; Kakua ni nuitaka mo rawata e dua na ka ena butako, Veitalia sara ga kevaka e levu cake kina na nomu i yau, Kakua sara ni vakararavi kina.

Lako Yani 33:16

Ena kilai vakacava ni ra sa kune loloma vei kemuni o ira na nomuni tamata kei au kevaka o ni sa sega ni lako vata kei keimami? Na nomuni salavata voli kei keimami ena vakatakila ni keimami kawa tamata sa duatani mai vei ira na veimatatamata kecega e vuravura.”

Joni 15:16

Dou sa sega ni digitaki au, ia ka'u sa digitaki kemudou, ka'u sa lesi kemudou mo dou lako ka vuavuai vakalevu sara ena vuamudou sa tudei. Ena solia kina vei kemudou o Tamaqu na ka kecega dou sa kerea vua ena yacaqu.

Efeso 2:10

Ni sa buli keda na Kalou me da vakataka ga na keda i tuvaki oqo, kei na noda semati kei Karisito Jisu sa vakayacori keda kina me da cakava na i valavala vinaka ka sa vakarautaka taumada na Kalou ena vukuda.

2 Timoci 2:19

Ia na yavu tudei sa virikotora na Kalou sa sega ni yavalati rawa, ka sa volai kina oqo: “Na Turaga sa kilai ira era sa nona” kei “O ira yadua era sa tukuna ni ra sa nona na Turaga e dodonu me ra vuki tani kece sara mai na nodra caka ca.”

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

2 Pita 2:9

O koya oqo sa kila kina na Turaga na sala me ra vakabulai kina o ira na tamata lotu mai na veivakatovolei e vuqa; sa kila talega na sala me ra totogitaki tiko kina na tamata i valavala ca me yacova na Siga ni Lewa,