NA SAME 13:2 - Vakavakadewa Vou kei na iVola tale eso

² Ena vakacava soti na kena dede me'u vosota tiko kina na vutu? A cava na kena dede me na vakasinaiti kina na yaloqu ena rarawa ena siga kei na bogi?

Ai Vola Tabu (Vakadewa Makawa Vakavoutaki 2021)

² E vakaevei beka na kena dede me'u vosota tiko kina na mosi ni yaloqu, kei na rarawa ni lomaqu e na veisiga? E vakaevei li na kena dede me rawai au tiko na noqu meca?

AI VOLA TABU

² E vakaevei na kena dede meʼu bose tiko e na vu ni yaloqu, ni sa rarawa tiko na lomaqu e na veisiga? e vakaevei na kena dede me rawai au na noqu meca?

Vakavakadewa Makawa

² E vakaevei na kena dede me'u bose tiko e na vu ni yaloqu, Ni sa rarawa tiko na lomaqu e na veisiga? E vakaevei na kena dede me rawai au na noqu meca?

Ai Vola Tabu Ena Vakavakadewa Vou

² Ena vakacava soti na kena dede me'u vosota tiko kina na vutu? A cava na kena dede me na vakasinaiti kina na yaloqu ena rarawa ena siga kei na bogi?

NA SAME 13:2 Iomraidhean Croise

Niemaia 2:2

ka mani tarogi au kina vakaoqo: “A cava o sa rui mata rarawa kina? O iko o sega ni tauvi mate, ka dusia oqori ni o sega ni marau tiko.” Au a kurabuitaka na ka oqo

Esiteri 7:6

A sauma o Esiteri, ka kaya, “O Amani sara ga ka toka oqo na keimami meca ka dauveretaki keimami!” A qai dua na rere levu a bikai Amani.

Jope 10:15

Ena gauna ga e dua kina na noqu i valavala ca, E daru sa veimecaki sara ga; Ia ni'u cakava na ka dodonu, Sa qai sega na vinaka e soli me noqu. Au sa luvuci ena madua Ka'u sa vakaloloma sara ga.

NA SAME 10:18

O ni na rogoca na nodra tagi o ira sa vakararawataki kei ira na luveniyali; Ka vakatauca na lewa vinaka ena vukudra, Me ra kakua tale kina ni veivakarerei o ira na tamata era na mate talega. Vua na i liuliu ni sere. A nei Tevita.

NA SAME 116:3

E a vesuki au sara vakaukauwa o mate ena nona dali, Sa volekati au sara na veivakararawataki ni bulubulu; Ka a luvuci au ga na rere kei na taqaya.

NA SAME 17:9

Era sa wavoliti au na kequ meca; Era sa sinai ena yalo ca.

NA SAME 31:18

Ni vakatikolotaki ira na tamata lasulasu O ira na dokadoka ka viavialevu, Era sa vosa beci vei ira na tamata yalododonu.

NA SAME 38:17

Sa voleka ni'u bale, Ka sa tiko dei ga vei au na noqu vutugu.

NA SAME 42:4

Sa rarawa na yaloqu ni'u vakananuma na veika oqo: Na noqu a lako vata kei ira na lewe vuqa ki na vale ni Kalou, Ni'u a liutaki ira ena neimami lako voli, Oqori na i lala mamarau era sa lagalaga sere Ka reki ena vakacaucautaka na Kalou.

NA SAME 6:4

I Jiova, ni lako mai ka ia na veivakabulai; Ni vueti au mai na mate ena nomuni yalololoma.

NA SAME 7:2

De ra na colati au yani me vaka e dua na laione, Ki na dua na vanua sa sega na tamata me vakabulai au rawa kina; Ka ra qai dresulaki au vakamatailalai mai kea.

NA SAME 74:10

Ena vakacava soti na kena dede, kemuni na Kalou, era na vakalialiai keimami tikoga kina na neimami meca? Era na vakacacana tikoga li na yacamuni me tawa mudu?

NA SAME 74:18

Ia, mo ni nanuma ga, i Jiova, Ni ra sa dau veiwalitaki kemuni o ira na nomuni meca; Era sa tamata tawa vakabauta ga ka beca na yacamuni.

NA SAME 8:2

Era sa lagata na gone kei na gone dramidrami. O ni sa viria e dua na bai me lati ira na kemuni meca, Me tarovi ira na kemuni meca kei ira era dau cati kemuni.

NA SAME 9:6

Era sa oti vakadua na keimami meca. O ni sa vakarusa na nodra veikoro, Ka ra sa guilecavi sara ga vakadua.

Vosavakaibalebale 15:13

Na yalo marau sa vakasucuma na matadredredre; ia ni sa rarawa na lomana, sa kavoro kina na yalo.

Dauvunau 5:17

Ia eda na bula ga ena butobuto kei na rarawa, loma ocaoca, vakaloloma ka mate.

Jeremaia 15:18

A cava beka sa sega ni oti kina na noqu rarawa? O ni sa nakita beka mo ni vakamaduataki au me vaka na uciwai sa maca ena gauna ni katakata?

Jeremaia 45:3

O a kaya, ‘Au sa ca! Sa vakaikuritaka na noqu rarawa o Jiova; Au sa kolaiciba ena vutugu ka'u sa sega ni vakacegu rawa!”

Jeremaia 8:18

Sa sega ni vakacegui rawa Na noqu rarawa; Sa tauvi mate na yaloqu.

Lele i Jeremaia 1:5

O ira na nona meca sa gumatua ga vua, Ka ra sa yaco me ra nona turaga, Ni sa vakatara na Kalou me vakararawataki Ena vuku ni nona i valavala ca; Era sa lako tani yani na luvena, Ka vakabobulataki e matadra na nona meca.

Lele i Jeremaia 1:9

A sa kunei rawarawa na nona dukadukali, Ia sa sega ni kauwaitaka na nona veisiga ni mataka; Na nona bale sobu sa ka rerevaki sara Ni sa sega ni dua me vukei koya rawa. “I Jiova, ni raica mada na noqu rarawa, Ni ra sa gumatua vei au na kequ meca!

Lele i Jeremaia 5:20

A cava o ni sa guilecavi keimami vakadua kina? A cava o ni sa biuti keimami kina vakadede?

Maciu 26:38

Sa qai kaya vei iratou, “Sa rui rarawa vakalevu na yaloqu, me vaka au sa na mate; dou toka eke, ka me datou yadra vata tiko.”

Luke 22:53

Au a tiko vata ga kei kemuni mai na Valenisoro ena siga kei na bogi, ka o ni a sega ni bau via vesuki au. Ia sa qai nomuni gauna oqo, ni sa veiliutaki na kaukauwa ni butobuto.”

Joni 16:6

Ia oqo ni'u sa tukuna vei kemudou na veika oqo, sa luvuci na lomamudou ena rarawa.

Roma 9:2

Sa ka levu dina na noqu rarawa, ka sega ni oti rawa na mosi ni yaloqu me baleti ira na kai noqu, o ira na tiki ni yagoqu ka noqu dra dina!

Filipai 2:27

Io sa tauvimate dina o koya ka voleka sara ni mate. Ia sa yalololoma vua na Kalou, ka sega ni vei koya taudua ga, sa yalololoma talega vei au ka sega kina ni vakaikuritaka na noqu rarawa ena dua tale na ka.

1 Samuela 18:29

A qai levu cake sara na nona rerevaki Tevita o Saula; a meca tikoga i Tevita o Saula.

1 Samuela 24:19

Ia kevaka sa kunea na kena meca e dua na tamata ena laivi koya li me lako vakavinaka yani? Me vakalougatataki iko o Jiova ena vuku ni ka o cakava vei au e daidai.