NA SAME 127:2 - Vakavakadewa Vou kei na iVola tale eso

² Sa tawayaga na noda cakacaka vakaukauwa me da tiko vinaka kina, Eda yadra sara vakamataka ka qai moce ni sa bogi levu, Baleta ni sa dau solia na vakacegu na Turaga, Vei ira sa lomana o koya.

Ai Vola Tabu (Vakadewa Makawa Vakavoutaki 2021)

² Sa sega ni yaga ni dou sa sou e na mataka, ka berabera ni vakacegu tiko, ka kania na madrai ni oca; ni sa vakamoceri ira ga sa lomana ko koya.

AI VOLA TABU

² Sa tawa yaga ni dou sa sou e na sabogibogi, ka berabera ni vakacegu tiko, ka kania na madrai ni rarawa: ni sa vaka-mocei ira ga sa lomana ko koya.

Vakavakadewa Makawa

² Sa sega ni yaga ni dou sa sou e na mataka, ka berabera ni vakacegu tiko, Ka kania na madrai ni oca; Ni sa vakamocei ira ga sa lomana ko koya.

Ai Vola Tabu Ena Vakavakadewa Vou

² Sa tawayaga na noda cakacaka vakaukauwa me da tiko vinaka kina, Eda yadra sara vakamataka ka qai moce ni sa bogi levu, Baleta ni sa dau solia na vakacegu na Turaga, Vei ira sa lomana o koya.

NA SAME 127:2 Iomraidhean Croise

Jope 11:18

O sa na qai tiko vakacegu ka sinai ena vakanuinui; Ka sa qai viribaiti iko ka vakacegui iko na Kalou.

NA SAME 3:5

Au sa davo sobu ka moce, Ka sa maroroi au voli o Jiova ena bogi taucoko.

NA SAME 4:8

Ni'u sa davo sobu, au na moce ga ena vakacegu, Ni sai kemuni ga, i Jiova, sa dau maroroi au vinaka. Vua na i liuliu ni sere: baleta na bitu ni vakatagi. A Same i Tevita.

NA SAME 60:5

Ni vakabulai keimami ena nomuni kaukauwa; Ni sauma mai na neimami masu, Me ra sereki rawa kina na tamata o ni sa lomana.

Vosavakaibalebale 10:22

Na veivakalougatataki i Jiova sa vakavuna na nona vutuniyau e dua na tamata, ena sega ni kuria o koya ena cakacaka kaukauwa.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 5:12

E dua na tamata cakacaka ena rawa ni tu se sega ni tu vua na ka me kania, ia ena rawa ga me moce vinaka ena bogi. Ia na tamata vutuniyau, e dina ni sa levu na ka e tu vua, ena sega ni moce rawa ena nona nuiqawaqawa.

Dauvunau 6:7

Na cakacaka kece e cakava e dua na tamata sa baleta ga na ka me kania, ia sa sega ga ni oti vakadua kina na nona viakana.

Jeremaia 31:26

A qai yadra o Jeremaia ka kaya, “Au a moce, ia au sa yadra mai ena kaukauwa vou.”

Isikeli 34:25

Ia ka'u na cakava vei ira e dua na veiyalayalati ni veivinakati, ka vakasavi ira na manumanu ca mai na vanua, ka ra na tiko dei ena vanua veico, ka moce e veikau.’