NA SAME 101:3 - Vakavakadewa Vou kei na iVola tale eso

³ Au na sega sara ni cakava e dua na ka ca. Au sa cata na nodra i valavala era sa gole tani mai vua na Kalou, Ka'u na sega ni via vakaitavi vata kei ira ena dua na ka.

Ai Vola Tabu (Vakadewa Makawa Vakavoutaki 2021)

³ Au na sega ni viritura e mataqu e dua na ka ca; au sa cata na nodra i valavala era sa gole vakatani; ena sega ni kabiti au.

AI VOLA TABU

³ Au na sega ni viritu e mataqu e dua na ka ca: au sa cata na nodrai valavala era sa vuki; ena sega ni kabiti au.

Vakavakadewa Makawa

³ Au na sega ni viritura e mataqu e dua na ka ca: Au sa cata na nodra i valavala era sa gole vakatani; Ena sega ni kabiti au.

Ai Vola Tabu Ena Vakavakadewa Vou

³ Au na sega sara ni cakava e dua na ka ca. Au sa cata na nodra i valavala era sa gole tani mai vua na Kalou, Ka'u na sega ni via vakaitavi vata kei ira ena dua na ka.

NA SAME 101:3 Iomraidhean Croise

Jope 31:1

Au a sa cakava oti na noqu vosa ni yalayala Ni'u na sega ni garova e dua na goneyalewa ni'u raica.

NA SAME 119:113

Au sa cati ira era sa sega ni yalodina vei kemuni, Ia, au sa taleitaka ga na nomuni vunau.

NA SAME 119:37

Ni tarovi au me'u kakua ni goleva na ka tawayaga; Ni yalovinaka vei au me vaka o ni sa yalataka.

NA SAME 125:5

Ia, ni totogitaki ira ga era muria tikoga na nodra i tovo ca, Mo ni totogitaki ira talega sa biuta vakatikitiki na nomuni sala. Me qai yaco ga na tiko sautu e Isireli! A Sere ni cabecabe.

NA SAME 139:22

Sa ka taucoko sara ga na noqu cati ira; Au sa okati ira me ra kequ meca.

NA SAME 14:3

Ia, era sa cala kecega; Sa tautauvata na nodra i tovo ca kecega; Sa sega ni bau dua e cakava na ka dodonu, E sega sara ni dua mada ga.

NA SAME 36:3

Sa ca na nona vosa ka sa sinai ga ena lasu; Sa sega ni vuku rawa me cakava na ka vinaka.

NA SAME 39:1

Au a kaya, “Au na qarauna na ka au cakava, Ka'u na sega tale ni laiva na yamequ me i valavala ca; Au na sega ni kaya e dua na ka, Ni ra tu volekati au na tamata ca.”

NA SAME 40:4

Sa kalougata na tamata sa vakadinati Jiova, Ka sa sega ni goleva na veikalou matakau, Se duavata kei ira era qarava na veikalou lasu.

NA SAME 41:9

O koya mada ga na noqu i tokani vinaka, o koya au dau vakadinata ka vota vata na kequ, Sa saqati au tale.

NA SAME 78:41

Era sa vakatovolea vakavuqa sara na Kalou, Ka vakacudruya na Lewe Dua Yalo Savasava ni Isireli.

NA SAME 78:57

Ia era sa dauveisaqasaqa ka sega ni yalodina me vakataki ira na nodra qase, Ka ra sa sega ni nuitaki me vaka na gasau ni dakaititi veve

NA SAME 97:10

Sa lomani ira era cata na ca o Jiova, Sa taqomaka na nodra bula na nona tamata; Sa vakabulai ira mai na ligadra na tamata ca.

Lako Yani 20:17

“Mo kakua ni kocova na vale nei wekamu, se na watina, se na nona tamata cakacaka, se manumanu, se dua na ka e taukena na wekamu.”

Lako Yani 32:8

Era sa gole tani vakasauri mai na sala au a vakarota vei ira me ra muria: era sa bulia e dua na luve ni bulumakau ka caka ena koula sa vakawaicalataki ka cuva kina, ka vakacaboisoro talega kina. Era sa tukuna tiko ni sai koya oqo na nodra kalou ka kauti ira tani mai Ijipita.

Vosavakaibalebale 6:12

Era sa veilakoyaki voli ka tukuna wavoki na i tukutuku lasu o ira na tamata tawayaga ka vucesa.

Vosavakaibalebale 6:13

Sa sauriva na matadra ka ra sa vakatabataba me ra vakacalai iko,

Vosavakaibalebale 6:25

Kakua ni rawai ena kedra rairai totoka; kakua talega ni tacori mai na rai ni gagano e matadra.

Vosavakaibalebale 8:13

Na rerevaki Jiova sai koya na cata na ca; Au sa cata na dokadoka kei na viavialevu, Na i tovo ca kei na vosa lasu.

Dauvunau 6:9

E sega ga na kena yaga; sa vaka ga na via vesu cagi. E vinaka cake me sa mamau na yaloda ena ka ga sa tu vei keda mai na noda gadreva tale eso na ka.

Aisea 30:11

Mo ni lako tani ga, Ka kakua ni vakasugusugu ena neimami sala. Keimami sega ni via rogoca, Na ka e baleta na Kalou Yalo Savasava ni Isireli.”

Aisea 33:15

O koya ga e vosataka na ka dina Ka cakava na ka dodonu sa rawa me bula. Kakua ni vakayagataka na nomu kaukauwa Mo veidabuitaka kina na dravudravua; Mo kua talega ni ciqoma na veika o vaqumi kina. Kakua ni lala vata kei ira era navuca na laba Se cakava na veika tawa dodonu.

Jeremaia 22:17

Ia o iko O sa raica ga na ka o gadreva vakataki iko; O sa vakamatei ira na tamata yalododonu, Ka tabaki ira sobu vakaukauwa na nona tamata. Sa vosa ga vakaoqo o Jiova.

Maika 2:2

Ni ra sa vinakata e dua na tiki ni qele, era sa kovea ga; ni ra sa vinakata na vale, era sa taura ga. Sa sega sara ni dua na vuvale me na tiko vakacegu rawa se na i yau me na dau taqomaki vinaka.

Sakaraia 8:17

Ni kakua ni dau vakasamataka na sala eso mo ni veivakacacani ga kina vakai kemuni. Ni kakua ni tukuna na i tukutuku lasu ni o ni sa vosa bubului oti. Au sa besetaka sara na lasu, na lewa vakatawadodonu, kei na veivakasaurarataki.”

Maciu 5:28

Ia au sa kaya vei kemudou oqo, o koya ga e rai vua na yalewa ka sa gagano kina, sa dauyalewa kaya oti e lomana.

Roma 12:9

Me dina ka maucokona vinaka na nomuni loloma. Mo ni cata na ca ka taura matua na ka vinaka.

Kalatia 4:9

Ia edaidai ni o ni sa qai kila na Kalou; se me'u kaya, sa qai kilai kemuni oqo na Kalou, ia o ni sa qai lesu tale vakaevei li ki na veiyalo malumalumu ka tawayaga eso? Na cava o ni sa via nodra bobula tale kina na veika oqo?

Vakarua 13:17

Mo ni kakua sara ni maroroya me nomuni e dua na ka e dodonu me vakarusai; ena qai vuki kina o Jiova mai na nona cudru waqawaqa me lomani kemuni. Ena qai yalo loloma vei kemuni ka vakalewevuqataki kemuni me vaka sa yalataka vei ira na nomuni qase,

Vakarua 15:9

Qarauna mo ni kakua ni vakanananu ca vakaoqo: Sa voleka na i kavitu ni yabaki, na yabaki ni veisereki, mo ni kakua ni vakaraitaka na nomuni yalo ca vua na wekamuni dravudravua o ya ka sega talega ni solia vua e dua na ka. Sa rawa vua me vakamamasu ka beitaki kemuni vei Jiova, ia ena qai kunei kina ni o ni sai valavala ca vakaidina.

Iperiu 10:39

Eda sa sega ni tamata dauvuki lesu ka yali tu vakatawamacala. Ia, eda sa tiko maliwai ira ga era sa vakabauta ka ra sa vakabulai.

Josua 23:6

Mo ni qaqarauni kina mo ni talairawarawa ka cakava sara na ka kecega sa volai ena i vola ni Lawa i Mosese. Mo ni kakua ni gole tani mai kina, ki na i matau se ki na i mawi.

2 Pita 2:21

Ni sa vinaka cake vei ira me ra a kakua mada ni ra kila na sala ni valavala dodonu, ka ca ga me ra sa kila taumada ka qai vakanadakuya na i vakaro tabu sa soli vei ira.

1 Joni 2:19

O ira oqo era sa sega dina ga ni noda i tokani, o ya na vuna era sa biuti keda kina. Ni kevaka era a noda i tokani vakaidina, ke ra se tiko ga kei keda. Ia era sa lako tani ga me vakaraitaka kina ni ra sa sega kecega ni noda i tokani.

1 Samuela 15:11

“Au sa veivutuni dina ni'u a buli Saula me tui; ni sa vakanadakui au o koya, ka sega ni muria na noqu i vakaro.” A sa cudru o Samuela, ka sa tagi vei Jiova ena bogi taucoko.