NA SAME 100:3 - Vakavakadewa Vou kei na iVola tale eso

³ Ni kakua ni guilecava ni sa Kalou o Jiova! Sa buli keda o koya ka da sa nona qele ni sipi.

Ai Vola Tabu (Vakadewa Makawa Vakavoutaki 2021)

³ Dou kilai Jiova ni sa Kalou ko koya. Sai koya ga sa buli keda, ka segai koi keda; eda sa nona tamata, kei na sipi ni nona vanua.

AI VOLA TABU

³ Dou kilai Jiova ni sa Kalou ga ko koya; sai koya ga sa buli keda, a sa nona koi keda: eda sa nona tamata, kei na sipi ni nona vanua.

Vakavakadewa Makawa

³ Dou kilai Jiova ni sa Kalou ko koya; Sai koya ga sa buli keda, ka segai koi keda: Eda sa nona tamata, kei na sipi ni nona vanua.

Ai Vola Tabu Ena Vakavakadewa Vou

³ Ni kakua ni guilecava ni sa Kalou ko Jiova! Sa buli keda o koya ka da sa nona qele ni sipi.

NA SAME 100:3 Iomraidhean Croise

2 Tui 19:19

Ia oqo, kemuni Jiova na neimami Kalou, mo ni vakabulai keimami mai na ligadra na kai Asiria, me ra na kila kina na veimatanitu kecega e vuravura ni sai kemuni o Jiova, na Kalou sa duabau ga.”

1 Veigauna 16:14

O Jiova ga sa noda Kalou; Na nona i vakaro sa roboti vuravura taucoko.

Jope 10:3

De rairai sa dodonu tiko beka vei kemuni mo ni veivakatotogani, Mo ni cata na i bulibuli ni ligamuni Ka totaka na nodra vere vuni na tamata ca?

NA SAME 119:73

O ni a buli au ka taqomaki au tiko; Ni solia vei au na kila-ka, ka me'u na vulica rawa kina na nomuni lawa.

NA SAME 12:4

“Keimami na tukuna ga na ka keimami via cavuta, Ena sega ni dua me na tarovi keimami. O cei me rawa ni tukuna vei keimami na ka me keimami kaya?”

NA SAME 149:2

Mo reki Isireli ena vuku i koya a buli iko. Ni reki na lewe i Saioni ena vuku ni nomuni tui!

NA SAME 46:10

A sa kaya o koya, “Ni muduka na nomuni veivaluvaluti ka kila ni sai au ga na Kalou, Ka'u sa qaqa ena kedra maliwa na veimatanitu Ka qaqa e vuravura taucoko.”

NA SAME 78:52

Ia sa qai liutaki ira yani na nona tamata o koya me vaka e dua na i vakatawanisipi, Ka tuberi ira yani ena vanua dravuisiga.

NA SAME 79:13

Ia, oi keimami na nomuni tamata, na sipi ni nomuni vanua, Keimami na vakavinavinakataki kemuni ga ka sega ni mudu, Ka vakacaucautaki kemuni ena veigauna kecega. Vua na i liuliu ni sere. Me vaka na i lagalaga ni “Na Viavia ni Veiyalayalati.” A nei Esava. A Same.

NA SAME 95:3

Ni sa Kalou qaqa ga o Jiova, Ka sa Tui kaukauwa vei ira na veikalou kece sara.

Lako Yani 6:7

Au na ciqomi kemuni mo ni sa noqu tamata, ia ka'u na nomuni Kalou. O ni na qai kila ni sai au o Jiova, o koya ka sereki kemuni mai na nodra veivakabobulataki na kai Ijipita.

Dauvunau 12:1

Mo nanumi koya na Dauveibuli Ena dela ni nomu gauna vakatabagone, Ni sa bera ni yaco mai na veisiga ca Ka toro mai na veiyabaki mo na kaya kina, Au sa sega ni vinakata na bula.

Aisea 63:11

Ia era sa qai nanuma na gauna e liu, Na gauna i Mosese na tamata ni Kalou, ka kaya. “Sa e vei o Jiova O koya a vakabulai ira na nodra i liuliu na nona tamata Mai na loma ni wasawasa? Sa e vei o koya ka solia na yalona vei Mosese?

Aisea 63:19

O ni sa okati keimami me vaka o ni sega ni neimami i liuliu Ka vaka me keimami sa sega ni nomuni tamata.

Aisea 64:7

E sega ni bau dua e gole yani vei kemuni ena masu me kere veivuke. O ni sa vunitaki kemuni vei keimami Ka biuti keimami ena vuku ni neimami i valavala ca.

Jeremaia 10:10

Ia o Jiova Sa i koya na Kalou dina, Sa i koya na Kalou bula, Kei na tui tawa mudu. Ni sa cudru Sa sautaninini na vuravura; Ka na sega ni vosota rawa na veimatanitu Na nona cudru.

Isikeli 34:11

“Ni sa kaya vakaoqo na Kalou o Jiova: Raica, oi au, io oi au sara ga vaka i au, ka'u sa na vakasaqarai ira na noqu sipi, ka'u na vakataroga na vanua era sa tu kina.

Joni 17:3

Sa i koya oqo na bula tawamudu, me ra kilai kemuni na Kalou dina duadua ga, kei Jisu Karisito, o koya o ni sa tala mai.

2 Korinica 4:6

Ni sai koya ga na Kalou sa kaya: “Sa na cila mai na rarama mai na butobuto,” sai koya talega na Kalou sa vakacilava mai na nona rarama ki na lomada, me kauta mai vei keda na rarama ni kena kilai na i serau ni Kalou ena mata i Karisito.

Efeso 2:10

Ni sa buli keda na Kalou me da vakataka ga na keda i tuvaki oqo, kei na noda semati kei Karisito Jisu sa vakayacori keda kina me da cakava na i valavala vinaka ka sa vakarautaka taumada na Kalou ena vukuda.

Vakarua 32:15

“Era sa vutuniyau na tamata i Jiova, ka viavialevu; era sa levulevu ka sinai ena kakana. Era sa biuta na Kalou ka buli ira ka vakanadakuya na nodra i vakabula.

Vakarua 32:6

O koya li oqo na sala mo ni qaravi Jiova kina, oi kemuni na yavu tamata lialia ka yalowai? Sai koya ga na tamamuni, na Dauniveibuli ka buli kemuni, ka sa vakavuna mo ni yaco me dua na matanitu.

Vakarua 4:35

Sa vakatakila vei kemuni, mo ni kila kina ni sa Kalou o Jiova; ka sega tale e dua, o koya duadua ga.

Vakarua 4:39

O koya oqo mo ni kila kina edaidai ka kakua sara ni guilecava ni sa Kalou dina ga o Jiova mai lomalagi e cake kei na vuravura era; ka sega tale e dua.

Vakarua 7:9

O koya oqo mo ni kila ni sa Kalou duadua ga o Jiova na nomuni Kalou, ka sa yalodina o koya. Sa dau maroroya na nona veiyalayalati ka vakaraitaka na nona loloma tawa yalani vei ira sa lomani koya ka muria na nona i vakaro me yacova na udolu na nodra i tabatamata.

1 Pita 2:25

O ni a vakataki ira tu na sipi sa lako sese, ia oqo o ni sa qai saumaki tale mai ka muri koya na i Vakatawa ka Dauveimaroroi ni yalomuni.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

1 Pita 4:19

O koya oqo me ra qai soli ira taucoko kina vua na Dauveibuli o ira era sa vakararawataki me vaka na loma ni Kalou, ka me ra ia ga na caka dodonu.

1 Joni 5:20

Eda sa kila ni sa lako mai na Luve ni Kalou ka sa solia vei keda na yalomatua, me da kilai koya rawa kina na Kalou dina. Eda sa bula ga vua na Kalou dina, ka sa semati vata kei na Luvena o Jisu Karisito. Sa i koya oqo na Kalou dina, ka sai koya oqo na bula tawamudu.