NA SAME 1:3 - Vakavakadewa Vou kei na iVola tale eso

³ Era sa vaka na veivunikau sa tei ena bati ni uciwai, Sa vuataka na vuadra ena kena gauna, Ka sa sega ni malai na drauna. Era na rawata na veika kece sara era sasagataka.

Ai Vola Tabu (Vakadewa Makawa Vakavoutaki 2021)

³ Ena tautauvata kei na kau sa tei e na bati ni uciwai, sa vuataka na vuana e na kena gauna, a drauna talega ena sega ni malai. Ia na ka kecega sa cakava ko koya ena yaco.

AI VOLA TABU

³ Ena tautauvata kei na kau sa tei e na bati ni uciwai, sa vuataka na vuana e na kena yabaki, a drauna talega ena sega ni malai; ia na ka kecega sa cakava ena yaco.

Vakavakadewa Makawa

³ Ena tautauvata kei na kau sa tei e na bati ni uciwai, Sa vuataka na vuana e na kena gauna, A drauna talega ena sega ni malai; Ia na ka kecega sa cakava ko koya ena yaco.

Ai Vola Tabu Ena Vakavakadewa Vou

³ Era sa vaka na veivunikau sa tei ena bati ni uciwai, Sa vuataka na vuadra ena kena gauna, Ka sa sega ni malai na drauna. Era na rawata na veika kece sara era sasagataka.

NA SAME 1:3 Iomraidhean Croise

Vakatekivu 39:23

Sa sega tale ni qai leqataka na i vakatawa ni valeniveivesu na veika sa vakacolati vei Iosefo, baleta ni sa tiko vata kei koya o Jiova, ka sa vakavuna me rawata vinaka o koya na ka kecega sa cakava.

Vakatekivu 39:3

ka sa raica na nona turaga ni sa tiko vata kei koya o Jiova, ka sa vakavuna me rawata vinaka na ka kecega sa cakava.

2 Tui 18:7

Ena ka oqo, a sa tiko kina vata kei koya o Jiova, ka sa rawata vakavinaka na veika kece sara sa vakayacora. Ia sa sega ni muria na lewa i tui Asiria ka sega ni via vakamalumalumu vua.

1 Veigauna 22:11

A sa tomana na nona vosa o Tevita, ka kaya, “Ia oqo, na luvequ, me tiko ga kei iko o Jiova na nomu Kalou, ka me yaco na nona vosa ni yalayala mo rawata vakavinaka kina na kena tara e dua na vale tabu vei Jiova.

1 Veigauna 22:13

Kevaka o na talairawarawa ki na lawa kecega sa solia o Jiova vei Mosese me baleti Isireli, o na yaco mo tamata qaqa ena rawa-ka. Mo yaloqaqa ka lomadei, ka kakua sara ni vakatara e dua na ka me vakarerei iko.

2 Veigauna 31:21

Ia na veicakacaka kece a tekivuna o koya ena kena qaravi na Vale ni Kalou, a muria na i vunau kei na i vakaro, me qarava kina na nona Kalou a dau cakava ena yalona taucoko, ka toro cake sara kina na nona veiliutaki.

2 Veigauna 32:23

Era a lewe vuqa era kauta mai na i solisoli vei Jiova, e Jerusalemi ka, vakakina na vatu talei eso me ka ni loloma vei Esekaia na tui Juta; ka vakalagilagi kina o koya e matadra na veimatanitu kecega me vakatekivu mai na gauna o ya kei na veigauna mai ki muri.

Jope 14:9

Ia kevaka e domica rawa na wai, ena qai tubu tale ka Vakadrauna me vaka e dua na vunikau gone.

Jope 22:28

Na ka kece o cakava o na rawata vakavinaka, Ka na serauna na nomu sala na rarama.

NA SAME 128:2

Ni o ni na kana ga mai na vua ni cakacaka ni ligamuni; O ni na qai marau kina, io ena lako vakavinaka vei kemuni.

NA SAME 129:8

Ena sega ni dua me na lako sivita me na kaya, “Me vakalougatataki kemuni o Jiova! Keimami sa vakalougatataki kemuni ena yaca i Jiova.” A Sere ni cabecabe.

NA SAME 92:14

Ka vuataka tikoga na vuana ni sa qase mai Ka drokadroka tu ga ka kaukauwa ena veigauna kece.

NA SAME 92:15

Oqo e vakaraitaka ni sa dodonu o Jiova; Sa sega ni cala vua na noqu dauveitaqomaki.

Aisea 27:11

Sa madu na kena veitaba ni kau ka ramusu, Ka ra sa mai tomika na marama me buka. Ni sai ira oqo na tamata era sa sega ni yalomatua, Ka sa sega ni lomani ira kina, Se vinakati ira o koya sa buli ira.

Aisea 3:10

Tukuna vei ira na yalo dodonu, Ni na daumaka na veika kecega vei ira, Ni ra na kania na vua ni nodra cakacaka.

Aisea 44:4

Era na tubu cake me vaka na veico sa vakasuasuataki Vinaka kei na kuta ena bati ni veiuciwai.

Aisea 58:11

Au na qai liutaki kemuni tikoga, ka vakamamautaki kemuni ena veika vinaka. Au na maroroi kemuni mo ni qaqa tikoga. O ni na qai vaka e dua na i teitei sa vakasuasuataki vinaka, Ka vaka e dua na mata ni wai sa sega ni maca rawa.

Jeremaia 17:8

Sa vaka e dua na kau sa tei volekata na wai; Ka sa tete yani na wakana ki na uciwai. Sa sega ni rere ni sa yaco mai na draki katakata, Baleta ni sa drokadroka tu ga na drauna; Ni sega na uca sa sega ni taqaya Ka sa sega ni mudu na kena vua.

Isikeli 17:8

ka la'ki tea ena qele vinaka ena bati ni wai levu, me rawa ni kadre ka tubu mai na tabana eso, ka vuataka na qerepi, ka me dua na vunivaini yaga.

Isikeli 19:10

O tinamu sa vaka e dua na vaini Ena loganivaini sa tei ena bati ni wai, Sa vuavuai vinaka ka levu na tabana Ena vuku ni levu ni wai.

Isikeli 31:5

Ia sa mani tubu cake ka cecere sara e deladra na kau kecega ni veikau; Sa tubu me levu sara na veitabana Ka babalavu na veitabana lalai ena levu ni wai.

Isikeli 47:12

Ia era na tubu ena bati ni uciwai ruarua na veimataqali kau me laukana. Ena sega ni malai na drauna, se me vuavuai ca; era na sobi tikoga na vuadra ena veivula, ni sa vure na wai ni uciwai mai na tikina tabu. Era na laukana na vuanikau, ia na drauna ena wai ni veivakabulai.”

Tiko mai na Lekutu 24:6

Sa vaka na veiniusawa sa tuva vakamaqosa, Se na veiwere ena bati ni uciwai, Sa vaka na i saluwaki sa teivaka o Jiova, Se na sitari ena bati ni wai.

Maciu 13:6

ni sa cabe na siga, sa malai mai, ia ni sa sega na wakana sa raqosa sara.

Maciu 21:19

Ni sa raica e dua na vunilolo, sa qai lako kina, ia sa sega ga ni kunea kina e dua na ka, na drauna walega. Sa qai kaya ki na vunilolo, “O na sega tale ni vua ka tawamudu!” A mai malai sara yani vakasauri na vunilolo.

Maciu 21:34

Ia ni sa voleka mai na vula i matua, sa qai talai ira yani na nona tamata kivei ira na tauri qele me taura mai vei ira na nona i votavota ni qerepi.

Maciu 21:41

Era sa qai kaya vua, “Ena vakamatei ira vakaloloma sara na tamata vakasevaki oqori, ka na lisitaka na loganivaini kivei ira tale eso na dautauri qele era na dau solia lesu vua na nona i votavota ni tatamusuki ena kena gauna.”

Joni 15:6

Kevaka e sega ni sema tiko vei au e dua na tamata, ena biu laivi me vaka na taba ni vaini ka sa na malai mai; era na qai tomika na tamata ka biuta ki na bukawaqa me kama kina.

Vakarua 28:8

“O Jiova na nomuni Kalou ena vakalougatataka na nomuni cakacaka ka vakasinaita na nomuni lololo ena sila. Ena vakalougatataki kemuni o koya ena vanua sa solia oqo vei kemuni.

Ai Vola I Juta 1:12

Mai na nodra i vakarau veivakamadualaki eso, era sa vaka ga na tikitiki ni duka ena nomuni soqoni ni kana vakaveiwekani. Era sa nanumi ira ga vakataki ira. Era sa na vaka na o sa kauta yani na cagi, ia sa sega ga ni kauta mai na uca. Era sa vaka na veivunikau sa sega ni vua, ka segai mada ga ena vula ni vuavuai, io na veivunikau ka sa cavuraki taucoko na wakadra ka sa mate vakadua.

Vakatakila 22:2

ka sa drodrova mai na lomadonu ni sala ena loma ni koro. Sa tu talega ena bati ni uciwai ruarua na kau ni bula, ka sa dauvuataka e tinikarua na vuata duidui eso ena dua na yabaki, e yadua na vuata ena dua na vula; kei na drauna sa medra wai ni bula na veivanua.