NA SAME 1:2 - Vakavakadewa Vou kei na iVola tale eso

² Ia, era sa rekitaka ga na Lawa i Jiova, Ka ra vakadikeva ena siga kei na bogi.

Ai Vola Tabu (Vakadewa Makawa Vakavoutaki 2021)

² ia ka sa marau tiko e na vunau i Jiova, a sa vakananuma tiko na nona vunau e na siga kei na bogi.

AI VOLA TABU

² ia ka sa marau tiko e na vunau i Jiova; a sa vakananuma tiko na nona vunau e na siga kei na bogi.

Vakavakadewa Makawa

² Ia ka sa marau tiko e na vunau i Jiova; A sa vakananuma tiko na nona vunau e na siga kei na bogi.

Ai Vola Tabu Ena Vakavakadewa Vou

² Ia, era sa rekitaka ga na Lawa i Jiova, Ka ra vakadikeva ena siga kei na bogi.

NA SAME 1:2 Iomraidhean Croise

Vakatekivu 24:63

Ena dua na yakavi, ni sa lako voli yani o Aisake ena buca, a sa raica ira na kameli ni ra sa lako tiko mai.

Esera 7:10

A sa dau gumatua o Esera ena kena vulici na Lawa i Jiova, kei na kena muri, kei na kena vakatavulici na lawa kei na i vakaro eso vei ira na Isireli.

Jope 23:12

Au vakayacora ena veigauna kece na ka e vakarota na Kalou; Au muria na lomana, ka sega sara ga na noqu gagadre.

NA SAME 104:34

Me na taleitaka o koya na noqu sere, Ena vuku ni noqu sa dau rekitaki Jiova.

NA SAME 112:1

Me vakacaucautaki o Jiova! Sa kalougata na tamata sa rerevaki Jiova, Ka sa taleitaka me vakayacora na nona i vakaro.

NA SAME 119:1

Sa kalougata o ira era sa sega ni beitaki rawa ena dua na ka, Ni ra sa muria na lawa i Jiova.

NA SAME 119:11

Au sa maroroya na nomuni vosa e lomaqu, Me'u kakua kina ni cala vei kemuni.

NA SAME 119:35

Ni tuberi au ena sala ni nomuni vakaro, Baleta ni'u sa kunea kina na marau.

NA SAME 119:72

Sa vakaibalebale cake vakalevu vei au na lawa o ni solia Mai na udolu na tiki ni koula kei na siliva.

NA SAME 119:92

Kevaka me a sega ni vu ni noqu marau na nomuni lawa, Ke'u a sa mate ena noqu yalorarawa.

NA SAME 40:8

Au rekitaka dina me'u vakayacora na lomamuni na noqu Kalou! Io, ka'u sa tugana na nomuni vakavuvuli ki na vu-ni-yaloqu.”

NA SAME 88:1

I Jiova, na Kalou dauveivakabulai, au sa tagi voli ga ena siga taucoko, Ka'u sa lako yani e matamuni ena bogi.

Jeremaia 15:16

O ni a vosa vei au ka'u a vakarorogo ki na nomuni vosa kece; ka sa kauta mai vei au na reki kei na marau ni lomaqu: ni'u sa okati ena yacamuni, o Jiova na Kalou Kaukauwa.

Luke 18:7

Ena qai sega li ni vakatauca na Kalou na lewa dodonu ka vinaka vei ira na nona digitaki era sa dau tagi vua ena siga kei na bogi? Ena berabera li na kena yaco mai na nona veivuke?

Luke 2:37

ia sa yada tu oqo o koya ka sa yabaki 84. E sega ni dau lako tani mai na Valenisoro o koya ni sa dau lotu, ka lolo masumasu ena siga kei na bogi.

Roma 7:22

Na lomaqu dina se na tamata-e-loma sa taleitaka na lawa ni Kalou.

1 Cesalonaika 2:9

O ni na nanuma tiko na veiwekani na neitou cakacaka kei na neitou oga. Keitou a dau cakacaka ena siga kei na bogi me keitou kakua kina ni vakaicolacolataka e dua vei kemuni ena gauna keitou vunautaka tiko kina vei kemuni na i Tukutuku Vinaka ni Kalou.

1 Timoci 4:15

Dau vakayacora na veika oqo ka solia taucoko kina na nomu dina, ka me ra raica kece kina na nomu tubu cake.

2 Timoci 1:3

Au sa vakavinavinaka vua na Kalou, o koya au sa qarava ena lewa-e-loma sa savasava, me vaka era sa vakayacora na noqu qase eliu. Au sa vakavinavinaka vua ena veigauna au dau nanumi iko kina ena noqu masu wasoma ena bogi kei na siga.

Josua 1:8

Mo nanuma mo dau wilika na i vola ni Lawa ena veigauna kecega ni sokalou. Mo wilika ka vakananuma ena veisiga kei na veibogi kece, ka cakava na veika kece sara sa volai kina, o na qai kalougata ka tamata rawa ka.

1 Joni 5:3

Na i balebale ga ni noda lomana na Kalou o ya me da muria na nona i vakaro. E sega soti ni dredre na noda muria na nona i vakaro,