NA SAME 1:1 - Vakavakadewa Vou kei na iVola tale eso

¹ Sa kalougata o ira na tamata Sa bese ni muria na nodra i vakasala na tamata ca, Se vakadadamuri ira sai valavala ca, Se dabe ena nodra i dabedabe na dauveivakalialiai.

Ai Vola Tabu (Vakadewa Makawa Vakavoutaki 2021)

¹ Sa kalougata na tamata sa sega ni muria tiko na nodra i vakavuvuli na tamata ca, se tu e na nodra sala nai valavala ca, se tiko e na nodra i tikotiko na dauveivakalialiai;

AI VOLA TABU

¹ SA kalougata na tamata sa sega ni muria lako na nodrai vakavuvuli na tamata lomaca, se tu e na nodra sala nai valavala ca, se tiko e na nodrai tikotiko na dauveivakalialiai:

Vakavakadewa Makawa

¹ Sa kalougata na tamata sa sega ni muria tiko na nodra i vakavuvuli na tamata ca, Se tu e na nodra sala nai valavala ca, Se tiko e na nodra i tikotiko na dauveivakalialiai.

Ai Vola Tabu Ena Vakavakadewa Vou

¹ Sa kalougata o ira na tamata Sa bese ni muria na nodra i vakasala na tamata ca, Se vakadadamuri ira sai valavala ca, Se dabe ena nodra i dabedabe na dauveivakalialiai.

NA SAME 1:1 Iomraidhean Croise

Vakatekivu 49:6

Au na sega ni curu ki na nodrau veivosaki vuni; Au na sega ni wili ena nodrau bose, Baleta ni rau vakamate tamata ena dela ni nodrau cudru, ka rau vakaleqai ira na bulumakau ena dela ni nodrau yalo ca.

Vakatekivu 5:24

E rau sa daulako vata o Inoki kei na Kalou me yacova ni sa yali, baleta ni sa kauti koya yani na Kalou.

1 Tui 16:31

Ia me vaka sa ka lailai vua na nona muria na i valavala ca i Jeropoama na luve i Nipati, a kuria tale ena nona kauti Jesipeli me watina, o koya na luve i Ecipeali, na nodra tui na kai Saitoni, ka la'ki qaravi Peali, ka cuva vua.

2 Veigauna 22:3

E a muria talega o Easaia na i valavala ni vuvale i Eapi; ni a dau vakasalataki koya o tinana me cakava na ka ca.

Jope 10:3

De rairai sa dodonu tiko beka vei kemuni mo ni veivakatotogani, Mo ni cata na i bulibuli ni ligamuni Ka totaka na nodra vere vuni na tamata ca?

Jope 21:16

Era suguta ni ra rawa ka mai na nodra kaukauwa sara ga, Ia oi au, au sega sara ni vakadonuya na nodra vakasama.

Jope 31:5

Au bubuluitaka ni'u sa sega mada ni bau cakava e dua na ka ca, Ka'u sega mada ni sa bau tovolea me'u vakacalai ira na tani.

NA SAME 1:6

Ni sa liutaki ira ka taqomaki ira na yalododonu o Jiova, Ia na nodra sala na tamata ca sa tini ga ena rusa.

NA SAME 106:3

Sa kalougata o ira era muria na nona i vakaro, O ira era dau cakava tikoga na ka dodonu.

NA SAME 112:1

Me vakacaucautaki o Jiova! Sa kalougata na tamata sa rerevaki Jiova, Ka sa taleitaka me vakayacora na nona i vakaro.

NA SAME 119:115

Ni lako tani mai vei au na tamata i valavala ca, Au na muria ga na nona i vakaro na noqu Kalou.

NA SAME 144:15

Sa kalougata na matatamata sa yaco dina kina na ka oqo; Sa kalougata na matatamata sa nodra Kalou ga o Jiova. A Sere ni vakavinavinaka. A nei Tevita.

NA SAME 146:5

Sa kalougata na tamata sa nona i vukevuke na Kalou i Jekope, Ka vakararavi vei Jiova na nona Kalou,

NA SAME 146:9

Sa taqomaki ira na kai tani o Jiova Sa vukei ira na yada kei na luveniyali, Ia sa vakarusa na nodra i naki na tamata ca.

NA SAME 2:12

Ni reguca na Luvena, de na qai cudru o koya O ni na qai mate kina, Ni sa dau totolo na caudre cake ni nona cudru. Sa kalougata o ira kecega sa vakararavi vua.

NA SAME 26:12

Au sa galala mai na leqa kecega; Ka'u sa dauvakacaucautaki Jiova ena veisoqoni vakalotu vakaivavakoso. A nei Tevita.

NA SAME 34:8

Tovolea mada ka raica na vinaka i Jiova! Ni sa kalougata na tamata sa vakarurugi mai vua.

NA SAME 36:4

Sa dau nakita na veika ca ena nona i davodavo; Sa sega ni vinaka na nona i tovo, Ka sa sega ni cata na ka ca.

NA SAME 64:2

Ni taqomaki au mai na nodra vere ca na tamata ca, Kei na nodra i tovo kaukauwa na tamata i valavala ca.

NA SAME 81:12

Ia au sa mani biuti ira me ra muria ga na yalodra kaukauwa Ka cakava ga na ka era vinakata.

NA SAME 84:12

I Jiova ni lewevuqa, Sa kalougata ga na tamata era sa vakararavi vei kemuni.

Vosavakaibalebale 1:15

Na luvequ, mo kakua ni lako vata kei ira na tamata vakaoqo, ka mo kakua ni muria na nodra sala.

Vosavakaibalebale 1:22

Ena cava li na kena dede, oi kemuni na yalowai, mo ni yalowai tikoga kina? A cava soti na dede ni nodra taleitaka na veivakalialiai na dauveivakalialiai kei na nodra cata na kila-ka o ira na lecaika?

Vosavakaibalebale 13:15

Na tamata kila-ka ena dokai, ia o ira sa sega ni vakadinati era sa lakova na i lakolako me ra rusa kina.

Vosavakaibalebale 13:20

O na yaco mo yalomatua ni o sa vuli mai vei ira na tamata yalomatua, ia o na rusa kevaka o sa vakailala vata kei ira na tamata lecaika.

Vosavakaibalebale 19:29

Na tamata yalowai ka dauveivakaisini e ciqoma ga na kena kuita.

Vosavakaibalebale 2:12

ka tarovi iko mo kakua ni cakava na ka e cala. Ena tarovi iko mo kakua ni muri ira na tamata dauveivakacalai,

Vosavakaibalebale 3:34

Sa sega na kedra yaga na dauveibeci vei Jiova, ia sa yalovinaka ga o koya vei ira sa yalomalumalumu.

Vosavakaibalebale 4:19

Ia na sala era lakova na i valavala ca sa vaka na butobuto loaloa ni bogi. Era sa bale sobu, ia era sa sega ga ni kila se na cava sa vakatarabetaki ira.

Vosavakaibalebale 9:12

Kevaka o sa yalomatua ena yaga sara ga vei iko; ia kevaka o na vakanadakuya, sai iko ga ena nomu na kena leqa.

Jeremaia 15:17

Au na sega ni vakayagataka na noqu gauna vata kei ira na tamata tani, ena dredre ka marautaka na bula. Au sa to taudua voli ga, me baleta na nomuni vosa o ni solia vei au ka'u sa vakasinaiti ena rarawa.

Jeremaia 17:7

Ia, au na vakalougatataka Na tamata e vakararavi vei au, O koya sa vakabauti au.

Isikeli 20:18

“Ia ka'u a kaya vei ira na luvedra ena loma ni vanua dravuisiga, Mo ni kakua ni muria na nodra i vunau na nomuni qase, ka kakua ni vakabauta na nodra lewa, ka kakua talega ni vakadukadukalitaki kemuni ena nodra matakau.

Maciu 16:17

Sa qai sauma o Jisu, ka kaya vua, “O sa kalougata, Saimoni na luve i Jona, ni sa sega ni vakatakila vei iko na lewe kei na dra na ka oqo, ia, o Tamaqu ga mai lomalagi.

Luke 11:28

Ia sa qai sauma o Jisu ka kaya, “Era sa kalougata cake o ira era rogoca na vosa ni Kalou ka muria!”

Luke 23:51

E a sega ni lomavata o koya kei na nodra i naki kei na ka era cakava o ira na kena vo. E kai Arimacea o koya; o Arimacea e dua na koro ena yasana o Jutia. A bau waraka voli talega o koya na yaco mai ni matanitu ni Kalou.

Joni 13:17

Ia ni dou sa kila na dina oqo, ena levu cake sara na nomudou marau kevaka dou sa vakayacora vakakina!

Joni 20:29

Sa qai kaya vua o Jisu, “O sa vakabauti au li baleta ni o sa raici au? Sa kalougata o ira era sa vakadinata ga ia era sa sega ga ni raici au.”

Roma 5:2

Sa kauti keda mai o koya ena vakabauta me da curuma yani kina na loloma-savu ni Kalou, eda sa bula tu kina oqo. Ena ka oqo, eda sa cibitaka kina na i nuinui sa tu vei keda ni da sa vakaivotavota ena lagilagi ni Kalou!

Efeso 6:13

O koya oqo mo ni daramaka kina na i yaragi kecega ni Kalou! O ni na qai vorata rawa kina na sasaga ni meca ni sa yaco mai na siga ca; ia ni sa oti na nomuni veivorati, mo ni tudei tikoga.

Vakarua 14:6

Sa tara mo ni kania na manumanu yava i va kece sa wase rua na kedra ququ ka mama vakarua na kedra.

Vakarua 33:29

Ena levu dina na nomuni marau na Isireli! Sa sega ni dua me vakataki kemuni, na matanitu sa vakabula o Jiova. O Jiova vakataki koya sa nomuni sasabai kei na i seleiwau, me veitaqomaki ka solia vei kemuni na qaqa. Era na lako mai na kemuni meca ka masuta mo ni yalololoma vei ira, ia o ni na qai butuki ira sobu.

1 Pita 4:3

A sa bau dua toka na gauna balavu na nomuni a bulataka voli mai na nodra i tovo ni bula na tawalotu. O ni a dau goleva kina na veika tawa kilikili, na garogaro ca, na mateni, na i tovo vakasisila ni yago, na i soqosoqo ni gunu eso, kei na i vakarau lialia ni qaravi kalou tani.

Vakatakila 22:14

Sa kalougata o ira era sa savata na nodra i sulu, me nodra kina na dodonu me ra kania na vuanikau mai na kau ni bula ka curuma yani na matamata ki na koro.