Malakai 3:3 - Vakavakadewa Vou kei na iVola tale eso

³ Ena lako mai o koya me mai daunilewa me vakataki koya e daulewa na vakasavasavataki kei na vakabutai ni siliva. Me vaka na nona dau vakasavasavataki siliva kei na koula na daucaka kaukamea, ena mai vakasavasavataki ira vaka talega kina na bete o koya na i talatala ni Turaga, me rawa kina ni ra mai vakacabora vua na Turaga na i madrali e dodonu.

Ai Vola Tabu (Vakadewa Makawa Vakavoutaki 2021)

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

AI VOLA TABU

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na luve i Levi, ka savai ira me vaka na koula kei na siliva, me ra cabora vei Jiova nai madrali e dodonu.

Vakavakadewa Makawa

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

Ai Vola Tabu Ena Vakavakadewa Vou

³ Ena lako mai o koya me mai daunilewa me vakataki koya e daulewa na vakasavasavataki kei na vakabutai ni siliva. Me vaka na nona dau vakasavasavataki siliva kei na koula na daucaka kaukamea, ena mai vakasavasavataki ira vaka talega kina na bete o koya na i talatala ni Turaga, me rawa kina ni ra mai vakacabora vua na Turaga na i madrali e dodonu.

Malakai 3:3 Iomraidhean Croise

NA SAME 116:17

Au na vakacabora vei kemuni na i madrali ni vakavinavinaka, Ka vakacabora vei kemuni na noqu masu.

NA SAME 4:5

Ni vakacabora na i soro sa dodonu vei Jiova, Ka vakadinati koya.

NA SAME 4:6

Ni sa lewe levu era sa masu vakaoqo: “I Jiova, ni solia vakalevu mai vei keimami na nomuni veivakalougatataki. Ni raici keimami mai ena mataloloma!”

NA SAME 50:14

Ni cakava na vakavinavinaka me nomuni soro vua na Kalou, Ka solia vua sa Cecere sara na veisolisoli o ni sa yalataka.

NA SAME 50:23

Na vakavinavinaka sai koya na i soro ka'u sa rokovi kina, Ka'u na vakabulai ira vakaidina sa talairawarawa vei au.”

NA SAME 51:19

O ni na qai taleitaka na veisoro e dodonu, Se i soro kama se na i soro eso sa vakamai taucoko; Ena qai cabori na bulumakau ena nomuni i cabocabonisoro.

NA SAME 66:10

O ni sa vakatovolei keimami, na Kalou, Me vaka na siliva sa vakasavasavataki ena bukawaqa,

Vosavakaibalebale 17:3

Na koula kei na siliva sa vakatovolei ena bukawaqa, ia na yalo ni tamata sa vakatovolei mai vei Jiova.

Vosavakaibalebale 25:4

Kauta tani na veika duka mai na siliva ena qai rawa me cakava na dautuki kaukamea e dua na ka rairai vinaka.

Aisea 1:25

Ia au na dodoka yani na ligaqu vei kemuni, Me'u vuya laivi na nomuni dukadukali Ka savata tani kece na nomuni valavala ca.

Aisea 48:10

Au a vakatovolei kemuni ena buka ni veivakararawataki Me vaka na siliva sa vakavoui ena lovo katakata.

Aisea 61:6

Ia o ni na kilai tu mo ni bete i Jiova, O ni na kania na nodra i yau na veimatanitu, Ka o ni na lagilagi ena nodra i yau. Sa na oti na nomuni madua kei na nomuni beci; O ni sa na tiko ga ena nomuni vanua.

Jeremaia 9:7

Ena vuku ni ka oqo Sa kaya kina o Jiova, “Au na vakasavasavataki ira na noqu tamata Me vaka na vakasaqari ni kaukamea Ena gauna e buli kina. Kau na biuta na veivakatovolei e matadra. Era sa cakava na veika ca, Se cava tale me'u cakava vei ira.

Isikeli 20:38

Ia ka'u na wasei ira tani mai vei kemuni o ira na dauvuki, kei ira na dautalaidredre vei au; ia ka'u na kauti ira tani mai na vanua era sa dui tiko vulagi kina, ka ra na sega ga ni curuma na vanua o Isireli. Ia o ni na qai kila e kea ni sai au o Jiova.

Taniela 11:35

Eso vei ira na tamata vuku era na vakamatei. Na i naki ni ka oqo me ra vakavoui kina na tamata ni Kalou me yacova ni yaco mai na i Vakataotioti, na gauna sa lewa oti tu na Kalou.

Taniela 12:10

Era na lewe vuqa era na vakasavasavataki ka vakavoui. O ira na tamata ca era na sega ni kila na ka oqo, ka ra na caka ca tikoga; ia o ira na vuku era na kila na kena i balebale.

Osea 14:2

Ni lesu ga vei Jiova, ka mo ni taura na masu oqo me nomuni i madrali vua: “Ni bokoca mada na neimami caka cala kece sara ka ciqoma na neimami masu, io keimami na qai vakacaucautaki kemuni me vaka na neimami vosa ni yalayala.

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Malakai 4:1

A sa kaya o Jiova ni lewevuqa, “Sa toro voleka mai na siga me ra na vakamai kina me vaka na qa ni sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo.

Tiko mai na Lekutu 8:6

“Mo tawasei ira na Livai mai vei ira na Isireli, ka vakasavasavataki ira.

Luke 3:16

Sa qai vosa kina o Joni ka kaya vei ira kecega, “Au sa papitaisotaki kemuni ena wai, ia sa lako tiko mai o koya e levu cake vei keirau, ka sega mada ga ni rauti au me'u sereka na wa ni nona i vava. Ena papitaisotaki kemuni o koya ena Yalo Tabu kei na buka.

Roma 12:1

O koya oqo, ena vuku ni yaloveivosoti ni Kalou kivei keda, au sa vakamamasu kina vei kemuni na veiwekani mo ni cabora na yagomuni me i madrali bula, me savasava ka vinaka vua na Kalou. Sa i koya oqo na i soro vakayalo dina mo ni vakacabora.

Roma 15:16

me'u dua na tamata i Karisito ka me'u veiqaravi vei kemuni na kai matanitu tani. Au sa cakacaka me vaka e dua na bete ena noqu vunautaka na i Tukutuku Vinaka, mai vua na Kalou, me ra yaco kina na kai matanitu tani me ra i soro e vakabau ena mata ni Turaga, ni sa vakacabori ira vua na Yalo Tabu.

Filipai 2:17

Kevaka sara mada ga au na mani vakamatei ena vukumuni, ka sovaraka na noqu dra me i kuri ni nomuni i soro vua na Kalou ena vuku ni nomuni vakabauta, au sa na reki dina sara ka marau vata kina kei kemuni yadua.

Filipai 4:18

Sa tu oqo na risiti ni veika kece o ni solia mai vei au — ka sa sivia tale! Na ka kece sara au gadreva sa tu oqo ni sa kauta kece mai o Epafirotaito na nomuni ka-ni-loloma. Era sa vaka e dua na ka-ni-vakacaboisoro boi vinaka vua na Kalou, ai madrali sa vakadonui ka vakalomavinakataka na Kalou.

2 Timoci 4:6

Ia oi au, sa voleka oqo na gauna me'u liviraki kina ena i cabocabonisoro; au sa yacova oqo na gauna me'u sa biuta vakadua kina na bula oqo.

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

Iperiu 12:10

O ira na tamada vakayago era sa vakadodonutaki keda vakalekaleka ga, me vaka na veika era sa nanuma; ia sa vakadodonutaki keda ga na Kalou me da vinaka kina, ka vakaivotavota ena nona yalosavasava.

1 Pita 1:7

Sa kedra i naki ga me vakadinati kina na dina ni nomuni vakabauta ni sa vakatovolei. Ni sa talei vakalevu cake na nomuni vakabauta mai na koula sa caca rawarawa, e dina ga ni dau vakatovolei ena bukawaqa. O ni na qai vakaivotavota emuri ena lagilagi kei na dokai ena Siga sa vakatakilai kina o Jisu Karisito.

1 Pita 2:5

Ni lako mai me vaka o ni sa vatu bula sa vakayagataki ena kena tara na valenisoro vakayalo, ka qarava kina na vakacaboisoro vakayalo sa vinaka vua na Kalou ena vuku i Jisu Karisito, me vaka o ni sa kena matabete yalosavasava.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

Vakatakila 1:6

ka sa vakayacori keda me dua na matanitu ka matabete me veiqaravi vua na nona Kalou ka Tamana. Sa nei Jisu Karisito ga na lagilagi kei na kaukauwa ka sega ni mudu! Emeni.

Vakatakila 3:18

Au sa vakasalataki iko kina vakaoqo mo mai volia vei au na koula sa vakatovolei ena buka, mo vutuniyau kina. Volia talega na i sulu vulavula mo vakaisulu kina, me ubia na nomu luvawale sa rui vakamadua. Volia talega na i sui ni mata, me sui kina na matamu, mo rai rawa kina.

Vakatakila 5:10

O ni sa vakayacori ira me ra lewe ni matanitu vakabete sa qarava na noda Kalou, Ka ra na veiliutaki e vuravura.”