Maika 4:9 - Vakavakadewa Vou kei na iVola tale eso

⁹ A cava soti ga o rui tagi kina vakadomoilevu? A cava soti e mosi vakaukauwa tiko vei iko me vaka ni taratara tiko e dua na yalewa? E baleta beka ni sa sega na nomu tui, ka ra sa mate oti na nomu daunivakasala?

Ai Vola Tabu (Vakadewa Makawa Vakavoutaki 2021)

⁹ A cava tale ko sa tagi vakadomoilevu kina? Sa sega li na nomu tui? Ko ira na nomu daubose era sa yali beka, ka ni sa tauvi iko na rarawa me vaka na yalewa sa taratara?

AI VOLA TABU

⁹ A CAVA tale ko sa tagi vakadomoilevu kina? sa sega na tui e tikimu? o ira na nomu daubose era sa yali beka? ka ni sa tauvi iko na rarawa me vaka na alewa sa taratara?

Vakavakadewa Makawa

⁹ A cava tale ko sa tagi vakadomoilevu kina? sa sega li na nomu tui? ko ira na nomu daubose era sa yali beka? ka ni sa tauvi iko na rarawa me vaka na yalewa sa taratara?

Ai Vola Tabu Ena Vakavakadewa Vou

⁹ A cava soti ga o rui tagi kina vakadomoilevu? A cava soti e mosi vakaukauwa tiko vei iko me vaka ni taratara tiko e dua na yalewa? E baleta beka ni sa sega na nomu tui, ka ra sa mate oti na nomu daunivakasala?

Maika 4:9 Iomraidhean Croise

Aisea 13:8

Ena yacovi ira kecega na rere, Ka ra bikai ena vutu me vaka na taratara ni yalewa bukete. Era na veiraici vakai ira ena taqaya, Ka waqa na matadra ena madua.

Aisea 21:3

Na veika au raica ka rogoca ena raivotu, Sa vakasinaiti au ena domobula kei na rere, Kei na mosi me vaka na taratara ni yalewa bukete.

Aisea 26:17

I Jiova o ni sa vakavuna me keimami tagi yani, Me vaka e dua na yalewa taratara sa tagi ena mosi.

Jeremaia 22:23

O sa vakacegu ka galala ga Ena maliwa ni sitari mai Lepanoni; Ia ena vakacava ni na yacovi iko na mosi, Na mosi e vaka na nona mosi E dua na yalewa sa taratara.”

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 4:21

A cava so na kena dede Me'u raica tiko na rerevaki ni valu, Ka rogoca na domo ni davui.

Jeremaia 4:31

Au rogoca e dua na tagi, E vaka e dua na yalewa sa taratara, E dua na vutugu E vaka e dua na yalewa E vakasucuma na nona ulumatua. A domo ni tagi i Jerusalemi Ena nona cegu oca, Ka dodoka yani na ligana Ka kaya, “Au sa vakarusai! Era sa lako mai Me ra vakamatei au!”

Jeremaia 48:41

Na veikoro kei na bai ni valu ena vakarusai. Ena siga o ya era na vakarerei na sotia ni Moapi me vaka e dua na yalewa sa taratara.

Jeremaia 50:43

A rogoca na tui Papiloni na kena i tukutuku, Ka sa damele sara ga na ligana. Sa bikai koya na rarawa Ka na mosi me vaka e dua na yalewa sa taratara.

Jeremaia 8:19

Rogoca na nodra tagi Na noqu tamata Sa rogo ena loma ni vanua taucoko “Sa sega dina ni tiko mai Saioni o Jiova? Sa sega ni tiko dina mai Saioni na kena tui? A cava era sa vakacudrui au kina Ena nodra matakau, Kei na nodra matakau tawa yaga Na kai tani?

Lele i Jeremaia 4:20

Era sa vesuka na i vurevure ni noda bula, O koya na tui ka sa digitaka o Jiova, O koya eda sa nuitaka Me maroroi keda mai vei ira na meca.

Osea 10:3

Era na tekivu tukuna vakaoqo o ira oqo, “Sa sega na neimami tui baleta ni keimami sa sega ni rerevaka na Kalou. Ia na cava ena cakava rawa e dua na tui vei keimami?”

Osea 13:13

E se tiko ga na sala me bula rawa kina o Isireli, ia sa yalowai ga ni sa sega ni via muria — me vaka e dua na gone sa voleka ni sucu, ia sa qai bese ga ni via curu tani mai na kete i tinana.

Osea 3:4

Ena ka oqo, era na bula voli ga kina na Isireli ena dua na gauna balavu ka sega na nodra tui se tamata veiliutaki, ena sega na nodra i soro se na matakau, ka sega na nodra matakau me ra ia kina na cakacaka ni daurairai.

Maika 5:3

Ena qai biuti ira yani na nona tamata o Jiova vei ira na kedra meca me yacova ni sa sucu na luvena tagane na yalewa ka sa dodonu me vakasucu gone. Ni oti o ya, era sa na qai suka tale mai vei ira na dui wekadra o ira na Isireli era sa tiko vakabobula.

Joni 16:21

Ni sa taratara e dua na yalewa, sa ka rarawa vua, ni sa yacova tiko mai na kena gauna. Ia, ni sa sucu rawa na gone, sa sega tale ni nanuma o koya na rarawa, ena kena rekitaki ni sa sucu mai ki vuravura e dua na tamata.

Vakatakila 12:2

Ia ni sa bukete tiko ka sa voleka sara ni vakasucu, a sa tagi ga vakadomoilevu ena vuku ni mosi kei na rarawa ni sa taratara me vakasucu.