Maika 4:8 - Vakavakadewa Vou kei na iVola tale eso

⁸ Ia o iko, Jerusalemi, na vanua e yadravi ira tiko mai kina na nona tamata na nodra Kalou, o na yaco tale mo koro turaga ni matanitu a nomu tu e liu.

Ai Vola Tabu (Vakadewa Makawa Vakavoutaki 2021)

⁸ Ia ko iko, na nodra vale-cecere na qele ni sipi, na nona koro-ni-valu na goneyalewa ni Saioni, ena yaco kina vei iko, io, na lewa eliu, ena yaco tale na matanitu ni goneyalewa ni Jerusalemi.

AI VOLA TABU

⁸ Ia ko iko, na nodra vale-cecere na qele ni sipi, na nona koro kaukauwa na gonealewa ni Saioni, ia vei iko ena yaco kina, io, ena yaco tale na lewa eliu, na matanitu ni gonealewa ni Jerusalemi.

Vakavakadewa Makawa

⁸ Ia ko iko, na nodra vale-cecere na qele ni sipi, na nona koro ni valu na goneyalewa ni Saioni, ena yaco kina vei iko, io, na lewa eliu, ena yaco tale na matanitu ni goneyalewa ni Jerusalemi.

Ai Vola Tabu Ena Vakavakadewa Vou

⁸ Ia o iko, Jerusalemi, na vanua e yadravi ira tiko mai kina na nona tamata na nodra Kalou, o na yaco tale mo koro turaga ni matanitu a nomu tu e liu.

Maika 4:8 Iomraidhean Croise

Vakatekivu 35:21

A sa lako yani o Jekope ki na yasana kadua ni vale cere i cake mai Eteri, ka birika kina na nona valelaca.

2 Samuela 5:7

(Ia a sa ravuta o Tevita na koronivalu o Saioni ka liutaka, ka sa yaco edaidai me vakatokai na “Koro i Tevita”.)

Niemaia 3:25

O Palali na luve i Usei e tarava, ka viri bai me tekivu mai na i takelo ni bai, ka sa donumaka oqo na vale cere-i-cake e tu veidonui kei na valenitui, ka sa toka ravita na nodra lomanibai na dauyadra.

NA SAME 24:7

Ni dolava vakarabailevu na matamata Me tadola na veikatuba makawa, Ka na qai curu mai na Tui Cecere.

NA SAME 48:3

Sa vakaraitaka na Kalou ni sa tu vua na veitaqomaki vinaka ena veitikotiko sa lesi me ra i drodro ena loma ni koro.

NA SAME 61:3

Baleta ni sai kemuni o ni sa dau taqomaki au; Na noqu bai kaukauwa mai vei ira na noqu meca.

Sere i Solomoni 4:4

Na domomu sa vaka na vale cere i cake i Tevita, Sa bulicaki vinaka ka dravia; Sa lili wavokita e udolu na i sasabai, Na nodra i sasabai kecega na qaqa.

Aisea 1:26

Au na qai solia tale vei kemuni eso na i liuliu, Kei na so na daunivakasala me vaka e liu. Sa na qai vakatokai tale o Jerusalemi, Me koro savasava ka yalodina.”

Aisea 10:32

E daidai era sa yaco mai kina na meca ki na koro o Nipi, Ka ra na qai dodoka yani na ligadra, Ki na ulunivanua o Saioni, Ena koro o Jerusalemi.

Aisea 5:2

E a cukita ka biuta tani na kena veivatu Ka qai tea kina na veivaini digitaki. A sa tara e dua na vale ni yadra e loma Ka kelia na qara me dau qaqi kina na qerepi. Sa qai waraka me dreu na qerepi, Ia sa qai vuataka na qerepi ca.

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 7:18

Sa na soli vei ira na tamata ni Kalou Cecere na kaukauwa kei na lewa me nodra tikoga ka sega ni mudu.

Opetaia 1:21

O ira sa vakabulai era na cabe cake Ki na Ulunivanua o Saioni Me ra valuti Itomi ka lewa. Ena qai Tui ga vakai koya o Jiova.”

Maika 2:12

“Ia ka'u na vakasoqoni kemuni vata, oi kemuni kece sara na Isireli sa vo tiko. Au na kauti kemuni vata mai me vaka na sipi era sa lesu ki na kedra bai. Me vaka na i kanakana sa sinai ena sipi, ena qai yaco me sinai tale vakakina na nomudou vanua vei ira na lewenivanua.”

Sakaraia 9:10

Sa kaya vakaoqo o Jiova, “Au na kauta laivi na qiqinivalu mai Isireli, Ka kauta tani na ose mai Jerusalemi; Ena vakarusai na dakaititi Era a vakayagataki ena i valu. Ena cakava na nomuni tui Na nodra veivinakati na veimatanitu; Ena lewa o koya na wasawasa e dua ki na wasawasa kadua. Mai na uciwai na Uferetisi ki na i yalayala kei vuravura.”

Sakaraia 9:12

Ni lesu mai, Oi kemuni ka a tiko vakabobula Ka sa tiko oqo na nomuni nuinui. Lesu mai ki na nomuni i vakavakaruru. Au sa tukuna oqo vei kemuni, Ni'u na vakaruataka vei kemuni na kalougata Me i sau ni ka rarawa kecega O ni a sota kaya.

Sakaraia 9:9

Ni reki ka marau Oi kemuni na kai Saioni! Ni kaila ena marau levu Oi kemuni na kai Jerusalemi! Raica, sa lako tiko mai vei kemuni o koya na nomuni tui! Sa lako mai ena lagilagi kei na qaqa, Ia sa yalo malumalumu ga Ka vodoka voli na luve ni asa.

Tiko mai na Lekutu 24:19

Ena butuqaqi ira na matanitu o Isireli, ka vakawabokotaki ira era se bula tiko.”

Maciu 21:33

“Dou rogoca e dua tale na vosa vakatautauvata. E a tiko kina e dua na i taukei ni vale ka tea e dua na loganivaini, ka viribaita vakavolivolita, ka taya ena vatu na i keli ni wai, ka tara na vale ni vakatawa, ka lisitaka vei ira eso na dauteitei, ka qai lako yani ki na vanua tani.

Marika 12:1

Sa qai vakatekivu me vosa vei ira o koya ena vosa vakatautauvata: “E a tea e dua na loganivaini e dua na tamata ka viribai wavokita, ka kelia e dua na i keli ni loba waini, ka tara na vale ni kena i vakatawa, ka lisitaka vei ira eso tale na dauteitei, a sa qai lako yani ki na dua na vanua tani.

Efeso 1:21

Sa cecere cake kina o Karisito vei ira kecega sa liu, kei ira sa nodra na lewa, kei ira era sa kaukauwa ka qaqa, ka sa cecere cake mai na veiyaca sa dau cavuti ena gauna oqo kei na veigauna e muri.

Vakatakila 22:5

E na sega vakadua tale kina na bogi, ni na sega ni yaga vei ira na cina se na rarama ni siga, baleta ni na vakararamataki ira ga na Turaga na Kalou, ka ra na veiliutaki tiko me vakataki ira na tui ka tawamudu.