Maika 4:4 - Vakavakadewa Vou kei na iVola tale eso

⁴ Era na tiko vakacegu na tamata yadua Ena loma ga ni nodra veivaini kei na veilolo, Ka sega sara ni dua ena vakarerei koya. Sa yalataka oti o Jiova ni lewevuqa na ka oqo.

Ai Vola Tabu (Vakadewa Makawa Vakavoutaki 2021)

⁴ ia era na dui tiko ga na tamata yadua e na ruku ni nona vaini, kei na ruku ni nona lolo; ka sega e dua me na vakarerei ira; ni sa kaya na gusu i Jiova-ni-lewevuqa.

AI VOLA TABU

⁴ A ra na dui tiko ga na tamata yadua e na ruku ni dui nona vaini, kei na ruku ni dui nona lolo; ka sega o dua me na vakarerei koya: ni sa gusu i Jiova ni lewe vuqa e cavuta.

Vakavakadewa Makawa

⁴ A ra na dui tiko ga na tamata yadua e na ruku ni nona vaini, kei na ruku ni nona lolo; ka sega e dua me na vakarerei ira: ni sa kaya na gusu i Jiova ni lewe vuqa.

Ai Vola Tabu Ena Vakavakadewa Vou

⁴ Era na tiko vakacegu na tamata yadua Ena loma ga ni nodra veivaini kei na veilolo, Ka sega sara ni dua ena vakarerei koya. Sa yalataka oti ko Jiova ni lewevuqa na ka oqo.

Maika 4:4 Iomraidhean Croise

1 Tui 4:25

Era a tiko vinaka ka sautu ena gauna kece i Solomoni na Juta kei na Isireli, na tamata ena ruku ni nona vunivaini, kei na ruku ni nona vunilolo, me vakatekivu mai Tani, ka yaco ki Perisepa.

1 Tui 5:5

Sa lomaqu me'u tara e dua na vale ena vuku ni yaca i Jiova na Kalou, me vaka na ka sa kaya o Jiova vei Tevita na tamaqu, ka vaka, ‘Na luvemu, o koya ka'u na vakatikora ena nomu i tikotiko vakaturaga me kemu i sosomi, ena tara o koya na vale ena vuku ni yacaqu.’

Jope 11:19

O na sega ni rerevaka e dua na meca; Ka na vuqa sara na tamata era na mai kere veivuke vei iko.

NA SAME 72:3

Me marautaka na vanua na sautu, Ka vakila na yalododonu.

Vosavakaibalebale 3:25

O na sega ni taqayataka na leqa tubu koso sa yaco vakidacala mai, me vaka na ka ca sa yacovi ira na tamata ca.

Aisea 1:20

Ia kevaka o ni bese ka talaidredre, O ni na mate ena i seleiwau. Oi au, o Jiova, sa kaya oqo.

Aisea 17:2

Era sa na biu lala tu na veikoro e Siria ka tawa mudu. Era na yaco me vanua ni vakacegu ni sipi kei na bulumakau; Ka na sega ni dua me na vakasavi ira.

Aisea 22:25

Ia ena siga sa na yaco kina na ka o ya, ena qai luluqa mai na i vako dei o ya ka lutu. Sa i koya sara talega o ya na i cavacava ni veika kece era rube tiko kina.

Aisea 26:16

I Jiova o ni sa totogitaki ira na nomuni tamata, Ka ra sa masu vei kemuni ena rarawa.

Aisea 32:17

Ni ra sa na ia na tamata yadua na ka dodonu, Ena tubu kina na sautu kei na bula galala tawamudu.

Aisea 36:16

Ni kakua ni vakarorogo vei Esekaia. Sa vakarota mai na turaga na tui Asiria mo ni lako mai ki na taudaku ni koro ka mai soro. Ena vakatarai vei kemuni mo ni kania ga na qerepi mai na nomuni loganivaini, kei na lolo mai na nomuni vunilolo, ka gunu ga mai na nomuni keliwai,

Aisea 40:5

Ia sa na qai vakaraitaki mai na lagilagi i Jiova Ka ra na raica na tamata kecega. O Jiova sara ga vakai koya sa yalataka na ka oqo.

Aisea 54:14

Na lewa dodonu ena vakaukauwataki iko Ka galala mai na veivakararawataki kei na veivakarerei.

Aisea 58:14

O ni na qai raica na marau dina ni qaravi Jiova. Au na cakava mo ni dokai e vuravura taucoko Ka marautaka na vanua au a solia Vua na nomuni qase o Jekope, a kaya o Jiova.”

Jeremaia 23:4

Au na qai solia vei ira na i liuliu era na kauwaitaki ira. Era na sega tale ni rere se vakarerei, ka na sega sara ni yali e dua vei ira.” Sa kaya o Jiova.

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Isikeli 34:25

Ia ka'u na cakava vei ira e dua na veiyalayalati ni veivinakati, ka vakasavi ira na manumanu ca mai na vanua, ka ra na tiko dei ena vanua veico, ka moce e veikau.’

Isikeli 34:28

Era na sega ni yaco tale me nodra i toki ni valu na veimatanitu, ka ra na sega talega ni kani ira na manumanu ni vanua; era na tiko vinaka ga ka tu dei, ka na sega ni dua me vakarerei ira.

Isikeli 38:11

Au na lako ki na vanua ka la'ki kaba koro ena veikoro sega ni vakabai; au na valuti ira era sa tiko vinaka voli, ka tudei na nodra i tikotiko, ka ra sega ni vakabai, ka sega talega na i vakadei, se matamata ni koro se katuba;

Isikeli 39:26

Era na guilecava na nodra madua, kei na buki vere ka ra cakava vei au, ni ra sa tudei ka tiko vinaka ena nodra vanua, ka sega ni dua me vakarerei ira.

Vunau ni Soro 26:6

Au na solia na bula vakacegu ki na nomuni vanua, ka o ni na moce koto ka sega ni rerevaka e dua na ka. Au na kauti ira laivi na manumanu ca ni vanua, ka ena sega talega ni yaco kina e dua na i valu.

Maika 5:3

Ena qai biuti ira yani na nona tamata o Jiova vei ira na kedra meca me yacova ni sa sucu na luvena tagane na yalewa ka sa dodonu me vakasucu gone. Ni oti o ya, era sa na qai suka tale mai vei ira na dui wekadra o ira na Isireli era sa tiko vakabobula.

Sefanaia 3:13

O ira na vo-ni-bula e Isireli era na sega sara ni caka ca vua e dua tale, se vosa lasu, se veivakacalai. Era na vutuniyau ka tiko dei, ka sega ni dua na tamata me ra rerevaka.”

Sakaraia 3:10

Ena siga o ya, o ni na dui sureti ira na wekamuni ka mai wasea vata na bula vakacegu kei na tiko sautu, ka vakawavoliti mai na nomuni veiloganivaini kei na lolo.”