Maika 4:3 - Vakavakadewa Vou kei na iVola tale eso

³ Ena walia o koya na nodra veileti na veivanua, Ena kedra maliwa sa matanitu rogo sa tu yawa. Era na tukia na nodra i seleiwau me bati ni siviyara, Kei na nodra moto me i sele ni sasamaki. Ena oti vakadua na veivaluvaluti ni veivanua, Me mudu vakadua na vakarautaki ni i valu.

Ai Vola Tabu (Vakadewa Makawa Vakavoutaki 2021)

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; ka ra na tukitukia na nodra i seleiwau me bati ni siviyara, kei na nodra moto mei sele ni samaki; ena sega ni lave i seleiwau e dua na matanitu ki na matanitu tani, a ra na sega tale ni vulica nai valu;

AI VOLA TABU

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; a ra na tukitukia na nodrai seleiwau mei sivi ni siviyara, kei na nodra moto mei sele ni samaki: ena sega ni lavei seleiwau na matanitu ki na matanitu, a ra na sega ni vulica tale nai valu.

Vakavakadewa Makawa

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; ka ra na tukitukia na nodra i seleiwau mei bati ni siviyara, kei na nodra moto mei sele ni samaki: ena sega ni lavei seleiwau e dua na matanitu ki na matanitu tani, a ra na sega tale ni vulica nai valu.

Ai Vola Tabu Ena Vakavakadewa Vou

³ Ena walia o koya na nodra veileti na veivanua, Ena kedra maliwa sa matanitu rogo sa tu yawa. Era na tukia na nodra i seleiwau me bati ni siviyara, Kei na nodra moto me i sele ni sasamaki. Ena oti vakadua na veivaluvaluti ni veivanua, Me mudu vakadua na vakarautaki ni i valu.

Maika 4:3 Iomraidhean Croise

NA SAME 46:10

A sa kaya o koya, “Ni muduka na nomuni veivaluvaluti ka kila ni sai au ga na Kalou, Ka'u sa qaqa ena kedra maliwa na veimatanitu Ka qaqa e vuravura taucoko.”

NA SAME 46:9

Sa muduka o koya na i valu e vuravura taucoko Sa musulaka na dakaititi, vakarusa na moto Ka vakama na i sasabai ena buka.

NA SAME 72:3

Me marautaka na vanua na sautu, Ka vakila na yalododonu.

NA SAME 72:7

Me tubu vakalevu na yalododonu ena nona gauna, Ka tudei na tiko sautu me yacova na gauna Ena qai takali kina vakadua na vula.

NA SAME 82:8

Ni lako mai na Kalou ka liutaka na vuravura Era sa nomuni na veimatanitu kecega.” A Sere. A Same i Esava.

NA SAME 96:13

Ni sa lako mai o Jiova me vakatulewa e vuravura. Ena lewai ira na tamata kecega e vuravura Ena lewa dodonu ka vinaka.

NA SAME 98:9

Baleta ni sa lako mai o koya me lewai vuravura. Ena liutaki ira na tamata kecega e vuravura Ena yalododonu kei na lewa savasava.

Aisea 2:4

Ena vakatulewa vei ira na veimatanitu o koya. Era na tukitukia na nodra i seleiwau me bati ni siviyara, Kei na nodra moto me i sele ni sasamaki. Era sa na sega tale ni veivaluvaluti na veimatanitu, Se vakavakarau tale ki na i valu.

Aisea 25:3

Era na vakacaucautaki kemuni mai na Veimatanitu qaqa, Ka ra na rerevaki kemuni mai na veimatanitu rerevaki.

Aisea 51:5

Au na lako vakatotolo yani me'u vakabulai ira, Sa voleka mai na noqu gauna ni qaqa. Oi au ga au na liutaki ira na veimatanitu, Ka ra na waraki au na veivanua yawa Era nuitaki au me'u vakabulai ira.

Aisea 60:12

Ia na matanitu ena sega ni qaravi iko Ena vakarusai vakadua sara.

Aisea 65:25

Na olifa kei na lami era na kana vata. Na laione ena kana co madu me vaka na bulumakau Ia na gata ena kana kuvu ni soso. Mai Saioni na noqu ulunivanua tabu, Ena sega kina na ka me veivakacacani Se me veivakarusai.” Sa i Jiova ga sa kaya na veika oqo.

Aisea 9:7

Ena tubu tikoga na nona kaukauwa vakaturaga; Na nona matanitu ena dautiko sautu tikoga. Ena veiliutaki me i sosomi kei Tevita na tui, Ka yavutaka na nona lewa ena dina kei na dodonu, Mai na gauna oqo me yacova na i vakataotioti. Na gumatua i Jiova ni lewevuqa ena vakayacora na ka oqo.

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Osea 2:18

Ia ena siga o ya, au na ia na veiyalayalati ena vukumu kei ira na manumanu kila, na manumanu vuka, kei na ka sa qasi voli ena dela ni qele. Au na kauta tani talega na veiyaragi kece ni valu mai na vanua, na i selewau kece kei na dakaititi, ka'u na laivi ira na noqu tamata me ra tiko vakacegu ka taqomaki.

Osea 2:20

Au na tauri iko mo watiqu ena lomadina ka o na vakatusa ni sai au o Jiova.

Joeli 3:2

ka'u na qai vakasoqoni ira vata na lewe ni veimatanitu ka kauti ira sobu ki na buca i Josefati, ka'u na qai veilewaitaki ira mai kea, ena vukudra na noqu tamata kei Isireli na noqu i votavota, baleta ni ra a dui biubiuti ira ena kedra veimama na veimatanitu, ka ra a veivotayaka na noqu vanua.

Maika 5:15

Ia ena noqu cudru kaukauwa, au na sausaumi lesu vei ira na veivanua era sa sega ni vakarorogo vei au.”

Sakaraia 14:3

Ena qai lako yani o Jiova me vala kei ira na veimatanitu oqori me vaka ga na nona a dau vala ena veigauna eliu.

Sakaraia 8:20

Sa kaya o Jiova ni lewevuqa, “Ena yaco mai na gauna me ra na lako mai kina ki Jerusalemi na lewe ni veimatanitu.

Sakaraia 9:10

Sa kaya vakaoqo o Jiova, “Au na kauta laivi na qiqinivalu mai Isireli, Ka kauta tani na ose mai Jerusalemi; Ena vakarusai na dakaititi Era a vakayagataki ena i valu. Ena cakava na nomuni tui Na nodra veivinakati na veimatanitu; Ena lewa o koya na wasawasa e dua ki na wasawasa kadua. Mai na uciwai na Uferetisi ki na i yalayala kei vuravura.”

Cakacaka 17:31

Ni sa lokuca tu o koya e dua na siga me na lewai vuravura kina ena lewa dodonu, ena liga ni tamata sa lesia oti tu o koya. A sa vakadinadinataka na Kalou na ka oqo vei ira na tamata kecega ena nona vakatura cake tale mai na mate na tamata o ya.”

Vakatakila 19:11

Au a qai raica ni sa tadola na lomalagi, ka'u sa raica e dua na ose vulavula. Sa vakatokai o koya sa vodoka tiko me o Yalodina ka Dodonu; ni sa yavutaki ga ena dina kei na dodonu na nona dauvakataulewa kei na nona vala voli ena i valu.

1 Samuela 2:10

Era na raramusumusu na meca i Jiova; Ena vakalutu kurukuru vei ira mai lomalagi. Ena lewai vuravura taucoko o Jiova; ka solia na kaukauwa vua na nona tui, ka vakavuna me qaqa o koya sa lumuta.”