Maika 2:3 - Vakavakadewa Vou kei na iVola tale eso

³ A sa qai kaya kina o Jiova, “Au sa nakita tiko me'u na vakarusai kemudou, ka na sega sara ni rawa mo dou dro bula. Ena dua na gauna ca vei kemudou ka na qai muduki vakadua kina na nomudou lako voli ena dokadoka.

Ai Vola Tabu (Vakadewa Makawa Vakavoutaki 2021)

³ O koya oqo sa kaya kina ko Jiova: Raica, au sa bukia na kedra ca na vuvale oqo, dou na sega ni kauta rawa mai kina na domomudou; dou na sega talega ni lako voli vakaviavialevu ni sa gauna ca oqo.

AI VOLA TABU

³ O koya o qo sa vosa vakaoqo kina ko Jiova; Raica, au sa bukia na kedra ca na mataqali o qo, a ya dou na tawa vakaseavutaka rawa maikina na domomudou; dou na tawa viavialevu lako talega: ni na gauna ca ko ya.

Vakavakadewa Makawa

³ O koya oqo sa kaya kina ko Jiova; Raica, au sa bukia na kedra ca na mataqali oqo, dou na sega ni kauta rawa maikina na domomudou; dou na sega talega ni lako voli vakaviavialevu: ni sa gauna ca oqo.

Ai Vola Tabu Ena Vakavakadewa Vou

³ A sa qai kaya kina ko Jiova, “Au sa nakita tiko me'u na vakarusai kemudou, ka na sega sara ni rawa mo dou dro bula. Ena dua na gauna ca vei kemudou ka na qai muduki vakadua kina na nomudou lako voli ena dokadoka.

Maika 2:3 Iomraidhean Croise

Aisea 29:20

Ni ra sa takali yani na dauveivakasaurarataki, Ena oti yani na viavialevu, Ka ra na vakarusai na i valavala ca.

Aisea 3:16

A sa kaya o Jiova, “Raica mada na nodra dokadoka na gone yalewa ni Jerusalemi Era sa dau rai tu ga ki cake ni ra lako, Ka sa kunei sara tu ga e matadra na gagadre ca. Era dau kalawa vakaleleka ni ra lako, Ka me qai rorogo tu na i ukuuku ni yavadra.

Aisea 5:19

Era na kaya, “Laiva mada me vakatotolo mai o Jiova, Ka cakava sara na ka e kaya me na caka me da raica mada. Laiva mada na nodra Kalou na Isireli, Me cakava na nona i naki, Me da raica na ka e nanuma.”

Jeremaia 18:11

Ia oqo mo tukuna vei ira na Juta kei ira mai Jerusalemi ni'u sa nakita me'u cakava na veika me vorati ira ka vakarau me'u vakaitotogitaki ira. Tukuna vei ira me ra muduka na nodra i tovo ca, me ra veisautaka na nodra i tovo kei na nodra i valavala.

Jeremaia 27:12

A tukuna talega na ka o ya o Jeremaia vei Setekaia na tui Juta, “Soli iko mo vakarorogo vua na tui Papiloni. Mo qaravi koya kei ira na nona tamata, o na qai bula kina.

Jeremaia 34:17

O koya oqo a kaya tale kina o Jiova, “O ni sa sega ni solia vei ira na nomuni tokani Iperiu me ra galala. Sa vinaka, au sa na solia vei kemuni na galala; na galala mo ni mate ena i valu, mate ca kei na viakana. Au na cakava me ra rere na veimatanitu kecega e vuravura ena ka kecega au na cakava vei kemuni.

Jeremaia 36:23

Ni wilika oti ga e tolu se va na kena i wasewase o Jeuti, a musuka tani na tui ena dua na i sele lailai ka kolotaka sara ki na buka. A cakava tiko na ka oqo me yacova ni a kama taucoko sara na i vola vivigi.

Jeremaia 43:2

A qai kaya vei Jeremaia o Asaraia na luve i Osia kei Jonani na luve i Karea, vata kei ira kece na tamata viavialevu. “E lasu na ka o mai tukuna. E sega ni talai iko mai o Jiova mo tukuna vei keimami me keimami kakua ni lako ka la'ki tiko ki Ijipita.

Jeremaia 8:3

Sa dodonu me ra taleitaka cake vakalevu na mate mai na bula o ira kece sara na vo-ni-bula era lewe ni vuvale ca oqo ena veivanua kece ka'u a dui biuti ira kina,” a sa kaya o Jiova ni lewevuqa.

Lele i Jeremaia 1:14

“A sa raica na noqu caka cala kece sara Ka sa vesuvesuki ira vata; A sa qai vauca ki na usouso ni domoqu, Ka'u sa malumalumu ena ruku ni i colacola; Sa soli au o Jiova ki na ligadra na meca O ira ka'u sa sega ni vorata rawa.

Lele i Jeremaia 2:17

Sa cakava o Jiova na ka sa nakita, Sa vakayacora na nona vosa; Io na veika sa vakarota taumada eliu, Ni sa veivakarusai ka sega ni loloma. Sa solia na qaqa vei ira na kequ meca Kei na reki ena vuku ni neimami vakaleqai.

Lele i Jeremaia 5:5

Keimami sa vakasaurarataki vaka na kameli, Keimami sa oca, ia sa sega ni soli na vakacegu.

Taniela 4:37

Ia oqo, oi au, o Nepukanesa, au sa vakavinavinaka, doka, ka vakalagilagi koya na Kalou ni Lomalagi. Na ka kecega sa cakava o koya sa dodonu. Sa lewa vakadodonu sara o koya, ka sa vakamaduataki koya sa cakacaka vaqaciqacia.”

Emosi 2:14

Era na sega ni dro bula rawa mada ga na daucici totolo; ena takali na nodra kaukauwa na tamata qarikau, ka ra na sega ni vakabulai ira rawa o ira na sotia.

Emosi 3:1

Oi kemuni na Isireli, mo ni rogoca na vosa oqo sa tukuna o Jiova me baleti kemuni, na matanitu taucoko sara sa kauta mai o koya mai na vanua o Ijipita:

Emosi 3:2

“Mai vei ira na veimatanitu kece sara e vuravura, sai iko duadua ga au sa kila ka kauwaitaka vakalevu. Oqori na vuna e sa rui vakadomobula kina na nomuni i valavala ca, ka oqori talega na vuna ka'u sa cudruvi kemuni kina ena vuku ni nomuni caka cala oqo.”

Emosi 5:13

O koya oqo, era na tiko lo ga ena gauna ca vakaoqo na yalomatua!

Maika 2:1

Ena ka vakadomobula dina o ira sa daumoce yadrayadra ka lalawataka voli na ca! Ni sa mataka caca, era sa kusarawa sara me ra vakayacora na ca era sa lalawataka ena kena gauna taudonu.

Roma 16:4

ka rau a bolea na mate ena vukuqu. Au sa vakavinavinaka vei rau, ka sega ni oi au taudua ga, era sa vakavinavinaka talega vei rau o ira na lewe ni veisoqosoqo lotu kece vei ira na veimatanitu tani.

Efeso 5:16

Vakayagataka vinaka na gauna ka ni sa gauna ca na veisiga oqo.

Vakarua 28:48

Ena ka oqo, o ni na qaravi ira kina na kemuni meca ena talai ira mai o Jiova. O ni na viakana, ka viagunu, ka luvaiwale, ka gadreva na veika kecega. O Jiova ena vakararawataki kemuni sara vakalevu me yacova na nomuni sa vakarusai.

Jemesa 2:13

baleta ni na sega ni vakatakila na Kalou na nona yaloveivosoti vua na tamata sa sega vua na yaloveivosoti ena gauna ni veilewai; ni sa uasivi cake na yaloveivosoti mai na veilewai.