Maika 1:3 - Vakavakadewa Vou kei na iVola tale eso

³ Sa lako mai o Jiova mai na nona i tikotiko tabu; Ena siro sobu mai ka lako voli ena dela ni veiulunivanua.

Ai Vola Tabu (Vakadewa Makawa Vakavoutaki 2021)

³ Ia dou raica, sa lako mai na nona yasana ko Jiova, io, ena lako sobu mai ko koya, ka butuka na veiyasana cecere kei vuravura.

AI VOLA TABU

³ Ni sai Jiova, raica, ena lako mai na nona yasana, io, ena lako sobu mai ko koya, ka butuka na veiyasana cecere kei vuravura.

Vakavakadewa Makawa

³ Ia dou raica, sa lako mai na nona yasana ko Jiova, io, ena lako sobu mai ko koya, ka butuka na veiyasana cecere kei vuravura.

Ai Vola Tabu Ena Vakavakadewa Vou

³ Sa lako mai ko Jiova mai na nona i tikotiko tabu; Ena siro sobu mai ka lako voli ena dela ni veiulunivanua.

Maika 1:3 Iomraidhean Croise

Jope 40:12

Io, mo vakawadravi ira ka toroi ira sobu ki ra; Vorolaki ira na tamata ca ena vanua era dui tu kina.

NA SAME 115:3

Sa tiko mai lomalagi na neimami Kalou, Ka cakava ga na ka e vinakata.

Aisea 25:10

Ena taqomaka na ulunivanua o Saioni o Jiova, Ia era na buturaki sobu na kai Moapi Me vaka na co sa buturaki sobu ena i sovasova ni benu.

Aisea 26:21

Ni sa lako sobu mai o Jiova, Me totogitaki ira na tamata e vuravura, Ena vuku ni nodra i valavala ca. Ena vakatakilai na laba eso e a caka vuni, Ia na qele ena sega ni vunitaki ira, Era sa vakamatei ena gauna makawa sara.

Isikeli 3:12

Sa qai laveti au cake na Yalo ni Kalou, ia ena gauna ga sa talave kina na i ukuuku ni Kalou mai na kena i tikotiko, au sa rogoca e dua na domo e vadugu mai dakuqu ka sa kaya, “Me vakacaucautaki na lagilagi i Jiova mai na nona yasana mai lomalagi!”

Emosi 4:13

Sa i koya ga na Kalou sa bulia na veiulunivanua, Ka sa vakavuna na cagi. Sa vakatakila na lomana vei ira na tamata; Ka sa vukica na siga me bogi. A sa lakova na veivanua cecere kei vuravura. Sa i Jiova ni lewevuqa na yacana!”

Emosi 9:5

Sa tarai vuravura o Jiova ni lewevuqa, A sa sakure ka waicala, Ka sa tagi o ira sa tiko kina. Sa tubu cake ka lutu sobu o vuravura me vaka na Uciwai na Naile.

Apakuki 3:19

Sa vu ni noqu kaukauwa o Jiova. Sa vakayacora me'u yava totolo me vaka na dia, Ka taqomaki au voli ena veiulunivanua.

Sakaraia 14:4

Ena gauna o ya ena qai tucake tu o koya ena ulunivanua ni Veiolive, ki na tokalau kei Jerusalemi. Ena qai kavida rua na Ulunivanua ni Veiolive, ka wasea e dua na qakilo bucabuca vakaitamera e tadola tu mai na tokalau ki na ra. Ena qai toso vaka ki na vualiku e dua na veimama ni ulunivanua, ka toso vaka ki na ceva na kena veimama ka dua.

Vakarua 32:13

“Sa solia vei ira me ra lewa na vanua veidelana, ia me ra kania na veika bula ena loma ni vanua. Era sa kunea na oni ni veikau ena maliwa ni veivatu; na nodra veiolive era tubu ga vakaveitalia ena qele veivatu.

Vakarua 33:29

Ena levu dina na nomuni marau na Isireli! Sa sega ni dua me vakataki kemuni, na matanitu sa vakabula o Jiova. O Jiova vakataki koya sa nomuni sasabai kei na i seleiwau, me veitaqomaki ka solia vei kemuni na qaqa. Era na lako mai na kemuni meca ka masuta mo ni yalololoma vei ira, ia o ni na qai butuki ira sobu.