Maciu 9:6 - Vakavakadewa Vou kei na iVola tale eso

⁶ Ia mo dou kila rawa kina oqo ni sa tu na kaukauwa vua na Luve ni Tamata e vuravura me bokoca na i valavala ca.” Sa mani kaya vua na tauvi paralasi, “Tu cake, taura cake na nomu i davodavo ka lako ki nomudou.”

Ai Vola Tabu (Vakadewa Makawa Vakavoutaki 2021)

⁶ Ia mo dou kila kina ni sa rawata na Luve ni Tamata e vuravura me vosota nai valavala ca”—sa qai kaya ko koya vua sa tauvi-paralase—“Mo tucake, ka kauta na nomu i mocemoce, ka lako ki na nomu vale.”

AI VOLA TABU

⁶ ia mo dou kila kina ni sa rawata na Luve ni tamata e vuravura me bokoca nai valavala ca, (sa qai kaya ko koya vua sa tauvi-paralasi,) Mo tu cake, ka kauta na nomui mocemoce, ka lako ki na nomu vale.

Vakavakadewa Makawa

⁶ ia mo dou kila kina ni sa rawata na Luve ni tamata e vuravura me bokoca nai valavala ca, (sa qai kaya ko koya vua sa tauvi-paralasi) Mo tu cake, ka kauta na nomu i mocemoce, ka lako ki na nomu vale.

Ai Vola Tabu Ena Vakavakadewa Vou

⁶ Ia mo dou kila rawa kina oqo ni sa tu na kaukauwa vua na Luve ni Tamata e vuravura me vosota na i valavala ca.” Sa mani kaya vua na tauvi paralasi, “Tu cake, viviga na nomu i davodavo ka lako ki nomudou.”

Maciu 9:6 Iomraidhean Croise

Aisea 43:25

Au sa cakava na ka oqo ena vukuqu ga; Ka'u na sega ni nanuma tiko na nomuni i valavala ca.

Maika 7:18

I Jiova, sa sega tale ni dua na kalou me vakataki kemuni; o ni sa vosota na nodra i valavala ca na nomuni vo-ni-bula era sa vakabulai. O ni sa sega ni cudru tikoga me tawa mudu, ia o ni sa marautaka ga mo vakaraitaka vei keimami na nomuni loloma sa sega ni yalani.

Maciu 4:24

Sa qai rogovaki yani na kena i rogorogo ki Siria taucoko, ka ra sa kau vua na tamata kecega era tauvimate ka vakaleqai tu ena veimataqali mate se yaluma, kei ira na curumi tevoro, na lialia, kei ira na paralasi; ka sa vakabulai ira kece o koya.

Maciu 8:20

Sa qai kaya vua o Jisu, “Era vaqara na fokisi, ka ra vakasova na manumanu vuka; ia, na Luve ni Tamata sa sega na vanua me davo sobu kina ka vakacegu.”

Maciu 9:2

Ka raica, era sa qai kauta mai vua e dua na tauvi paralasi, sa koto ga ena nona i davodavo. Ni sa raica o Jisu na nodra vakabauta, sa qai kaya vua na tauvi paralasi, “Vakacegu, na luvequ! Sa bokoci na nomu i valavala ca.”

Maciu 9:5

Evei e rawarawa cake me tukuni, ‘Sa bokoci na nomu i valavala ca,’ se me tukuni, ‘Tu cake ka lako’?

Maciu 9:7

Sa qai tucake ka lako sara ki nona vale.

Marika 2:10

Ia me rawa ni o ni kila ni sa tu vua na Luve ni Tamata na kaukauwa e vuravura me bokoca kina na i valavala ca.” Sa qai kaya vua na tauvi paralasi,

Marika 2:7

“E doudou rawa vakacava na tamata oqo me vosa vakaviavialevu kina vakaoqo? Sa vosavakacacataka na Kalou o koya! E sega tale ni dua e rawa ni bokoca na i valavala ca, ia na Kalou duadua ga!”

Luke 5:21

Era a tekivu vaqaqa e lomadra o ira na daunilawa kei ira na Farisi ka ra kaya, ‘O cei e mai vosa vakacacataka tiko oqo na Kalou? E sega tale ni dua e rawa ni bokoca na i valavala ca, na Kalou duadua ga!”

Joni 10:28

Au sa solia vei ira na bula tawamudu, ka ra na sega sara ni mate. Ena sega ni dua me na kaliraki ira tani rawa mai ligaqu.

Joni 17:2

Me vaka ni o ni sa solia vua na lewa me baleti ira na tamata kecega, sa rawa kina vua me solia na bula tawamudu vei ira yadua o ni sa solia vua.

Joni 5:27

ka sa solia na kaukauwa me vakatauca na lewa, ni sa Luve ni Tamata o koya.

Joni 5:8

Sa qai kaya vua o Jisu, “Tu cake, taura na nomu i davodavo, ka lako.”

Cakacaka 5:31

Sa kauti koya cake na Kalou me tiko ena ligana i matau, me i Liuliu ka i Vakabula, me solia kina na veivutuni kei na bokoci ni valavala ca vei ira na Isireli.

Cakacaka 9:34

Sa qai kaya vua o Pita, “I Inia, sa vakabulai iko o Jisu Karisito. Tucake, ka viviga na nomu i davodavo.” A sa tucake sara ena gauna ga o ya o koya.

2 Korinica 2:10

Ni o ni sa vosota e dua na tamata, au na vosoti koya talega. Ni'u sa vosota e dua na tamata, au sa vosoti koya dina; au vakayacora oqo ena vukumuni ena mata i Karisito.

2 Korinica 5:20

O keitou oqo sa matataki Karisito, ka sa vakamamasu tiko na Kalou ena gusu i keitou. Keitou sa vakamasuti kemuni kina ena vuku i Karisito, mo ni veivinakati kei na Kalou.

Efeso 4:32

Ia mo ni veilomani ga, ni veinanumi ka veivosoti vakai kemuni me vaka sa vosoti kemuni na Kalou ena vuku i Karisito.

Kolosa 3:13

Mo ni dauveivukei, ka dauveivosoti kevaka e dua sa vakararawataka e dua vei kemuni. Me vaka sa dauvosoti kemuni na Karisito, mo ni veivosoti talega vakakina.