Maciu 7:7 - Vakavakadewa Vou kei na iVola tale eso

⁷ “Dou kerekere, ka na soli vei kemudou; dou vakasaqara ka dou na kunea; dou tukituki ka na dolavi vei kemudou.

Ai Vola Tabu (Vakadewa Makawa Vakavoutaki 2021)

⁷ “Dou kerekere, ka na soli vei kemudou; dou vakasaqara, ka dou na kunea; dou tukituki, ka na dolavi vei kemudou.

AI VOLA TABU

⁷ Dou kerekere, ka na soli vei kemudou; dou vakasaqara, ka dou na kunea; dou tukituki, ka na dolavi vei kemudou:

Vakavakadewa Makawa

⁷ Dou kerekere, ka na soli vei kemudou: dou vakasaqara, ka dou na kunea; dou tukituki, ka na dolavi vei kemudou:

Ai Vola Tabu Ena Vakavakadewa Vou

⁷ “Dou kerekere, ka na soli vei kemudou; dou vakasaqara ka dou na kunea; dou tukituki ka na dolavi vei kemudou.

Maciu 7:7 Iomraidhean Croise

Vakatekivu 26:32

Ena siga vata o ya, era sa lako mai na tamata i Aisake ka kaya vua na ka me baleta na i keliwai era sa kelia. Era sa kaya, “Keimami sa kunea na wai!”

1 Tui 3:5

Sa qai rairai vei Solomoni o Jiova mai Kipioni ena tadra ena bogi; a sa kaya kina vua na Kalou, “Na cava o na vinakata me'u solia vei iko?”

NA SAME 10:17

I Jiova, o ni na rogoca na nodra masu na malumalumu, O ni na qai solia vei ira na kaukauwa.

NA SAME 10:4

Sa kaya ena nona dokadoka na tamata i valavala ca, “Ena sega ni totogitaki au na Kalou! Sa sega ni kauwaitaki o koya!” Sa i koya oqori na ka e nanuma na tamata ca.

NA SAME 119:12

Au sa vakacaucautaki kemuni Jiova, Ni vakavulici au ena nomuni i vakavuvuli.

NA SAME 27:8

Ena nomuni a kaya, “Lako mai ka sokalou vei au.” Io, na matamuni i Jiova ka'u sa vakasaqara.

NA SAME 34:4

Au a masu vei Jiova, ka sa rogoci au o koya; A sa sereki au mai na noqu rere kecega.

NA SAME 37:4

Vakasaqara na nomu marau vei Jiova Ena qai solia vei iko o koya na ka sa gadreva na yalomu.

NA SAME 50:15

Ni masu mai vei au ni sa yaco mai na leqa, Au na vakabulai kemuni, Ia o ni na qai vakacaucautaki au.”

NA SAME 69:32

Ni ra sa raica o ira na vakaloloma na ka oqo, era na marau; Era na vakayaloqaqataki o ira na dau cuva vua na Kalou.

NA SAME 70:4

Me ra na marau ga ka reki O ira kece era lako mai vei kemuni! Me ra na dau kaya tikoga o ira era vinakata na nomuni veivakabulai, “Sa cecere dina ga na Kalou!”

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

Vosavakaibalebale 8:17

Au sa lomani ira era sa lomani au; O koya sa vakasaqarai au ena kunei au.

Sere i Solomoni 3:2

Au na duri cake oqo ka lako ki na koro levu, Me'u curuma na kena sala kei na veibasoga ni sala. Au a qarai koya sa gadreva na yaloqu, Au a qarai koya, ia ka'u a sega ni raici koya.

Aisea 30:19

O ni sa na sega ni tagi tale na tamata mai Saioni o ni tiko e Jerusalemi. Sa dau loloma na Turaga, ni o ni tagica na nona veivuke, ena rogoci kemuni.

Jeremaia 33:3

Mo kaci mai vei au, ka'u na rogo yani vei iko, ka'u na tukuna vei iko na veika talei ka veivakurabuitaki o se sega ni bau kila.

Emosi 5:4

A sa kaya vei ira na Isireli o Jiova, “Ni lako mai vei au, ka o ni na bula kina.

Maciu 18:19

“Au sa kaya talega vakaidina vei kemudou, kevaka e lewe rua vei kemudou e rau sa lomavata e vuravura me rau kerea e dua na ka, ena vakayacora vei rau o Tamaqu mai lomalagi.

Maciu 21:22

Ka kevaka e tu vei kemudou na vakabauta, dou na rawata na ka kecega dou na kerea ena masu.”

Maciu 6:33

Ia dou vakasaqara taumada ga na matanitu ni Kalou kei na nona dodonu, ka na soli me kena i kuri vei kemudou na veika kecega oqo.

Maciu 7:11

Io, kevaka dou sa kila oi kemudou na tamata ca na solia na ka vinaka vei ira na luvemudou, sa na wacava na Tamamudou mai lomalagi na nona via solia na veika vinaka vei ira sa kerekere vua!

Maciu 7:8

Ni sa taura o koya ga sa kerekere, ka kunea o koya sa vakasaqara, ka na dolavi vua sa tukituki.

Marika 11:24

Sa i koya oqo au kaya kina vei kemudou ni ka kecega dou kerea ena masu, ka vakabauta ni dou na rawata, dou na rawata dina ga.

Luke 13:25

Ni sa na tucake na i taukei ni vale, ka sogota na katuba, o ni sa na qai tu ga e tautuba, ka tukituki ena mata ni katuba ka kaya, ‘Turaga, ni dolava mada vei keimami!’ Ena qai sauma vei kemuni o koya, ka kaya, ‘Au sega ni kila se o ni lako mai vei!’

Luke 18:1

Sa qai tukuna o Jisu vei iratou na tisaipeli e dua na vosa vakatautauvata me vakatavulici iratou me ratou dau masu tikoga ka kakua ni yalolailai.

Joni 15:16

Dou sa sega ni digitaki au, ia ka'u sa digitaki kemudou, ka'u sa lesi kemudou mo dou lako ka vuavuai vakalevu sara ena vuamudou sa tudei. Ena solia kina vei kemudou o Tamaqu na ka kecega dou sa kerea vua ena yacaqu.

Joni 15:7

Kevaka dou sa sema tikoga vei au ka sa tiko vei kemudou na noqu vosa, a veika kecega dou sa vinakata ka kerea, ena vakayacori oqo vei kemudou.

Joni 4:10

Sa qai sauma o Jisu ka kaya vua, “Kevaka walega o sa kila na i solisoli ni Kalou kei koya sa kere gunu tiko oqo vei iko, ke o sa kerekere vua, ena solia vei iko o koya na wai ni bula.”

Roma 2:7

Eso na tamata era sa ia tikoga na i valavala vinaka, ka vakasaqara na lagilagi, na dokai kei na bula tawamudu. Ia ena solia dina vei ira na Kalou na bula tawamudu.

Roma 3:11

Sa sega sara ni dua e kila vakavinaka, Ka sega ni dua e bau vakasaqara na Kalou.

Iperiu 11:6

Ni kevaka sa sega na vakabauta, sa ka dredre sara me da vakalomavinakataka na Kalou, baleta ni o ira kece sara era via torovi koya e dodonu me ra vakabauta ni sa bula tiko o koya ka dau vakaicocovitaki ira talega era sa vakasaqarai koya vagumatua.

Jemesa 5:15

Na masu sa cabori ena vakabauta ena vakabula na tamata tauvimate; ena vakaturi ira cake tale na Turaga, ka na vosoti na veika cala era sa vakayacora.

1 Joni 3:22

Eda sa rawata mai vua na veika kece eda kerea, ni da sa muria tiko na nona i vakaro ka kitaka tiko na ka sa vinaka vua.