Maciu 7:11 - Vakavakadewa Vou kei na iVola tale eso

¹¹ Io, kevaka dou sa kila oi kemudou na tamata ca na solia na ka vinaka vei ira na luvemudou, sa na wacava na Tamamudou mai lomalagi na nona via solia na veika vinaka vei ira sa kerekere vua!

Ai Vola Tabu (Vakadewa Makawa Vakavoutaki 2021)

¹¹ Ia kevaka dou sa kila koi kemudou na tamata ca, mo dou solia na ka vinaka vei ira na luvemudou; sa na gu vakalevu cake, me solia na veika vinaka na Tamamudou mai lomalagi vei ira sa kerekere vua.

AI VOLA TABU

¹¹ Ia kevaka dou sa kila, koi kemudou na yaloca, me solia na veika vinaka vei ira na luvemudou; sa qai dina vakalevu cake, ni na solia ua veika vinaka na Tamamudou mai lomalagi vei ira sa kerekere vua.

Vakavakadewa Makawa

¹¹ Ia kevaka dou sa kila koi kemudou na tamata ca, mo dou solia na ka vinaka vei ira na luvemudou; sa na gu vakalevu cake, me solia na veika vinaka na Tamamudou mai lomalagi vei ira sa kerekere vua.

Ai Vola Tabu Ena Vakavakadewa Vou

¹¹ Io, kevaka dou sa kila oi kemudou na tamata ca na solia na ka vinaka vei ira na luvemudou, sa na wacava na Tamamudou mai lomalagi na nona via solia na veika vinaka vei ira sa kerekere vua!

Maciu 7:11 Iomraidhean Croise

Vakatekivu 6:5

Ni sa raica o Jiova na vakasisila ni nodra i valavala na tamata ena dela i vuravura kei na ca ni nodra vakanananu ena gauna kece sara,

Vakatekivu 8:21

A sa boica na i soro ni veivinakati o Jiova ka sa kaya e lomana, “Au na sega tale ni cudruva na vuravura ena vuku ni ka ena cakava na tamata. Ni'u kila ni sa tekivu ca na vakanananu ni tamata mai na gauna e a gone kina. Au na sega tale ni vakarusa na veika bula kecega me vaka na ka au sa vakayacora oqo.

2 Samuela 7:19

Ia sa ka levu tikoga na veika o ni sa cakava, kemuni na Turaga o Jiova; ka o ni sa vosa ni yalayala oti me baleta na noqu kawa ena i tabatamata mai muri. Ka o ni sa vakatara me raica na tamata na ka oqo, kemuni na Turaga o Jiova!

Jope 15:16

Sa nodra mesamesa na tamata na cakava na i valavala ca; Ka sa vaka wale tu ga na gunu wai vei ira. Io, sa tauvi dukadukali na tamata; Ka sa tawa yaga sara ga o koya.

NA SAME 84:11

Sa dau taqomaki keda o Jiova na Tui dokai, Ka sa vakalougatataki keda ena vinaka kei na lagilagi. Sa sega ni bureitaka e dua na ka, Vei ira era sa cakava na ka e dodonu.

NA SAME 85:12

Ena vakasaututaki keda o Jiova, Ka vuavuai vinaka sara na noda vanua.

NA SAME 86:15

Ia, oi kemuni na Turaga, o ni sa Kalou yalololoma ga ka dau yalololoma, O ni sa dau berabera ga ni cudru ka sa sinai sara ena loloma tudei kei na yalodina.

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

Aisea 49:15

Ia sa qai sauma mai na Turaga. E rawa li ni dua na yalewa me guilecava na luvena lailai, Ka sega ni lomana na luvena a vakasucuma mai? E dina ni rawa ni dua na tina ni gone e guilecava na luvena. Ia au na sega sara ni guilecavi kemuni.

Aisea 63:7

Au na tukuna voli na loloma tawa yalani i Jiova Au na vakacaucautaki koya baleta na veika kece sa cakava vei keda. Sa vakalougatataki ira sara vakalevu na Isireli Ena vuku ni nona yalovinaka kei na yalololoma.

Jeremaia 17:9

O cei e kila rawa na yalo ni tamata? Sa ka e dau veivakaisini duadua Mai na veika kecega; Sa tauvi mate vakaca sara.

Jeremaia 33:14

Ena yaco mai na gauna au na vakayacora kina na ka au a yalataka vei ira na Isireli kei ira na kai Juta.

Osea 14:2

Ni lesu ga vei Jiova, ka mo ni taura na masu oqo me nomuni i madrali vua: “Ni bokoca mada na neimami caka cala kece sara ka ciqoma na neimami masu, io keimami na qai vakacaucautaki kemuni me vaka na neimami vosa ni yalayala.

Maika 7:18

I Jiova, sa sega tale ni dua na kalou me vakataki kemuni; o ni sa vosota na nodra i valavala ca na nomuni vo-ni-bula era sa vakabulai. O ni sa sega ni cudru tikoga me tawa mudu, ia o ni sa marautaka ga mo vakaraitaka vei keimami na nomuni loloma sa sega ni yalani.

Malakai 1:6

A sa vosa vakaoqo na Turaga o Jiova ni lewevuqa vei ira na bete, “Era dau vakarokoroko na gone vei ira na nodra i tubutubu, o ira talega na tamata vei ira na nodra turaga. Oi au na tamamuni, a cava o ni sa sega ni rokovi au kina? Oi au na nomudou i vakavuvuli, a cava dou sa sega ni dokai au kina? O ni sa beca na yacaqu, ia o ni qai taroga ga, “Kemami sa beca vakacava na yacamuni?”

Maciu 23:9

Dou kakua talega ni vakatoka e dua me tamamudou e vuravura, ni sa tiko ga e dua na tamamudou, o koya mai lomalagi.

Maciu 7:10

Se kevaka e kere ika, ena solia vua e dua na gata?

Joni 3:16

Ni sa lomani vuravura sara vakalevu vakaoqo na Kalou, sa solia kina na Luvena e duabau ga, me ra kakua ni mate kina o ira yadua era sa vakabauti koya, ia me nodra ga na bula tawamudu.

Roma 3:19

Eda sa qai kila oqo ni veika kecega sa vakaroti ena Lawa sa baleti ira era sa bula voli ena ruku ni Lawa, me vagalui kina na i ulubale kecega ni tamata ka me vakarorogo kina na vuravura taucoko ena ruku ni nona lewa na Kalou.

Roma 3:9

Ia sa vinaka cake beka na keda i tuvaki na Jiu mai vei ira na kai matanitu tani? E sega sara! Au sa vakaraitaka oti ni da sa tautauvata na tamata kecega, na Jiu kei na veimatanitu tani, ka da sa tu kecega ena ruku ni kaukauwa ni valavala ca.

Roma 8:32

O koya ka a sega ni bureitaka na Luvena dina, ka ni a soli koya ga ena vukuda kece, ena sega li ni solia walega vei keda na ka kecega?

Kalatia 3:22

Ia sa kaya na i Vola Tabu ni sa vakamalumalumutaki tu na vuravura taucoko ki na kaukauwa ni valavala ca, me na soli kina na ka sa yalataki ena vuku ni vakabauti Jisu vei ira era sa vakabauta.

Jemesa 1:17

Sa lako mai lomalagi na i loloma vinaka kei na i solisoli uasivi kecega; sa lako sobu mai vua na Kalou, o koya sa bulia na rarama vakalomalagi. Sa sega ni dauveivukiyaki o koya me vaka na kena dau veitosoyaki na i yaloyalo ni dua na ka.

1 Joni 3:1

Raica na loloma uasivi sa solia vei keda na Tamada! Sa rui cecere sara na nona loloma ni da sa vakatokai me da luve ni Kalou; eda sa vaka dina kina. Oqo na vuna sa sega ni kilai keda kina o vuravura, ni ra sa sega ga ni kila na Kalou.

1 Joni 4:10

Sa i koya ga oqo na loloma: sa segai ena vuku ni noda lomana na Kalou, ia ena vuku ga ni nona sa lomani keda na Kalou ka sa tala mai kina na Luvena me i soro ni noda i valavala ca.