Maciu 6:5 - Vakavakadewa Vou kei na iVola tale eso

⁵ “Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tucake tu ena veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko.

Ai Vola Tabu (Vakadewa Makawa Vakavoutaki 2021)

⁵ “Ia ni ko sa masu, mo kakua ni vakataki ira na dauveivakaisini. Ni ra sa vinakata me ra tu e na veivalenilotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

AI VOLA TABU

⁵ Ia ni ko sa masu, mo kakua ni vakai ira na dauveivakaisini: ni ra sa vinakata me ra tu e na veivale ni lotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

Vakavakadewa Makawa

⁵ Ia ni ko sa masu, mo kakua ni vakataki ira na dauveivakaisini: ni ra sa vinakata me ra tu e na veivale ni lotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

Ai Vola Tabu Ena Vakavakadewa Vou

⁵ “Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tucake tu ena veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko.

Maciu 6:5 Iomraidhean Croise

NA SAME 5:2

Sa i kemuni na noqu Tui kei na noqu Kalou, Ka mo ni rogoca mai na domo ni noqu tagi Ni'u sa masu ga vei kemuni.

NA SAME 55:17

Sa lako cake vua na Turaga na noqu kudru kei na tagi Io, ena mataka kei na sigalevu ka vakakina ena bogi, Ka sa na rogoca o koya na voqa ni domoqu.

Vosavakaibalebale 15:8

Sa cata o Jiova na nodra i soro na tamata ca, ia sa taleitaka ga na nodra masu na yalododonu.

Vosavakaibalebale 16:5

Sa cati ira na tamata viavialevu o Jiova, ka na sega ni laivi ira me ra dro bula mai na cudruvi.

Aisea 1:15

Ni o ni laveta cake na ligamuni ena masu, Au na qai gole tani mai vei kemuni. Veitalia sara na levu ni nomuni masu Au sega ni via rogoca, Baleta ni sa duka tu na ligamuni ena i valavala ca.

Jeremaia 29:12

Ia ni o ni kacivi au o ni na lako mai ka masu vei au, au na rogoci kemuni.

Taniela 6:10

Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Maciu 21:22

Ka kevaka e tu vei kemudou na vakabauta, dou na rawata na ka kecega dou na kerea ena masu.”

Maciu 23:13

“Dou na kalouca dina na daunilawa kei na Farisi! Dou tamata dauveivakaisini! Ni dou sa sogota na matanitu vakalomalagi e matadra na tamata, ka dou sa sega ni curu talega kina oi kemudou, se laivi ira era via curu me ra curu kina!

Maciu 23:5

Era dau cakava na nodra cakacaka kecega me ra raici ira kina o ira na tamata; era daramaka e ligadra na nodra kato ni masu ka tu kina na tiki ni Vola Tabu, ka vakabalavutaka na wa-talitali ena i tutu ni nodra i sulu.

Maciu 23:6

Era dau vinakata ga na veitikina dokai ena kana magiti, kei na i tikotiko vinaka duadua ena valenilotu,

Maciu 6:1

“Dou qarauna mo dou kakua ni vakayacora na nomudou ka ni loloma vakalotu ena matadra na tamata me ra raica kina na veika dou cakava. Kevaka dou sa vakayacora vakakina, ena sega na kemudou i sau mai vua na Tamamudou mai lomalagi.

Maciu 6:16

“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:2

“O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Maciu 9:38

O koya oqo, mo dou masuti koya kina na i taukei ni veiteitei, me talai ira yani na tamata cakacaka me ra la'ki kumuna vata mai na veika sa tamusuki ena nona i teitei.”

Marika 11:25

Ni dou sa tu mo dou masu, dou vosota ka guilecava taumada na nodra ca era sa caka ca vei kemudou, ena qai bokoca talega kina na nomudou i valavala ca na Tamamudou mai lomalagi. [

Marika 12:38

Ena nona veivakatavulici tiko, sa kaya kina vei ira, “Ni qarauni kemuni mai vei ira na qasenivuli ni lawa, era dau vinakata me ra lako voli ena nodra kote balavu, ka me ra kidavaki vakaturaga ena veivanua ni veivoli,

Luke 11:43

“O ni na kalouca na Farisi! Ni o ni dau domona ga na i tikotiko cecere ena veivalenilotu, kei na veikidavaki ena vanua ni veivoli eso.

Luke 18:1

Sa qai tukuna o Jisu vei iratou na tisaipeli e dua na vosa vakatautauvata me vakatavulici iratou me ratou dau masu tikoga ka kakua ni yalolailai.

Luke 18:13

“Ia o koya na daukumuni i vakacavacava, ni sa tucake vakayawa sara tu yani, ka sa sega mada ga ni via tacake ki lomalagi, ia sa tavitavia ga na lomaserena ka kaya, ‘Kemuni na Kalou, ni qai lomani au mai, ni'u sa tamata i valavala ca!

Luke 20:47

Era kovea vakailawaki na nodra veivale na yada dravudravua, ka ra veivakaisini walega ena nodra masu balavu. Na ka oqo ena bibi vakalevu cake sara kina na kedra i totogi.”

Luke 6:24

“Ia dou na kalouca oi kemudou sa vutuniyau edaidai; ni dou sa tovolea oti na bula e rawarawa!

Joni 16:24

Me yacova mai oqo, dou sega mada ni sa bau kerea e dua na ka ena yacaqu. Dou kerekere, ka na yaco vei kemudou, me ka taucoko kina na nomudou marau.

Efeso 6:18

Mo ni masu tikoga ena veimataqali masumasu kece sara kei na daukerekere ena Yalo Tabu. Ena ka oqo, mo ni yadrava tiko kina na kena gumatuataki na nodra dau masulaki na tamata ni Kalou kecega.

1 Cesalonaika 5:17

Ni masu tikoga me kua ni mudu.

Jemesa 4:6

Ia na loloma-savu sa solia na Kalou sa levu cake sara. Ni sa kaya na i Vola Tabu, “Sa dau vorati ira na viavialevu na Kalou, ia sa solia ga na nona loloma-savu vei ira sa yalomalumalumu.”