Maciu 6:2 - Vakavakadewa Vou kei na iVola tale eso

² “O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Ai Vola Tabu (Vakadewa Makawa Vakavoutaki 2021)

² “O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivalenilotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

AI VOLA TABU

² O koya o qo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigau-ni-sala, me dokai ira ko ira na tamata. Au sa kaya vakaidina vei kemudou, Sa tu ga vei ira na kenai sau.

Vakavakadewa Makawa

² O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

Ai Vola Tabu Ena Vakavakadewa Vou

² “O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Maciu 6:2 Iomraidhean Croise

NA SAME 112:9

Sa soli ka vakalevu vei ira na dravudravua, Ka sa sega ni mudu na nona yalovinaka; Ena qaqa ka dokai o koya.

NA SAME 37:21

Ni ra dinau na tamata ca, era sa sega ni dau sauma lesu tale; Ia, sa dau lomasoli ga ka yalovinaka na tamata yalododonu.

Vosavakaibalebale 19:17

Na nomu soli-ka vua na tamata dravudravua sa vaka na soli-ka vei Jiova, baleta ni na sauma lesu o Jiova.

Vosavakaibalebale 20:6

Sa tukuna kecega na tamata na nodra yalodina kei na nodra yalovinaka, ia tovolea mada ga mo vakaraica mai e dua na tamata sa yalodina ka yalovinaka vakaidina sara!

Dauvunau 11:2

La'ki biuta na veika o via vakatubura ena vitu na vanua, se me levu sara, baleta ni o sega ni kila na veika ca ena yacovi iko ena vuravura oqo.

Aisea 10:6

Au sa talai Asiria Me ravuta e dua na vanua e sega ni kila na Kalou; Na matanitu sa vakacudrui au. Au sa tala me ravuta, butakoca Ka butuki ira sobu na tamata, Me vaka na soso ena gaunisala.

Aisea 58:7

E vota na kena vei ira era viakana, Ka dolava na nona vale vei ira na dravudravua e sega na nodra vale. Ena solia na i sulu vei ira e sega na ka era daramaka, Ka via vukei ira na wekadra.

Aisea 9:17

O koya oqo sa sega kina ni loloma Vei ira na nodra tabagone na Turaga, Se yalololoma vei ira na luveniyali kei na yada. Ni ra a sega kece ni goleva na Kalou ka i tovo ca, Ka sa ca na veika kecega era kaya. Ia ena sega kina ni oti na cudru ni Turaga, Ni se dodo tikoga na ligana me veitotogitaki.

Osea 8:1

A sa kaya o Jiova, “Ni uvuca na davui! Era sa vuka sobu mai oqo na meca ki na noqu vanua me vaka na ikeli! O ira na noqu tamata era sa voroka na noqu veiyalayalati kei ira ka talaidredre ki na noqu vunau.

Maciu 15:7

Dou tamata dauveivakaisini! Sa donu vinaka sara ga na parofisai nei Aisea me baleti kemudou, ni sa kaya,

Maciu 16:3

ia, ena mataka lailai, ‘Ena draki ca, ni damudamu tu ka loaloa mai na lomalagi.’ Dou sa vakaibalebaletaka rawa na i rairai ni lomalagi, ia, dou sa sega ga ni kila rawa na veivakatakilakila ni veigauna oqo.

Maciu 22:18

A raica rawa na ca ni yalodra o Jisu, ka kaya, “A yavu tamata dauveivakaisini oi kemudou! Na cava dou sa via veretaki au kina?

Maciu 23:5

Era dau cakava na nodra cakacaka kecega me ra raici ira kina o ira na tamata; era daramaka e ligadra na nodra kato ni masu ka tu kina na tiki ni Vola Tabu, ka vakabalavutaka na wa-talitali ena i tutu ni nodra i sulu.

Maciu 23:6

Era dau vinakata ga na veitikina dokai ena kana magiti, kei na i tikotiko vinaka duadua ena valenilotu,

Maciu 24:51

Na nona turaga ena qai musuki koya laivi ka biuta koya vata kei ira na dauveivakaisini. Ena qai dau tagi kina ka vakasequruquru bati.

Maciu 5:18

Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Maciu 6:16

“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:3

Ia ni dou sa soli ka ni loloma, me kakua ni kila na ligamu i mawi na ka e cakava tiko na ligamu i matau,

Maciu 6:5

“Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tucake tu ena veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko.

Maciu 7:5

O iko na dauveivakaisini, mo cavuta tani mada na tolonikau mai na matamu, o na qai rai vinaka mo leuta na malamala mai na mata ni wekamu.

Marika 12:39

era dau vinakata na i dabedabe digitaki e cake ni valenilotu, kei na veitikotiko vakaturaga ena gauna ni kana magiti.

Marika 7:6

Sa qai kaya vei ira o Jisu, “Sa dina sara o Aisea ena nona vosa ni parofisai me baleti kemuni! O ni sa tamata dauveivakaisini vakaidina, me vaka sa vola vakaoqo o koya: ‘Era sa vakarokorokotaki au na tamata oqo ena tebenigusudra, Ia na yalodra sa yawa sara mai vei au.

Luke 11:41

Ia ni solia me ka ni loloma vei ira na dravudravua na veika sa tu vei kemuni, ka raica sa na savasava vei kemuni na ka kecega.

Luke 11:43

“O ni na kalouca na Farisi! Ni o ni dau domona ga na i tikotiko cecere ena veivalenilotu, kei na veikidavaki ena vanua ni veivoli eso.

Luke 12:33

Dou volitaka na veika e tu vei kemudou ka solia na kena i lavo vei ira na dravudravua; dou vakarautaka ga na nomudou taga ni lavo e sega ni madra rawa, ka maroroya na i yau mai lomalagi ena sega ni oti rawa, ena tikina e sega ni torova rawa na daubutako, se kakana kina na sarasara.

Luke 12:56

Oi kemuni na dauveivakaisini! O ni sa kila rawa na i balebale ni rairai ni vuravura kei na macawa, ia a cava ga o ni qai sega ni vakaibalebaletaka rawa kina na dela ni gauna oqo?

Luke 13:15

A sauma vua na Turaga ka kaya, “Dou tamata dauveivakaisini! E sega li ni dou dau sereki ira na nomudou bulumakau kei na asa ena Siga ni Vakacecegu mai na vale ni manumanu ka la'ki vagunuvi ira?

Luke 20:46

“Dou qarauni kemudou mai vei ira na daunilawa, ka ni ra dau vinakata na lako voli ena i sulu balavu, ka taleitaka na veivakabulataki ena vanua ni veivoli, kei na i dabedabe e cake ena veivalenilotu, kei na veitikotiko vakaturaga ena gauna ni kana magiti.

Luke 6:24

“Ia dou na kalouca oi kemudou sa vutuniyau edaidai; ni dou sa tovolea oti na bula e rawarawa!

Luke 6:42

Se o na kaya rawa vakacava vua na wekamu, ‘Na wekaqu, me'u leuta tani mada na mala ni kau e tiko e matamu,’ ia o iko o sega tiko mada ga ni raica na tolo ni kau ka tiko ga e matamu? Tamata dauveivakaisini, mo biuta tani mada na tolo ni kau mai na matamu o na qai rai vinaka mo leuta tani kina na mala ni kau ena matai na wekamu.

Joni 13:29

Me vaka ni dau maroroya voli na taga ni lavo o Jutasa, e ratou vakasamataka kina eso de a kaya vua o Jisu me la'ki volia mai na veika ena yaga vei iratou ena solevu, se me la'ki solia eso na ka vei ira na dravudravua.

Joni 5:41

“Au sa sega ni vakasaqara na veivakarokorokotaki ni tamata.

Joni 5:44

O ni sa dau vinakata ga mo ni veivakacerecerei vakataki kemuni, ka sega ni tovolea mo ni vakacerecerei mai vua na Kalou e duabau ga. Mo ni na qai vakabauti au li vakacava?

Joni 7:18

O koya e vosa ena nona kaukauwa ga vakai koya sa vakasaqara voli ga na ka me dokai kina. Ia o koya sa vakasaqara na dokai me soli vua sa talai koya mai, sa tamata dina o koya, ka sa sega vua na cala.

Cakacaka 10:2

Sa dau tokona sara vakalevu o koya na veika vakalotu; ka sa qarava na Kalou vata kei iratou kece na nona matavuvale. Sa dau vukei ira talega vakalevu na tamata dravudravua vei ira na Jiu ka dau masu vua na Kalou ena veigauna.

Cakacaka 10:31

E a kaya vei au o koya, ‘I Konilio, sa rogoci na nomu masu ka sa nanumi na nomu cakacaka vinaka ni loloma ena mata ni Kalou.

Cakacaka 10:4

A mai vakaraici koya matua yani o Konilio ena taqaya, ka kaya, “Sa vakaevei saka?” Sa qai kaya vua o koya, “Sa marautaka dina na Kalou na nomu masu kei na nomu cakacaka vinaka ni loloma, ka sa tu vakarau me sauma vei iko.

Cakacaka 11:29

Era sa mani lewa vata o ira na tisaipeli, me ra vakauta, me vaka na ka era dui rawata, na nodra veivuke vei ira na vakabauta mai Jutia.

Cakacaka 24:17

“Sa oti oqo e vica na yabaki, au sa qai lesu mai ka kauta mai na i solisoli vei ira na dravudravua ena noqu vanua, ka me'u mai vakacabo i madrali talega.

Cakacaka 9:36

E a tiko mai na koro o Jopa e dua na yalewa vakabauta, o Tavaita na yacana. (Na yacana ena vosa Vakirisi o Tokasa, ka kena i balebale, ‘e dua na dia.’) Sa dau vakaogai koya ena veicakacaka vinaka kecega kei na nona dau vukei ira na vakaloloma.

Roma 12:8

Kevaka me da veivakauqeti vei ira na kena vo ni vakabauta, me da kitaka sara vakakina. O koya sa dau solisoli me vakayacora vakakina ena yalovinaka; o koya sa dau veiliutaki sa dodonu me cakacaka vakaukauwa sara; o koya sa dauloloma me vakayacora oqo ena yalo marau.

1 Korinica 13:3

Sa rawa vei au me'u solia tani yani na veika kecega sa noqu, se mani solia sara na yagoqu me vakamai — ia kevaka sa segai vei au na loloma, sa sega ga na kena yaga vei au.

Kalatia 2:10

E ratou sa qai kerea e duabulu ga na ka, o ya me keirau nanumi ira sa gadreva vakalevu na veivuke ena kedratou maliwa, a ka talega oqo ka'u sa gadreva vakalevu me'u cakava.

Efeso 4:28

O ira era butako tiko me ra sa muduka na butabutako, ia me ra vaqaqara cakacaka ga me rawa ni ra bula kina vakataki ira ka vukei ira talega na dravudravua.

1 Cesalonaika 2:6

Keitou sega talega ni vinakata me ra dokai keitou kina na tamata, mai vei kemuni se mai vei ira na tani,

1 Timoci 6:18

Vunauci ira me ra vakayacora na veika vinaka, me ra vutuniyau ena cakacaka vinaka, me ra dau lomasoli ka vakarau tu me ra dau veivukei.

Filimoni 1:7

Ni sa ka levu na noqu reki kei na vakacegu ena vuku ni nomu loloma, na wekaqu, ka ni sa vakabulabulataki na lomadra na tamata ni Kalou ena vukumu.

Iperiu 13:16

Ni kua ni guilecava mo ni dau caka vinaka ka dau veivukei, baleta ni sai ira oqo na i madrali sa vakalomavinakataka na Kalou.

1 Pita 4:11

Kevaka e dua sa dauvosa, me ia ga o koya na vunautaka na vosa ni Kalou; o koya sa dauveiqaravi me ia ga na veiqaravi ena kaukauwa sa solia vua na Kalou, me rawa kina ni vakalagilagi na Kalou ena veika kecega ena vuku i Jisu Karisito, o koya sa nona na lagilagi kei na kaukauwa ka tawamudu. Emeni.

1 Samuela 15:30

A sa kaya o Saula, “Au sa cala vakaidina; ia oqo mo bau vakarokorokotaki au mada e matadra na nodra qase na noqu tamata kei ira na Isireli. Mo lesu vata kei au ka me'u la'ki soro vei Jiova na nomu Kalou.”