Maciu 6:16 - Vakavakadewa Vou kei na iVola tale eso

¹⁶ “Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Ai Vola Tabu (Vakadewa Makawa Vakavoutaki 2021)

¹⁶ “Ia ni dou sa lolo, kakua ni vakaveveku mata, me vakataki ira na dauveivakaisini, ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

AI VOLA TABU

¹⁶ Ia ni dou sa lolo, kakua ni vakaveveku mata, me vakai ira na dauveivakaisini; ni ra sa cakava vakatani na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Vakavakadewa Makawa

¹⁶ Ia ni dou sa lolo, kakua ni vakaveveku mata, me vakataki ira na dauveivakaisini; ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Ai Vola Tabu Ena Vakavakadewa Vou

¹⁶ “Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:16 Iomraidhean Croise

2 Samuela 12:16

E a vakamasuta na Kalou o Tevita me bula cake mai na gone. A sega ni via kania e dua na kakana, ka sa davo koto ga ena buturara ni nona rumu ni moce ena veibogi.

2 Samuela 12:21

Era a qai kaya vua na nona tamata, “Sa dredre sara me keimami kila na ka oqo. Ena gauna e se bula tiko kina na gone, o ni a tagi ena vukuna ka sega ni kana; ia ena gauna ga sa mate kina, o ni sa duri cake mai ka kana!”

1 Tui 21:27

Ia ni rogoca o Eapi, a dresulaka na nona i sulu, vakaisulutaki koya ena i sulu taga, lolo voli, ka lako voli me vaka na tamata yalo rarawa.

Niemaia 1:4

Ni'u sa rogoca na veika oqo, au a dabe sobu ga ka tagi. Au a tagicaka voli ena vica na siga ka'u sega ni kana. Au sa qai masu vakaoqo,

Esiteri 4:16

‘Mo lako ka la'ki soqoni ira vata na Jiu kecega o kunei ira mai Susa ka mo ni lolo ena vukuqu ka kakua ni kana se gunu me siga tolu. Au sa na lolo talega e ke kei iratou na noqu goneyalewa me vaka o ni sa na cakava mai keri. Ni oti o ya, au sa na qai lako vua na tui; ia ke'u sa na mani vakamatei ni'u sa basuka na lawa, au sa na mate ga.’

NA SAME 109:24

Sa malumalumu mai na duruqu ni sa sega na kakana; Ka sa lila mai na yagoqu ka malumalumu.

NA SAME 35:13

Ia, ena gauna era tauvi mate kina, Au sa vakaisulu ena i sulu ni vakaloloku Ka'u mai sega yani ni kana Au sa vakacuva ulu ga ni'u sa masu,

NA SAME 69:10

Au sa vakayalomalumalumutaki au ena lolo; Ka ra sa vakacacani au na tamata.

Taniela 9:3

Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Malakai 3:14

O kemuni o ni sa kaya, ‘Sa sega na betena na qaravi Kalou. A cava na kena yaga me da cakava kina na veika sa tukuna, se me da vakaraitaka vei Jiova ni lewevuqa na noda sa veivutunitaka na veika eda sa vakayacora?

Maciu 6:1

“Dou qarauna mo dou kakua ni vakayacora na nomudou ka ni loloma vakalotu ena matadra na tamata me ra raica kina na veika dou cakava. Kevaka dou sa vakayacora vakakina, ena sega na kemudou i sau mai vua na Tamamudou mai lomalagi.

Maciu 6:2

“O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Maciu 6:5

“Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tucake tu ena veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko.

Marika 2:18

Ena dua na gauna, era a lolo tiko kina na tisaipeli i Joni kei na nodra tisaipeli na Farisi. Era a qai lako yani eso na tamata ka kaya vei Jisu, “Na cava na vuna era lolo ga kina na tisaipeli i Joni kei na nodra tisaipeli na Farisi, ka ra sega ni lolo na nomuni tisaipeli?”

Luke 18:12

Au dau lolo vakarua ena veimacawa, ka'u dau solia na i katini ni veika kece au rawata.’

Luke 2:37

ia sa yada tu oqo o koya ka sa yabaki 84. E sega ni dau lako tani mai na Valenisoro o koya ni sa dau lotu, ka lolo masumasu ena siga kei na bogi.

Cakacaka 10:30

Sa qai kaya o Konilio, “Ena va na siga sa oti, ena gauna vata tikoga oqo, ni'u a masu tiko eke, ena noqu vale, ena tolu na kaloko ena yakavi, au qai kidacala sa tu e mataqu e dua na tamata ka sa ramase na nona i sulu.

Cakacaka 14:23

E rau sa qai lesia eso me nodra qase ena veivavakoso lotu. Ni sa oti na nodra masumasu kei na lolo, e rau sa qai tataunaki ira ki vua na Turaga, o koya era sa vakabauta.

1 Korinica 7:5

Ni kakua ni dui bureitaki kemuni vua na dui watimuni, vaka vo ga ke o ni sa loma vata kina, ena dua na gauna, mo ni galala kina ka qarava na nomuni masu. Ni oti o ya mo ni qai tiko vata tale de na veretaki kemuni o Setani ena nomuni sa sega ni lewai kemuni rawa.

2 Korinica 11:27

Au cakacaka ka sota kaya na veika dredre; e vuqa na gauna au sega kina ni moce, ka vaka vuqa na noqu viakana, ka viagunu. E vaka vuqa na kena dau sega tu vei au na kakana; vuqa na noqu sota kaya na liliwa kei na luvawale.

2 Korinica 6:5

Keitou a kanakuita, biu ki na valeniveivesu, sota kei ira na i vavakoso era cudruvi keitou, keitou cakacaka vakaukauwa ka viakana.