Maciu 6:12 - Vakavakadewa Vou kei na iVola tale eso

¹² Ni bokoca mada na neimami i valavala ca, Me vaka keimami sa bokoca oti na nodra Era sai valavala ca vei keimami.

Ai Vola Tabu (Vakadewa Makawa Vakavoutaki 2021)

¹² Ni vosota mada na neimami valavala ca, me vaka keimami sa vosoti ira era sai valavala ca vei keimami.

AI VOLA TABU

¹² Ia kakua ni cudruvi keimami e na vuku ni neimami valavala ca, me vaka keimami sa sega ni cudruvi ira era sa valavala ca vei keimami.

Vakavakadewa Makawa

¹² Ia kakua ni cudruvi keimami e na vuku ni neimami valavala ca, me vaka keimami sa sega ni cudruvi ira era sai valavala ca vei keimami.

Ai Vola Tabu Ena Vakavakadewa Vou

¹² Ni vosota mada na neimami i valavala ca, me vaka keimami sa vosota oti na nodra era sai valavala ca vei keimami.

Maciu 6:12 Iomraidhean Croise

1 Tui 8:30

Ni rogoca na noqu kerekere kei na nodra kerekere na nomuni tamata ni ra sa vakanamata ki na tikina oqo ka vakacabo masu. Mai na nomuni i tikotiko tabu mai lomalagi, mo ni qai rogoci keimami ka vosoti keimami.

1 Tui 8:34

ia mo ni qai rogoca mai lomalagi. Ni vosoti ira ena vuku ni nodra i valavala ca na nomuni tamata, ka vakalesui ira tale ki na vanua o ni a solia vei ira na nodra qase.

1 Tui 8:39

mo ni qai rogoca na nodra masu. Ni rogoci ira mai lomalagi, ka vosoti ira, ka vukei ira. Sai kemuni duadua ga sa kila na loma ni tamata. Ia mo ni qai vakayacora ga na lomamuni vua na tamata yadua me vaka na nodra i valavala,

1 Tui 8:50

ia mo ni kakua ni cudruvi ira na nomuni tamata era sai valavala ca vei kemuni, ka sa talaidredre vei kemuni, ia mo ni vakayalovinakataki ira era sa vakabobulataki ka me ra lomani ira.

NA SAME 130:4

Ia, o ni sa dauvosoti keimami ga, Me keimami na dau vakarokorokotaki kemuni kina.

NA SAME 32:1

Sa kalougata na tamata sa bokoci na nona i valavala ca, Ka sa buluti na nona caka cala.

Lako Yani 34:7

Au sa yalololoma vei ira na udolu na i tabatamata ka vosota na nodra i valavala ca; ia au na sega ga ni guilecava me'u vakatauca na noqu cudruvi ira na qase era caka ca, ka me tau oqo vei ira na luvedra kei na makubudra me yacova na i katolu kei na i kava ni tabatamata.”

Aisea 1:18

A sa kaya o Jiova, “Ni lako mai me da mai veivosakitaka vata. E dina ga ni sa ka kulakula na nomuni i valavala ca Ia sa na vaka ga na vulavula ni wai cevata. Kevaka sa damu vakula, Sa na vaka ga na vutika ni sipi vulavula.

Taniela 9:19

Turaga, ni vakatudaliga vei keimami. Turaga, ni vosoti keimami. Turaga, ni rogoci keimami, ka vakayaco-ka sara, ni kakua ni vakaberabera! Ia me kila tiko na tamata yadua ni o ni sa Kalou. Ni kakua ni lokuyara! Na koro oqo kei na kawa tamata oqo sa nomuni.”

Maciu 26:28

ni sai koya oqo na noqu dra ni veiyalayalati vou, sa liviraki ena vukudra e lewe vuqa, me bokoci kina na i valavala ca.

Maciu 9:2

Ka raica, era sa qai kauta mai vua e dua na tauvi paralasi, sa koto ga ena nona i davodavo. Ni sa raica o Jisu na nodra vakabauta, sa qai kaya vua na tauvi paralasi, “Vakacegu, na luvequ! Sa bokoci na nomu i valavala ca.”

Marika 11:25

Ni dou sa tu mo dou masu, dou vosota ka guilecava taumada na nodra ca era sa caka ca vei kemudou, ena qai bokoca talega kina na nomudou i valavala ca na Tamamudou mai lomalagi. [

Luke 11:4

Ni kakua ni cudruvi keimami ena vuku ni neimami i valavala ca; Ni keimami sa sega ni cudruvi ira era sai valavala ca vei keimami. Ka mo ni kakua ni kauti keimami ki na vere.’ ”

Luke 13:4

Se vakaevei beka o iratou na lewe tinikawalu ka mate ni a lutuki iratou na doka ni vale cecere mai Sailoama? O ni nanuma beka ni sa vakaraitaka oqo ni ratou sa ca vakalevu cake mai vei ira na vo ni tamata era tiko e Jerusalemi ena gauna o ya?

Luke 6:37

“Mo ni kakua ni dau veivakalewai, ena qai sega ni lewai kemuni na Kalou; mo ni kakua ni dau veibeitaki, ena qai sega ni beitaki kemuni na Kalou; mo ni dau veivosoti, ka na qai vosoti kemuni na Kalou.

Cakacaka 13:38

O koya oqo, mo ni kila kina na veiwekani ni sa mai vunautaki vei kemuni na bokoci ni valavala ca ena vukuna.

Efeso 1:7

Ni da sa sereki ena vuku ni nona mate ka sa bokoci na noda i valavala ca me vaka na levu ni nona loloma-savu,

Efeso 4:32

Ia mo ni veilomani ga, ni veinanumi ka veivosoti vakai kemuni me vaka sa vosoti kemuni na Kalou ena vuku i Karisito.

Kolosa 3:13

Mo ni dauveivukei, ka dauveivosoti kevaka e dua sa vakararawataka e dua vei kemuni. Me vaka sa dauvosoti kemuni na Karisito, mo ni veivosoti talega vakakina.