Maciu 6:10 - Vakavakadewa Vou kei na iVola tale eso

¹⁰ Me yaco mai na nomuni matanitu; Me caka na lomamuni e vuravura Me vaka sa caka tiko mai lomalagi.

Ai Vola Tabu (Vakadewa Makawa Vakavoutaki 2021)

¹⁰ Me yaco mai na nomuni matanitu. Me caka na lomamuni e vuravura me vaka sa caka mai lomalagi.

AI VOLA TABU

¹⁰ Me yaco na nomu lewa. Me caka na nomu veitalia e vuravura me vaka mai lomalagi.

Vakavakadewa Makawa

¹⁰ Me yaco na nomuni lewa. Me caka na lomamuni e vuravura me vaka sa caka mai lomalagi.

Ai Vola Tabu Ena Vakavakadewa Vou

¹⁰ Me yaco mai na nomuni matanitu. Me caka na lomamuni e vuravura me vaka sa caka tiko mai lomalagi.

Maciu 6:10 Iomraidhean Croise

Niemaia 9:6

A qai masu o Esera: “Sa i kemuni duadua ga o Jiova; o ni sa bulia na lomalagi kei na veikalokalo ni lomalagi. O ni sa bulia na vuravura, na wasawasa, kei na ka kecega; o ni sa solia na bula ki na veika kecega. Sa cuva sobu ka sokalou vei kemuni na kaukauwa vakalomalagi eso.

NA SAME 2:6

A sa kaya, “Au sa vakatikora na noqu tui ena noqu ulunivanua tabu o Saioni.”

NA SAME 40:8

Au rekitaka dina me'u vakayacora na lomamuni na noqu Kalou! Io, ka'u sa tugana na nomuni vakavuvuli ki na vu-ni-yaloqu.”

Aisea 2:2

Ena yaco mai na gauna, Sa na cecere duadua kina, Na ulunivanua e duri tu kina na Valenisoro. Era na lako yani kina na veimatanitu kecega, Ka ra na kaya na tamata,

Jeremaia 23:5

A sa kaya o Jiova, “Ena yaco dina mai na gauna, Au na qai digitaka kina e dua na kawa dina i Tevita me tui. Ena daumaka na nona veiliutaki ka na vinaka ka dodonu ena vanua taucoko.

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Taniela 4:35

Sa sega ni wilika o koya me dua na ka na tamata; Sa lewai ira na agilosi ni lomalagi kei ira na kai vuravura kecega o koya. Sa sega ni dua e saqata rawa na nona lewa Se me liaca na ka sa cakava.

Taniela 7:13

Ena raivotu ena bogi o ya, au a raica kina e dua sa vaka na i rairai ni luve ni tamata. Sa lako voleka mai o koya, ia a vakavolivoliti koya ga na o, ka sa lako yani vua sa bula vakadede sara, me la'ki vakaveikilaitaki vua.

Taniela 7:27

Ena qai soli vei ira na tamata ni Kalou Cecere na nodra kaukauwa kei na veika cecere ni veimatanitu kecega e vuravura. Ia na nodra kaukauwa sa na sega ni oti rawa, ia o ira na veituraga kecega era na talairawarawa me qaravi ira na tamata ni Kalou cecere.”

Sakaraia 9:9

Ni reki ka marau Oi kemuni na kai Saioni! Ni kaila ena marau levu Oi kemuni na kai Jerusalemi! Raica, sa lako tiko mai vei kemuni o koya na nomuni tui! Sa lako mai ena lagilagi kei na qaqa, Ia sa yalo malumalumu ga Ka vodoka voli na luve ni asa.

Maciu 12:50

O koya ga sa vakayacora na loma i Tamaqu mai lomalagi, sai koya oqo na taciqu, kei na ganequ, kei na tinaqu.”

Maciu 16:28

Au sa kaya vakaidina vei kemudou, eso vei ira era tucake tu oqo era na sega ni tovolea mada na mate me yacova ni ra sa raica na Luve ni Tamata ni sa lako mai ena nona matanitu.”

Maciu 26:42

Sa lako tale yani ka masu, ka kaya, “I Tamaqu, kevaka sa sega ni kau tani rawa na bilo oqo, ka me'u gunuva ga, me sa yaco ga na lomamuni.”

Maciu 3:2

“Ni veivutuni ni sa voleka na matanitu vakalomalagi!”

Maciu 4:17

Mai na gauna koya, a sa vakatekivu me vunautaka voli kina o Jisu na nona i tukutuku oqo: “Mo ni veivutuni mai na nomuni i valavala ca, ni sa voleka mai na matanitu vakalomalagi!”

Maciu 7:21

“Ena sega ni o ira kece era kaya tiko vei au ‘Kemuni na Turaga,’ era na curu ki na matanitu vakalomalagi; ia, o koya ga e cakava na loma i Tamaqu mai lomalagi.

Marika 11:10

Me vakalougataka na Kalou na matanitu nei Tevita na tui ka sa yaco mai oqo! Osana ki cake sara!”

Marika 3:35

O koya ga e cakava na loma ni Kalou, sa taciqu, sa ganequ, ka sa tinaqu.”

Luke 19:11

Ia ni ra sa rogoca tiko na veika o ya o ira na tamata, sa qai tukuna o Jisu e dua na vosa vakatautauvata. Sa voleka sara tiko ni yaco ki Jerusalemi o koya, ka ra sa nanuma na tamata ni sa vakarau basika vakasauri ena gauna o ya na matanitu ni Kalou.

Luke 19:38

Era sa kaya, “Me vakalougatataka na Kalou na tui sa lako mai ena yaca ni Turaga! Sa yaco na tiko sautu mai lomalagi kei na vakarokoroko ena yasana cecere sara!”

Luke 22:42

“I Tamaqu, kevaka sa lomamuni, ni kauta tani vei au na bilo ni veivakararawataki oqo; ia me kakua ni yaco na lomaqu, me yaco ga na lomamuni.”

Joni 4:34

Sa qai kaya vei iratou o Jisu, “Na kequ kakana sai koya me'u cakava na loma i koya sa talai au mai, ka vakaotia na nona cakacaka.

Joni 6:40

Ni sai koya oqo na ka e vinakata o Tamaqu, o ya me ra rawata na bula tawamudu o ira vakayadua sa raica na Luvena ka vakabauti koya; ka'u na vakaturi ira cake ena i otioti ni gauna.”

Joni 7:17

Kevaka e dua na tamata e via cakava na loma ni Kalou, ena kila na i vakavuvuli, se sa lako mai vua na Kalou, se'u sa vosa tiko vakai au ga.

Cakacaka 13:22

Ni oti na nona biuti koya tani na Kalou, sa qai vakatuburi Tevita cake me nodra tui. Sa i koya oqo na ka e kaya na Kalou baleti Tevita, ‘Au sa kunei Tevita, na luve i Jese, a tamata ka'u sa vinakata e lomaqu, o koya ena vakayacora na veika kecega au gadreva.’

Cakacaka 21:14

Ia me vaka ni sa sega ni rawa me keimami veisautaka na lomana, keimami sa mani laiva ga, ka kaya, “Me yaco ga na loma ni Turaga.”

Cakacaka 22:14

Sa qai kaya vei au o koya, ‘Na Kalou ni noda qase sa digitaki iko mo kila na lomana, mo raici Koya na Yalododonu, ka rogoca na voqa ni domona.

Roma 12:2

Ni kakua ni vakaitovotaki kemuni ena veimataqali i tovo ni vuravura oqo. Ia ni vakadonuya ga vua na Kalou me vakavouia taucoko sara na nomuni vakasama ka me veisautaki kina na nomuni bula e loma. O ni na qai kila rawa kina na loma ni Kalou, ka kila talega na ka yaga, ka vinaka, ka uasivi sara.

Efeso 6:6

Ni kakua ni makutu ga ni ra rai tu, me ra vinakati kemuni kina. Ia me vaka o ni sa tamata nei Karisito, ni cakava na loma ni Kalou ena yalomuni taucoko.

Kolosa 1:13

Sa vakabulai keda o koya mai na vakatulewa ni butobuto ka kauti keda tani ki na nona matanitu na Luvena lomani,

Kolosa 1:9

Sa i koya oqo na vuna keirau sa sega ni cegu kina ena masulaki kemuni, me tekivu sara mai na siga keirau a rogoca kina na veika me baleti kemuni. Keirau sa kerea vua na Kalou me vakasinaiti kemuni ena kila-ka mo ni kila kina na lomana, ka vakakina na vuku vakayalo kei na yalomatua.

1 Cesalonaika 4:3

ka ni vinakata na Kalou mo ni savasava vakayalo; ka mo ni kakua ni dau veibutakoci.

1 Cesalonaika 5:18

Ni vakavinavinaka ena vuku ni veika kecega ena veigauna kecega, ni sai koya oqo na loma ni Kalou vei kemuni ena vuku i Karisito Jisu.

Iperiu 1:14

A cava sara mada o ira na agilosi? Sa i ira ga na yalo dauveiqaravi vua na Kalou ka ra sa talai mai vua me ra vukei ira era sa vakarau ciqoma na i veivakabulai ni Kalou.

Iperiu 10:36

Sa yaga me tiko vei kemuni na yalo ni vosota, mo ni kitaka rawa kina na loma ni Kalou ka taukena na ka sa yalataki.

Iperiu 10:7

Au sa qai kaya, ‘Oi au oqo, Me'u vakayacora na lomamuni, kemuni na Kalou, Me vaka sa volai tu ena i vola vivigi ena vukuqu.’ ”

Iperiu 13:21

me qai vakaiyaragitaki kemuni sara o koya ena veika vinaka kecega mo ni vakayacora rawa kina na lomana, ka me qai cakacakataka o koya e vu-ni-lomada na veika sa vinaka vua, ena vuku i Jisu Karisito, o koya me ia vua na vakarokoroko ka sega ni mudu. Emeni.

1 Pita 2:15

Ni sa vinakata na Kalou mo ni vagalui ira na tamata yalowai mai na nodra veitalanoa lialia ena veika vinaka o ni vakayacora.

1 Pita 4:2

Ena vuku ni ka oqo, mo ni bulataka kina na bula sa liutaki mai vua na Kalou ena vo ni nomuni bula, ka me kua tale ni lewai kemuni na veigagadre vakayago.

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Vakatakila 12:10

Au a qai rogoca e dua na domolevu mai lomalagi, sa kaya, “Sa qai yaco mai oqo na veivakabulai ni Kalou! Sa qai vakatakila oqo na Kalou na nona kaukauwa ni sa Tui o koya! Sa qai vakaraitaka oqo na nona Mesaia na kaukauwa sa tu vua! Ni sa qai viritaki tani mai lomalagi oqo o koya sa daubeitaki ira na wekada vakayalo ena veisiga kei na veibogi ena mata ni Kalou.

Vakatakila 19:6

Au a qai rogoca na ka e vaka na domodra e dua na i wiliwili tamata levu, a sa vaka na vakere ni dua na savu, ka vaka na domo ni kurukuru levu ni sa kaya: “Aleluya! Sa noda Tui na Turaga na noda Kalou Kaukauwa Sara!

Vakatakila 20:4

Ia au a qai raica eso na i tikotiko vakaturaga, era sa dabe tiko kina eso ka sa soli vei ira na kaukauwa me ra turaganilewa. Au a raica talega na yalodra na tamata sa tamusuki na uludra ena vuku ni nodra a vakadinadinataka na veika dina sa vakatakila o Jisu kei na vosa ni Kalou. Era a sega ni vakarokorokotaka na manumanu rerevaki se na kena i vakatakarakara, ka sega talega ni ra ciqoma na maka ni manumanu rerevaki ena yadredra se ena ligadra. Era sa bula tale mai na mate ka veiliutaki vata kei Karisito me dua na udolu na yabaki.