Maciu 5:5 - Vakavakadewa Vou kei na iVola tale eso

⁵ “Sa kalougata o ira era sa yalomalua; Ni ra na taukena na vanua.

Ai Vola Tabu (Vakadewa Makawa Vakavoutaki 2021)

⁵ “Sa kalougata ko ira sa yalomalua, ni ra na taukena na vanua.

AI VOLA TABU

⁵ Sa kalougata ko ira sa yalomalua: ni ra na taukena na vanua.

Vakavakadewa Makawa

⁵ Sa kalougata ko ira sa yalomalua: ni ra na taukena na vanua.

Ai Vola Tabu Ena Vakavakadewa Vou

⁵ “Sa kalougata o ira era sa yalomalua; Ni ra na taukena na vanua.

Maciu 5:5 Iomraidhean Croise

NA SAME 147:6

Sa vueti ira cake na yalo malumalumu o Jiova; Ia, sa vakabalei ira sobu ga na tamata ca ki na qele.

NA SAME 149:4

Sa marautaki ira na nona tamata na Kalou Sa vakalagilagi ira era yalo malumalumu ena qaqa.

NA SAME 22:26

Era na kania na dravudravua na levu ga ni ka era via kania. O ira era lako mai vei Jiova era na vakacaucautaki koya. Mo ni tiko vinaka tikoga ka tawa mudu.

NA SAME 25:13

Era na tiko vinaka ena veigauna kecega ka ra na taukena na vanua na nodra kawa.

NA SAME 25:9

Sa tuberi ira na yalo malumalumu ena sala dodonu Ka vakavulici ira ena ka e vinakata.

NA SAME 37:11

Ia, o ira sa yalomalua era na taukena na vanua, Ka marautaka na bula sautu.

NA SAME 37:22

O ira sa vakalougatataki ira na Turaga era na tiko ka taqomaki vinaka ena nodra vanua. Ia, era na vakasavi tani yani o ira era sa cudruvi mai vua.

NA SAME 37:29

Era na taukena na vanua na yalododonu Ka ra tiko ga kina ka sega ni mudu.

NA SAME 37:34

Mo vakadinati Jiova ga ka muria na nona i vakaro; Ena solia vei iko na kaukauwa mo taukena na vanua, O na raica talega na nona vakasavi tani na tamata ca.

NA SAME 37:9

O ira era vakadinati Jiova era na taukena na vanua; Ia, o ira ga na tamata ca era na vakasavi tani.

NA SAME 69:32

Ni ra sa raica o ira na vakaloloma na ka oqo, era na marau; Era na vakayaloqaqataki o ira na dau cuva vua na Kalou.

Aisea 11:4

ia ena lewai ira na dravudravua ena lewa dodonu Ka taqomaka na nodra dodonu na yalo malumalumu. Ena ravuta na vanua ena nona i vakaro, Ka ra na mate kina na tamata i valavala ca.

Aisea 29:19

Era na kunea na marau vou mai vei Jiova na yalo malumalumu. Ka ra rawata na reki na tamata dravudravua ena kedra maliwa na tamata, Vua na Kalou Yalosavasava ni Isireli.

Aisea 60:21

O ira kece na luvemu era na cakava na ka dodonu Ka taukena na vanua ka tawa mudu. Au a tei ira, ka buli ira, Me'u vakaraitaka na noqu cecere vei ira kece.

Aisea 61:1

Sa sobuti au na Yalo ni Turaga o Jiova. Sa digitaki au o koya ka talai au Me'u kauta na i tukutuku vinaka vei ira na dravudravua Ka vakabulai ira sa mavoa tu na yalodra, Me'u vunautaka na veisereki vei ira era tiko vakabobula Kei na galala vei ira era tiko ena vale ni veivesu.

Sefanaia 2:3

Ni vakanamata vei Jiova na tamata yalomalumalumu kece ni vanua, oi kemuni sa dau talairawarawa ki na nona i vakaro. Ni cakava na ka dodonu, ka vakamalumalumutaki kemuni ena mata i Jiova; de o ni na qai calata na i totogi ena siga sa vakaraitaka kina o Jiova na nona cudru.

Tiko mai na Lekutu 12:3

(A sa tamata vakaturaga o Mosese, ka sa uasivi sara ena yalomalumalumu mai vei ira na tamata kecega ena dela i vuravura.)

Maciu 11:29

Vakataqara vei kemudou na noqu i vua, ka vuli vei au, ni'u sa yalomalua ka yalomalumalumu, ka dou na kunea kina na vakacegu ni yalomudou.

Maciu 21:5

“Tukuna ki na koro o Saioni, Raica, sa lako mai vei iko na nomu tui. Sa yalomalua ka sa vodoka e dua na asa, Kei na asa lailai, na luve ni asa.”

Roma 4:13

Ena gauna sa yalataka kina na Kalou vei Epara-ama kei ira na nona kawa ni ra na taukena na vuravura, sa sega ni cakava vei Epara-ama na vosa ni yalayala o ya ena vuku ni nona muria na Lawa i Mosese, ia ena vuku ga ni nona vakabauta; na vakabauta ka sa vakadonui koya kina na Kalou ka okati koya kina me i valavala dodonu.

Kalatia 5:23

na yalomalumalumu, na lewai koya rawa vakai koya. E sega na lawa me vakacalai kina na veika oqo.

Efeso 4:2

Mo ni dau yalomalumalumu sara ka yalomalua; mo ni dau vosota vakadede ka veivosoti ena loloma.

Kolosa 3:12

Sa i kemuni na nona tamata na Kalou, o koya sa daulomani kemuni ka sa digitaki kemuni. O koya oqo mo ni vakaisulu kina ena dauloloma, ena yalovinaka, ena yalomalumalumu, ena yalomalua kei na vosota vakadede.

1 Timoci 6:11

Ia o iko e dua na tamata ni Kalou, mo tarovi iko mai na veika kece sara oqo. Mo vakasaqara matua ga na yalododonu, na i tovo vakalou, na vakabauta, na loloma, na vosota vakadede, kei na yalomalua.

2 Timoci 2:25

ka vakatavulici ira na kemu meca ena yalomalumalumu. De na qai solia vei ira na Kalou na gauna me ra veivutuni kina ka kila na ka dina,

Vei Taito 3:2

Me ra kakua ni vosavakacacataka e dua na tamata se dau veivala, ia me ra yalomalua ga ka vakarokorokotaki ira na tamata kecega.

Jemesa 1:21

Ia mo ni biuta tani kina na i vakarau dukadukali kece sara kei na i tovo vakasisila kecega. Ni vakamalumalumutaki kemuni ga vua na Kalou ka ciqoma na vosa sa teivaka o koya ena lomamuni, ni sa rawa ni vakabulai kemuni.

Jemesa 3:13

O cei li vei kemuni sa vuku ka yalomatua? Me ra na vakatakila sara oqo mai na nodra i tovo vinaka kei na nodra cakacaka vinaka sa vakayacori ena yalomalumalumu kei na yalomatua.

1 Pita 3:15

Ia ni vakarokorokotaki Karisito ga ena yalomuni, ka dokai koya ni sa nomuni Turaga. Ni dau vakarau tu ena veigauna kecega mo ni vakamacalataka vua na tamata yadua e via kila na i nuinui sa tu vei kemuni,

1 Pita 3:4

Ia me sauni ga na yalo sa tabogo ena i ukuuku talei sa sega ni vuca rawa, o ya na yalomalumalumu kei na yalomalua, ni sa ka talei sara oqo ena mata ni Kalou.