Maciu 5:4 - Vakavakadewa Vou kei na iVola tale eso

⁴ “Sa kalougata o ira era sa dautagi; Ni ra na vakacegui.

Ai Vola Tabu (Vakadewa Makawa Vakavoutaki 2021)

⁴ “Sa kalougata ko ira sa dautagi, ni ra na vakacegui.

AI VOLA TABU

⁴ Sa kalougata ko ira sa dautagi: ni ra na vakacegui.

Vakavakadewa Makawa

⁴ Sa kalougata ko ira sa dautagi: ni ra na vakacegui.

Ai Vola Tabu Ena Vakavakadewa Vou

⁴ “Sa kalougata o ira era sa dautagi; Ni ra na vakacegui.

Maciu 5:4 Iomraidhean Croise

Aisea 12:1

Ena yaco mai na siga era na lagata kina na tamata; “Au na vakacaucautaki kemuni Jiova! O ni a cudruvi au, ia oqo o ni sa vakacegui au Ka sa oti na nomuni cudru.

Aisea 25:8

Ena qai vakarusai mate vakadua o Jiova, Ka na qusia na wai ni matadra kecega na tamata, Ka kauta tani na veivakamaduataki Era sota kaya na nona tamata e vuravura taucoko, Ni sai Jiova ga sa kaya vakaoqo.

Aisea 30:19

O ni sa na sega ni tagi tale na tamata mai Saioni o ni tiko e Jerusalemi. Sa dau loloma na Turaga, ni o ni tagica na nona veivuke, ena rogoci kemuni.

Aisea 35:10

Era na yaco ki Jerusalemi ena marau, Ka ra na sere ka kaila ena reki. Era na marau ka tawa mudu, Ka na takali yani vakadua na rarawa kei na oca.

Aisea 57:18

Au sa raica na nodra i valavala ca Ia au na vakabulai ira. Au na liutaki ira ka vukei ira, Ka'u na vakacegui ira era sa rarawa.

Aisea 66:10

Ni marau vata kei Jerusalemi, ka reki ena vukuna Oi kemuni kece o ni lomana na koro oqo! Ni marau vata kaya oqo Oi kemuni kece o ni a tagicaka!

Aisea 66:2

Oi au ga au a bulia na veika kece! Ka sa noqu na veika kece oqo. Au sa vinakati ira era yalo malumalumu ka veivutuni, O ira era rerevaki au ka talairawarawa vei au.

Isikeli 7:16

Eso era na dro ki na veiulunivanua me vakataki ira na ruve ni veibuca. Era na osivaka kece sara na nodra i valavala ca.

Isikeli 9:4

ka sa qai kaya vua, “Mo lako yani ki na loma ni koro, ena loma i Jerusalemi, ka vola e dua na i vakatakilakila ena qaqa ni yadredra na tamata era sa vutugu ka qolouvaka na veika vakasisila kecega sa caka e loma ni koro.”

Sakaraia 12:10

Au na qai vakasinaiti ira na kawa i Tevita kei ira na lewe i Jerusalemi ena yalo ni veikauwaitaki loloma kei na yalo ni daumasu. Era na qai rai yani ki vua era a suaka, ka ra tagicaka me vaka na nodra tagicaka na mate ni dua na gone e le dua voli ga. Era na tagi vakaukauwa sara me vakataki ira era tagicaka na mate ni nodra ulumatua tagane.

Luke 16:25

“Ia sa kaya ga o Epara-ama, ‘Na luvequ, nanuma lesu mada na gauna o se bula voli kina ni a soli me nomu na veika vinaka kecega, ka sa ciqoma ga o Lasarusa na veika ca kecega. Ia oqo, sa kune vakacegu tiko eke o koya, ia o iko sa vakararawataki.

Luke 6:21

Dou sa kalougata, oi kemudou sa viakana edaidai; Ni dou na vakamamautaki! Dou sa kalougata, oi kemudou sa tagi edaidai, Ni dou na dredre!

Luke 6:25

“Dou na kalouca oi kemudou sa mamau tu edaidai; ni dou na qai viakana mai! Dou na kalouca oi kemudou sa dredre tiko edaidai; ni dou na qai rarawa ka tagi!

Luke 7:38

ka la'ki tucake tu e dakuna vaka ki yavana, ka sa tagi tiko. Sa qai tekivu me vakasuasuataka na yava i Jisu ena wai ni matana, ka quwa ena drauniuluna; sa qai reguregulaka na yavana, ka lumuta ena waiwai.

Luke 7:50

Sa qai kaya o Jisu vua na yalewa, “Sa vakabulai iko na nomu vakabauta; mo lako ga ena vakacegu.”

Jemesa 1:12

Sa kalougata na tamata sa vosota ni sa vakatovolei tiko, ia ni sa vorata rawa na veivakatovolei, ena soli vua na bula, o ya na i covi ka sa yalataka oti na Kalou vei ira era lomani koya.

Vakatakila 21:4

E na tavoya tani na wainimata kecega mai na matadra o koya. Ena sega tale na mate, ena sega na rarawa, se na tagi se na vutugu. Sa takali tani kece sara na veika makawa.”