Maciu 5:18 - Vakavakadewa Vou kei na iVola tale eso

¹⁸ Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Ai Vola Tabu (Vakadewa Makawa Vakavoutaki 2021)

¹⁸ Ni'u sa kaya vakaidina vei kemudou, ena takali mada ko lomalagi kei vuravura, ia ena sega ni takali mai na vunau e dua na mata-ni-vola lailai se dua na tikina lailai sara, ena vakayacori kece mada ga.

AI VOLA TABU

¹⁸ Niʼu sa kaya vakaidina vei kemudou, Ena takali mada ko lomalagi kei vuravura, ena sega ni takali mai na vunau e dua na mata-ni-vola lailai se dua na tikina lailai sara, ena yaco mada kecega.

Vakavakadewa Makawa

¹⁸ Niu sa kaya vakaidina vei kemudou, Ena takali mada ko lomalagi kei vuravura, ia ena sega ni takali mai na vunau e dua na mata-ni-vola lailai se dua na tikina lailai sara, ena yaco mada kecega.

Ai Vola Tabu Ena Vakavakadewa Vou

¹⁸ Ni'u sa kaya vakaidina vei kemudou, ena sega sara ni takali rawa mai na Lawa e dua na i toqa se tikina lailai sara ka yacova ni sa takali o lomalagi kei vuravura, ena vakayacori kece mada ga.

Maciu 5:18 Iomraidhean Croise

NA SAME 102:26

Era na takali kece yani, ia o ni na qai vo taudua ga; Era na madra kece yani me vaka na i sulu, Ka takali yani,

NA SAME 111:8

Era na tudei tu ga ka sega ni mudu Era sa solia ena yalodina kei na yalododonu.

NA SAME 119:152

Au sa kila makawa toka na nomuni i vakaro, O ni sa vakadeitaka me na sega sara ni mudu.

Aisea 40:8

Io sa dau malai na co, ka mira na senikau, Ia na vosa ni Kalou ena tudei ga ka sega ni mudu.

Aisea 44:26

Ia ni sa yalataka e dua na ka na noqu dauveiqaravi Ka'u tala na noqu i talai me tukuna na noqu i naki Au na vakayacora sara me ra yaco dina. Au a tukuna ki Jerusalemi Ni ra na bula tale kina na tamata, Ka tara cake tale na koro oqo mai na kena rusa.

Aisea 51:6

Raica mada na lomalagi, ka raica na vuravura! Ena seavu yani na lomalagi me vaka na kubou; Ena madra yani na vuravura vaka na i sulu makawa, Ka ra mate kece talega na tamata era tiko kina. Ia na veivakabulai au na cakava ena tawamudu Ka na tudei tu ga na noqu qaqa.

Maciu 10:15

Au sa kaya vakaidina vei kemudou, ena ca vakalailai na vanua o Sotoma kei Komora ena siga ni lewa, ena ca vakalevu na koro o ya.

Maciu 10:23

Ni ra sa vakacacani kemudou ena koro oqo, dro ki na dua tale; ni'u sa kaya vakaidina vei kemudou, ni dou sa sega mada ni vakaotia na veikoro e Isireli; e sa na yaco mai na Luve ni Tamata.

Maciu 10:42

O koya ga ena solia vua e dua vei ira na lalai oqo e dua walega na bilo wai liliwa e baleta ni sa tisaipeli, au sa kaya vakaidina vei kemudou, ena sega sara ni yali vua na kena i sau.”

Maciu 11:11

Au sa kaya vakaidina vei kemudou, e sa sega mada ni tubu oti e dua mai vei ira ka sucu ena yalewa me levu cake mai vei Joni na Dauveipapitaisotaki; ia, o koya e lailai duadua ena matanitu vakalomalagi sa qai uasivi cake vua.

Maciu 13:17

Ni'u sa kaya vakaidina vei kemudou, ni ra a gadreva e lewe vuqa na parofita kei na tamata yalododonu me ra raica na ka dou sa raica, ka mani sega ni raica; me ra rogoca na ka dou sa rogoca, ka mani sega ni rogoca.

Maciu 16:28

Au sa kaya vakaidina vei kemudou, eso vei ira era tucake tu oqo era na sega ni tovolea mada na mate me yacova ni ra sa raica na Luve ni Tamata ni sa lako mai ena nona matanitu.”

Maciu 17:20

Sa qai kaya vei iratou o koya, “E baleta ni lailai ga na nomudou vakabauta. Ni'u sa kaya vakaidina vei kemudou, kevaka e tu vei kemudou na vakabauta me vaka na sore ni musita, dou na kaya ki na ulunivanua oqo, ‘Mo toso mai na vanua oqo ki kea,’ ka na toso vakakina. Sa sega na ka e dredre vei kemudou!

Maciu 18:18

“Au sa kaya vakaidina vei kemudou, ni ka kecega dou vauca e vuravura ena vauci talega mai lomalagi, kei na ka kecega dou sereka e vuravura ena sereki talega mai lomalagi.

Maciu 18:3

ka kaya, “Au sa kaya vakaidina vei kemudou, kevaka dou sega ni veisau, ka yaco me vaka e dua na gone lailai, dou na sega sara ni curu ki na matanitu vakalomalagi.

Maciu 19:23

Sa qai kaya vei ira na nona tisaipeli o Jisu, “Au sa kaya vakaidina vei kemudou ena dredre vua na tamata vutuniyau me curu ki na matanitu vakalomalagi.

Maciu 19:28

Sa qai kaya vei iratou o Jisu, “Au sa kaya vakaidina vei kemudou, ni sa dabe tiko na Luve ni Tamata ena nona i tikotiko lagilagi, ena vuravura vou, dou na qai tiko talega oi kemudou ka muri au voli ena i tikotiko vakaturaga e tinikarua, ka lewai ira na mataqali e tinikarua ni Isireli.

Maciu 21:21

Sa sauma o Jisu ka kaya vei ira, “Au sa kaya vakaidina vei kemudou, kevaka e tu vei kemudou na vakabauta ka sega ni vakatitiqa, dou na sega ni cakava walega na ka sa yaco ena vunilolo, ia kevaka dou kaya sara talega ki na ulunivanua oqo, ‘Tacavu mai ka la'ki biuti iko ki na wasawasa,’ ena vakayacori ga.

Maciu 21:31

O cei vei rau na lewe rua e muria na loma i tamana?” Era sa qai kaya, “O koya e qase vei rau.” A sa kaya kina vei ira o Jisu, “Au sa kaya vakaidina vei kemudou, era sa curu tiko e liu vei kemudou ki na matanitu ni Kalou o ira na dau kumuni i vakacavacava kei ira na dautagane.

Maciu 23:36

Au sa kaya vakaidina vei kemudou, ena yaco na veika kecega oqo ki na i tabatamata oqo.

Maciu 24:2

Sa qai kaya o koya vei iratou, “Dou sa raica na ka kece oqo? Au sa kaya vakaidina vei kemudou, ena sega ni vo tale eke e dua na vatu me taqa toka ki na dua tale, ena talaraki sobu kecega.”

Maciu 24:47

Au sa kaya vakaidina vei kemudou, ena lesi koya me lewa na veika kece e tu vua.

Maciu 25:12

A sa sauma na tagane vou ka kaya, ‘Au sa kaya vakaidina vei kemudou, au sa sega ni kilai kemudou.’

Maciu 25:40

Ena qai sauma na Tui ka kaya vei ira, ‘Au sa kaya vakaidina vei kemuni, ena nomuni dau cakava na ka oqo vei ira sa muri au voli ka ra sega soti ni dau kauwaitaki vakalevu, o ni sa cakava tiko oqo vei au!’

Maciu 25:45

Ena qai sauma vei ira o koya, ka kaya, ‘Au sa kaya vakaidina vei kemuni, ena nomuni a bese ni vukea ira na tamata era dau sega tu ni kauwaitaki vakaoqo, o ni sa bese talega kina ni vukei au.’

Maciu 5:26

Au sa kaya vakaidina vei iko, o na sega ni sereki mai kea me yacova ni o sa sauma vakaoti na i sau ni kemu i totogi.

Maciu 6:16

“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:2

“O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Maciu 8:10

Ni sa rogoca o Jisu, sa kurabui, ka kaya vei ira ka muri koya tiko, “Au sa kaya vakaidina vei kemudou, au se sega mada ni bau raica vua e dua e Isireli na mataqali vakabauta vakaoqo.

Marika 10:15

Au sa kaya vakaidina vei kemudou, o koya yadua e sega ni ciqoma na matanitu ni Kalou me vaka e dua na gone lailai ena sega ni curu kina.”

Marika 10:29

Sa qai kaya o Jisu, “Au sa kaya vakaidina vei kemudou, e sega ni dua e sa biuta na nona vale kei iratou na tacina se na tuakana se na ganena, se tinana se tamana, se o iratou na luvena, se tiki ni qele, ena vukuqu kei na vuku ni tukutuku vinaka,

Marika 11:23

Au sa kaya vakaidina vei kemudou, ke dua e kaya ki na ulunivanua oqo, ‘Mo toki tani ka biu ki wasawasa,’ ka vakabauta ni na yaco na ka e tukuna, ka sega tale ni vakatitiqa na lomana, ena vakayacori dina na ka e kaya.

Marika 12:43

Sa qai kacivi iratou mai na nona tisaipeli o Jisu, ka kaya vei iratou, “Au sa kaya vakaidina vei kemudou, e levu cake na ka e solia na yada dravudravua o ya mai na ka era solia na kena vo.

Marika 13:30

Au sa kaya vakaidina vei kemudou, ena yaco mada e liu na veika kece o ya ni bera ni takali yani na i tabatamata oqo.

Marika 14:18

Ni ratou sa kana tiko, sa qai kaya o Jisu, “Au sa kaya vakaidina vei kemudou, e dua vei kemudou ena soli au yani, e dua ga ka sa kana vata tiko oqo kei au.”

Marika 14:25

Au sa kaya vakaidina vei kemudou, au na sega tale ni gunuva na waini me yacova na siga au na gunuva tale kina ena matanitu ni Kalou.”

Marika 14:30

Sa qai kaya vua o Jisu, “Au sa kaya vakaidina vei iko, ena bogi ga edaidai, ni bera ni tagi vakarua na toa, o sa na cakitaka vakatolu ni o kilai au.”

Marika 14:9

Au sa kaya vakaidina vei kemudou, ena veivanua kecega ena vunautaki kina na i tukutuku vinaka ena vuravura taucoko, ena tukuni kina na ka sa cakava na yalewa oqo, me kena i divi.”

Marika 3:28

“Au sa kaya vakaidina vei kemudou, ena rawa me bokoci na nodra i valavala ca kecega na tamata, kei na nodra vosavakacacataka na Kalou.

Marika 6:11

Ia kevaka e dua na vanua era sega ni vakacegui kemudou, ka ra bese ni rogoci kemudou, ni dou sa lako tani mai kina, dou taviraka laivi na kuvu ni qele mai na yavamudou me na i vakadinadina baleti ira.”

Marika 8:12

E a vutugu vakalevu o koya ena vu ni yalona, ka kaya, “Na cava e vakasaqara kina na i tabatamata oqo e dua na i vakatakilakila? Au sa kaya vakaidina vei kemudou, ena sega ni soli e dua na i vakatakilakila ki na i tabatamata oqo.”

Marika 9:1

Sa qai kaya talega vei ira o koya, “Au sa kaya vakaidina vei kemuni, era sa tu eke eso na tamata era na sega ni mate me yacova ni ra sa raica na yaco mai ni Matanitu ni Kalou ena kaukauwa mana.”

Marika 9:41

Ni'u sa kaya vakaidina vei kemudou, o ira yadua ena solia vei kemudou e dua na bilo wai mo dou gunuva, ni dou sai tokani i Karisito, ena sega ni yali vei ira na kedra i sau.

Luke 11:51

mai na dra i Epeli ka yacova na dra i Sakaraia, o koya ka a vakamatei ena tadrua ni cabocabonisoro kei na Tikina Tabu. Io au sa kaya vei kemuni, ena tarogi kina na i tabatamata oqo.

Luke 12:37

Era sa kalougata na dauveiqaravi e kunei ira na nodra turaga ni ra yadra tiko ena gauna sa yaco mai kina o koya. Au sa kaya vei kemudou, ena vakadreta vakavinaka na nona i sulu, ka vakatikori ira me ra kana, ka na lako yani o koya ka qaravi ira.

Luke 13:35

Raica, sa biu wale tu mai na nomu Valenisoro. Au sa kaya vei kemuni ni o ni na sega ni raici au tale me yacova na gauna ni o sa kaya kina, ‘Sa kalougata o koya sa lako mai ena yaca ni Turaga!’ ”

Luke 16:17

Ia sa rawarawa cake me takali laivi o lomalagi kei vuravura ka rui dredre na kena sega ni muri e dua na tiki ni Lawa lailai sara.

Luke 18:17

Au sa kaya vakaidina vei kemudou, o koya ena sega ni ciqoma na matanitu ni Kalou me vaka na gone lailai ena sega ni curu kina.”

Luke 18:29

Sa qai kaya vei iratou o koya, “Au sa kaya vakaidina vei kemudou, e sega ni dua na tamata e sa biuta na nona vale, se watina, se tuakana se tacina, se oi rau na nona i tubutubu, se o ira na luvena ena vuku ni Matanitu ni Kalou,

Luke 23:43

Sa qai kaya vua o Jisu, “Au sa yalataka oqo vei iko ni edaidai ga e daru na tiko vata kina mai Parataisi.”

Luke 4:24

Sa kaya talega o Jisu, “Au sa kaya vakaidina vei kemuni, sa sega ni dua na parofita me vinakati ena nona koro.

Joni 1:51

Sa qai kaya tale vua o Jisu, “Au tukuna vakadodonu sara vei kemuni, ni o ni na raica ni tadola na lomalagi ka raici ira talega na agilosi ni Kalou ni ra kaba cake tiko ka siro sobu vua na Luve ni Tamata.”

Joni 10:1

Sa qai kaya o Jisu, “Au sa tukuna vakadodonu sara oqo vei kemudou, o koya e sega ni curu ena matamata ni bai ni sipi, ka kaba cake ga ena dua na sala tani, sai koya oqo na daubutako ka daukocokoco.

Joni 10:7

Sa qai kaya tale vei iratou o Jisu, “Au tukuna vakadodonu sara vei kemudou, oi au na matamata ni bai ni sipi.

Joni 12:24

Au sa tukuna vakadodonu sara vei kemudrau, kevaka ena sega ni mate na vua ni sila ni sa lutu ki na qele, ena tiko duadua ga; ia kevaka sa mate, ena vua vakalevu.

Joni 13:16

Au sa tukuna vakaidina vei kemudou: sa sega ni levu cake na dauveiqaravi mai vua na nona turaga; ka sa sega talega ni levu cake o koya e talai mai vei koya sa veitalai.

Joni 13:38

Sa kaya vua o Jisu, “O na solia li na nomu bula ena vukuqu? Au sa tukuna vakadodonu sara vei iko oqo: ni se bera ni tagi na toa, o na tukuna vakatolu ni o sa sega ni kilai au.

Joni 14:12

Au kaya vakadodonu sara vei kemudou, o koya sa vakabauti au ena cakava talega na veika au dau cakava, ka na cakava na veika e lelevu cake mai na veika o ya; baleta ni'u sa lako vei Tamaqu.

Joni 16:20

Au kaya vakadodonu vei kemudou, dou na tagi ka tagiyaso, ia ena reki o vuravura. Ena rarawa na lomamudou, ia ena vuki me reki na nomudou rarawa.

Joni 16:23

Ena siga o ya dou na sega tale ni tarogi au ena dua na ka. Au kaya vakadodonu sara vei kemudou, na ka kecega dou na kerea vei Tamaqu, ena yacaqu, ena solia vei kemudou o koya.

Joni 21:18

Au sa kaya vakaidina vei iko oqo: ni o a se gone, o a dau tu vakarau ka lako yani ki na vanua ga o sa digitaka mo lako kina; ia ni o sa qase cake, o na dodoka na ligamu ka na vesuki iko e dua tale na tamata, ka kauti iko ki na vanua o sa sega ni vinakata.”

Joni 3:11

Au tukuna vakadodonu sara vei iko, keitou sa kaya tiko na veika keitou sa kila, ka tukuna na veika keitou sa raica; ia sa sega ga ni dua vei kemudou sa gadreva me vakabauta na neitou i tukutuku.

Joni 3:3

Sa qai sauma o Jisu ka kaya vua, “Au tukuna vakadodonu sara vei iko: kevaka e sega ni sucu tale e dua na tamata, ena sega ni raica rawa na matanitu ni Kalou.”

Joni 3:5

Sa qai kaya o Jisu, “Au tukuna vakadodonu sara vei iko: kevaka e sega ni sucu e dua na tamata ena wai kei na Yalo Tabu, ena sega ni curu rawa ki na matanitu ni Kalou.

Joni 5:19

E a qai sauma kina o Jisu ka kaya vei ira, “Au tukuna vakadodonu sara vei kemuni: ni sega ni dua na ka e cakava vakai koya ga na Luvena, sa cakava ga na ka e raica ni cakava tiko o Tamana. Na veika ga sa cakava na Tamana, sa cakava talega na Luvena.

Joni 6:26

Sa qai sauma vei ira o Jisu ka kaya, “A ka dina au na tukuna oqo vei kemuni: o ni sega ni vakasaqarai au baleta ni o ni a raica na veicakacaka mana au a cakava, ia baleta ga ni o ni a kania na madrai ka mamau kina.

Joni 6:32

Sa qai kaya vei ira o Jisu, “Au sa tukuna vakadodonu vei kemuni oqo: sa sega ni madrai dina mai lomalagi na kena sa solia vei kemuni o Mosese; ia sai Tamaqu ga ka sa solia vei kemuni na madrai dina mai lomalagi.

Joni 6:47

Au tukuna vakadodonu sara vei kemuni ni sa nona na bula tawamudu na tamata sa vakabauta.

Joni 6:53

Sa qai kaya kina vei ira o Jisu, “Au tukuna vakadodonu sara vei kemuni, kevaka o ni sa sega ni kania na lewe ni Luve ni Tamata ka gunuva na nona dra, sa segai vei kemuni na bula.

Joni 8:34

Sa qai kaya vei ira o Jisu, “Au sa tukuna vakadodonu sara vei kemuni, o koya ga sa kitaka na i valavala ca sa bobula ki na i valavala ca.

Joni 8:51

Au tukuna vakadodonu sara vei kemuni, kevaka e dua e katona e lomana na noqu vosa ka talairawarawa kina, ena sega sara ni mate.”

Joni 8:58

Sa qai kaya vei ira o Jisu, “Au tukuna vakadodonu sara vei kemuni, ni se bera ni sucu o Epara-ama, au sa bula tu oi au.”

1 Pita 1:25

Ia na vosa ni Turaga sa tudei ga ka tawamudu.” Sa i koya ga oqo na i Tukutuku Vinaka sa vunautaki vei kemuni.

Vakatakila 20:11

Au a qai raica e dua na i dabedabe vulavula levu vakatui kei koya sa dabe tiko kina. E rau sa dro tani mai vua o lomalagi kei vuravura ka rau sa yali vakadua sara yani.