Maciu 5:16 - Vakavakadewa Vou kei na iVola tale eso

¹⁶ Me cila vakakina na nomudou rarama e matadra na tamata, me ra raica rawa na nomudou cakacaka vinaka, ka vakarokorokotaka na Tamamudou sa tiko mai lomalagi.

Ai Vola Tabu (Vakadewa Makawa Vakavoutaki 2021)

¹⁶ Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

AI VOLA TABU

¹⁶ Me caudre vakakina na nomudou rarama e na matadra na tamata, me ra raica na nomudoui valavala vinaka, ka vakarokorokotaka na Tamamudou sa tiko mai lomalagi.

Vakavakadewa Makawa

¹⁶ Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

Ai Vola Tabu Ena Vakavakadewa Vou

¹⁶ Me cila vakakina na nomudou rarama e matadra na tamata, me ra raica rawa na nomudou cakacaka vinaka, ka vakarokorokotaka na Tamamudou sa tiko mai lomalagi.

Maciu 5:16 Iomraidhean Croise

Lako Yani 34:35

ka rawa vei ira na Isireli me ra raica na serau ni matana. Sa qai dau ubia tale na matana me yacova na gauna ka tarava ni veivosaki vata kei Jiova.

Vosavakaibalebale 4:18

Na sala era sa muria na yalododonu sa vaka na cadra cake ni matanisiga, ena toro cake tikoga na kena rarama me yacova na sigalevu tutu.

Aisea 58:8

Ena qai kida mai na nomuni rarama me vaka na mataka, Ka totolo na maca ni nomuni mavoa. Au na dautiko ga kei kemuni me'u vakabulai kemuni, Ia na mataqu ena taqomaki kemuni Mai na veiyasana kecega.

Aisea 61:3

me'u solia vei ira era sa tagi mai Saioni; Na reki kei na marau ka sega ni rarawa, E dua na sere ni veivakacaucautaki ka sega ni sere ni rarawa. Na Turaga sara ga vakai koya ena qaravi ira; Ka ra na tete yani me vaka na kau. Na tamata yadua ena cakava na ka dodonu, Ka na qai vakacaucautaki na Kalou ena ka sa cakava.

Maciu 23:5

Era dau cakava na nodra cakacaka kecega me ra raici ira kina o ira na tamata; era daramaka e ligadra na nodra kato ni masu ka tu kina na tiki ni Vola Tabu, ka vakabalavutaka na wa-talitali ena i tutu ni nodra i sulu.

Maciu 23:9

Dou kakua talega ni vakatoka e dua me tamamudou e vuravura, ni sa tiko ga e dua na tamamudou, o koya mai lomalagi.

Maciu 5:45

mo dou luvena kina na Tamamudou mai lomalagi. Ni sa vakacabea o koya na nona matanisiga vei ira na tamata ca kei ira na tamata vinaka, ka vakatauca na uca vei ira na yalododonu kei ira na tawa yalododonu.

Maciu 6:16

“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:9

Mo dou qai masu kina vakaoqo: ‘Tama i keimami mai lomalagi, Me vakarokorokotaki na yacamuni,

Maciu 9:8

Ni ra sa raica o ira na lewe vuqa era sa rere, ka vakacaucautaka na Kalou, o koya sa solia na kaukauwa vakaoqo vei ira na tamata.

Luke 11:2

Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Joni 15:8

Sa vakatakilai na lagilagi nei Tamaqu mai na nomudou vuavuai vakalevu; io, oqo na sala dou sa yaco kina mo dou noqu tisaipeli.

Cakacaka 9:36

E a tiko mai na koro o Jopa e dua na yalewa vakabauta, o Tavaita na yacana. (Na yacana ena vosa Vakirisi o Tokasa, ka kena i balebale, ‘e dua na dia.’) Sa dau vakaogai koya ena veicakacaka vinaka kecega kei na nona dau vukei ira na vakaloloma.

1 Korinica 14:25

ena vakavotui na veika vuni ni lomadra, era na qai cuva sobu ka vakarokorokotaka na Kalou, ka vakatusa, “Sa tiko vakaidina na Kalou ena kemuni maliwa!”

2 Korinica 9:13

Ena vuku ni vakadinadina ni nomuni cakacaka oqo, era lewe vuqa era na vakalagilagia kina na Kalou, ena talairawarawa ki na i tukutuku vinaka kei Karisito kei na nomuni lomasoli ni soli ka ni loloma vei ira kei ira kece na tamata.

Kalatia 1:24

Era sa qai vakalagilagia kina na Kalou ena vukuqu.

Efeso 2:10

Ni sa buli keda na Kalou me da vakataka ga na keda i tuvaki oqo, kei na noda semati kei Karisito Jisu sa vakayacori keda kina me da cakava na i valavala vinaka ka sa vakarautaka taumada na Kalou ena vukuda.

Efeso 5:8

Ni o ni a dau tu eliu ena butobuto, ia ni o ni sa yaco mo ni sa nona tamata na Turaga, o ni sa tu ena rarama. Ia mo ni bula voli me vaka na luve ni rarama.

1 Cesalonaika 2:12

ka vakacegui kemuni ka vakauqeti kemuni mo ni vakarautaka na i vakarau ni bula sa kilikili vua na Kalou, o koya sa kacivi kemuni tiko ki na nona matanitu lagilagi.

1 Timoci 2:10

Me ra vakaitovotaki ira ena veitovo vinaka kecega me vaka sa kilikili kei ira na yalewa era sa tukuna ni ra sa lotu.

1 Timoci 5:10

ni sa dodonu me vakairogorogo o koya ena vuku ni nona cakacaka vinaka, me vaka e dua sa daususugi ira vinaka na luvena, ka sa dau dolava na nona vale vei ira na vulagi, ka dau savata na yavadra na tamata ni Kalou, ka dauvukei ira na leqa, ka dausoli koya ki na veicakacaka vinaka kecega.

1 Timoci 5:25

Sa vaka talega kina na kena kune votu na cakacaka vinaka; ia kevaka sara mada ga e sega, ena sega ga ni rawa ni vunitaki me tawamudu.

1 Timoci 6:18

Vunauci ira me ra vakayacora na veika vinaka, me ra vutuniyau ena cakacaka vinaka, me ra dau lomasoli ka vakarau tu me ra dau veivukei.

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

Vei Taito 2:7

Ia o iko sara mada ga mo i vakaraitaki vinaka ena ka kecega o cakava, ka mo vakaraitaka na dodonu kei na bibi ni nomu i vakavuvuli.

Vei Taito 3:14

Me ra vakavulici talega na noda me ra vakayagataka na nodra gauna ena qaravi ni cakacaka vinaka ka me rawa ni sotavi kina na veigagadre e vinakati vakatotolo, ka me ra kakua ni tawayaga kina vua.

Vei Taito 3:4

Ia ni sa vakatakilai mai na yalovinaka kei na loloma ni Kalou na noda i Vakabula,

Iperiu 10:24

Me da ia na veinanumi kei na veivukei, ka me vakatakilai kina na veilomani kei na cakacaka vinaka.

1 Pita 2:12

Me vinaka tikoga na nomuni i tovo ena kedra maliwa na tawa lotu, ka veitalia ga kevaka era se beitaki kemuni tikoga ena caka cala. Era na qai vakarokorokotaka ga na Kalou ena Siga ni veilewai ni ra sa sarava na nomuni cakacaka vinaka.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

1 Pita 3:1

Oi kemuni na yalewa vakawati, ni vakamalumalumutaki kemuni taumada vei ira na watimuni. Kevaka eso vei ira era sega ni vakabauta na vosa ni Kalou, ena rawa ni yaco me ra vakabauta ena vuku ni nomuni i vakarau, ka na sega ni yaga mo ni tauca e dua na vosa

1 Pita 3:16

ia mo ni kitaka oqo ena yalomalumalumu kei na vakarokoroko. Ni qarauna me savasava tiko na nomuni lewa-e-loma, me yaco kina, ni o ni sa vakasewasewani, me ra madua o ira sa vosavakacacataka na nomuni i vakarau vinaka ena nomuni sa tu vata kei Karisito.

1 Pita 4:11

Kevaka e dua sa dauvosa, me ia ga o koya na vunautaka na vosa ni Kalou; o koya sa dauveiqaravi me ia ga na veiqaravi ena kaukauwa sa solia vua na Kalou, me rawa kina ni vakalagilagi na Kalou ena veika kecega ena vuku i Jisu Karisito, o koya sa nona na lagilagi kei na kaukauwa ka tawamudu. Emeni.

1 Pita 4:14

Kevaka o ni sa vakacacani ena vuku ni yaca i Karisito, o ni sa kalougata sara kina. Sa dusia oqo ni sa mai tiko vei kemuni na Yalo sa lagilagi, na Yalo ni Kalou.