Maciu 4:10 - Vakavakadewa Vou kei na iVola tale eso

¹⁰ Sa qai kaya vua o Jisu, “Lako tani, Setani! Ni sa volai tu, ‘Mo vakarokoroko vua na Turaga na nomu Kalou, ka mo qaravi koya duadua ga.’ ”

Ai Vola Tabu (Vakadewa Makawa Vakavoutaki 2021)

¹⁰ Sa qai kaya vua ko Jisu, “Mo lako tani, Setani, ni sa volai, ‘Mo vakarokoroko vei Jiova na nomu Kalou, ka mo qaravi koya duaduaga.’ ”

AI VOLA TABU

¹⁰ Sa qai kaya vua ko Jisu, Mo lako tani, Satani, ni sa volai, Mo soro vei Jiova na nomu Kalou, ia mo qaravi koya duaduaga.

Vakavakadewa Makawa

¹⁰ Sa qai kaya vua ko Jisu, Mo lako tani, Setani, ni sa volai, Mo vakarokoroko vei Jiova na nomu Kalou, ia mo qaravi koya duaduaga.

Ai Vola Tabu Ena Vakavakadewa Vou

¹⁰ Sa qai kaya vua ko Jisu, “Lako tani, Setani! Ni sa volai tu, ‘Mo vakarokoroko vua na Turaga na nomu Kalou, ka mo qaravi koya duadua ga.’ ”

Maciu 4:10 Iomraidhean Croise

1 Veigauna 21:1

A vinakata o Setani me vakatubu leqa vei ira na Isireli, ka vakauqeti Tevita kina me tauca na lewa me vakayacori na wili lewenivanua.

Jope 1:12

A qai kaya vei Setani o Jiova, Sa vinaka, mo vakayacora ki na nona i yau na ka ga o via cakava kina. Ia mo kakua ga ni vakamavoataka na yago i Jope. Oti o ya, a qai lako yani o Setani.

Jope 1:6

Ia ni yaco mai na siga me ra rairai yani kina na agilosi ki na mata i Jiova, a bau tiko talega e kea o Setani na agilosi dauveivakatovolei.

Jope 2:1

Ni yaco mai na siga me ra rairai tale yani kina na agilosi ki na mata i Jiova, a sa tiko talega kei ira o Setani.

NA SAME 109:6

Ni digitaka mada e dua na tamata ca me lewai koya na kequ meca Ka me beitaki koya ga e dua na kena meca.

Lako Yani 23:25

Ia mo ni qaravi Jiova ga na nomuni Kalou, au na vakalougatataka na kemuni kakana kei na memuni wai, ka'u na kauta tani na mate dauveitauvi mai vei kemuni.

Aisea 30:22

O ni na okata na nomuni matakau siliva kei na matakau koula me ka dukadukali. O ni na viritaki ira tani ka kaya, “Ni lako tani mai na mataqu!”

Maciu 16:23

Ia, sa qai vuki o koya ka kaya vei Pita, “Lako tani ki dakuqu, Setani! O iko na i vakatatao ni noqu sala, baleta ni sa vakatamata ga na nomu vakasama ka sa sega ni lako mai vua na Kalou.”

Marika 1:13

A sa tiko o koya ena vanua lala me 40 na siga, ka sa veretaki koya o Setani. Era a tiko vata kaya talega na manumanu kila, ia era a lako mai na agilosi ka vukei koya.

Luke 10:18

Sa qai kaya vei ira o Jisu, “Au a raici Setani ni sa lutu sobu mai lomalagi me vaka na livaliva.

Luke 11:18

Kevaka talega era na veisei vakai ira na lewe ni matanitu i Setani ena tudei vakaevei na nona matanitu? Me vaka ni dou kaya tiko ni'u sa vakasavi ira tani na tevoro ena kaukauwa i Pielisepupi.

Luke 13:16

E sega li ni dodonu vua na yalewa oqo, o koya e dua na kawa i Epara-ama, ka sa vauci koya tu o Setani ka sa yabaki tinikawalu, me sereki mai na i vau oqo ena Siga ni Vakacecegu?”

Luke 22:3

Sa qai curu o Setani ki na loma i Jutasa, o koya ka yacana talega o Isikarioti, a sa dua vei ira na lewe tinikarua.

Luke 22:31

“I Saimoni, I Saimoni! Rogoca! Sa soli na galala vei Setani me vakatovolei kemudou kece sara, me tawasea tani na vinaka mai na ca, me vaka na dauteitei sa tawasea tani na witi mai na qa ni witi.

Luke 4:8

Sa qai sauma o Jisu ka kaya vua, “Sa vola vakaoqo na i Vola Tabu, ‘Mo vakarokoroko vua na Turaga na nomu Kalou ka qaravi koya duadua ga!’ ”

Joni 13:27

Ena gauna ga e taura kina o Jutasa na madrai, a sa curumi koya o Setani. Sa qai kaya vua o Jisu, “Mo cakava vakatotolo sara na ka o sa via vakayacora!”

Cakacaka 26:18

O iko mo na la'ki dolava na matadra, me ra saumaki mai na butobuto ki na rarama, mai na kaukauwa i Setani ki vua na Kalou; me bokoci kina na nodra i valavala ca, ka ra na okati vata kei ira era sa vakasavasavataki me ra nona na Kalou ena nodra sa vakabauti au.’

Cakacaka 5:3

Sa qai kaya vua o Pita, “Ananaiasa, a cava o vakalaivi Setani kina me rawai iko, mo la'ki lawakitaka kina na Yalo Tabu, ka maroroya toka ga e dua na i wase ni sau ni qele?

1 Korinica 5:5

mo ni qai soli koya sara na tamata oqori vei Setani me vakarusai kina na yagona, ka me na vakabulai na yalona ena siga ena lesu mai kina na noda Turaga.

1 Korinica 7:5

Ni kakua ni dui bureitaki kemuni vua na dui watimuni, vaka vo ga ke o ni sa loma vata kina, ena dua na gauna, mo ni galala kina ka qarava na nomuni masu. Ni oti o ya mo ni qai tiko vata tale de na veretaki kemuni o Setani ena nomuni sa sega ni lewai kemuni rawa.

2 Korinica 11:14

Sa sega ni ka veivakurabuitaki oqo. O Setani sara mada ga e rawa me vukici koya me vaka e dua na agilosi ni rarama.

2 Korinica 12:7

Ia me tarovi au me'u kakua kina ni vakacerecerei au ena vuku ni veika lagilagi e vuqa au a raica, sa qai soli vei au e dua na mate mosi ka vaka me i talai i Setani me vakararawataki au, ka me tarovi au tiko me'u kakua ni dokadokai au.

2 Korinica 2:11

Eda sa kila na veivadi ca nei Setani, ia me da kua sara ni laivi koya me rawai keda.

Vakarua 10:20

Mo ni rerevaki Jiova na nomuni Kalou. Mo ni qaravi koya ka yalodina vua, ka vosa ni yalayala ena vuku ni yacana duadua ga.

Jemesa 4:7

O koya oqo mo ni vakamalumalumutaki kemuni kina vua na Kalou. Vorata na tevoro, ena dro tani kina mai vei kemuni o koya.

Josua 24:14

“Ena vuku ni ka oqo, mo ni rerevaki Jiova, ka qaravi koya ena yalodina kei na yalododonu. Mo ni biuta tani na veikalou era a qarava na nomuni qase mai Mesopotemia kei Ijipita, ka mo ni qaravi Jiova duadua ga.

1 Pita 5:9

Mo ni tudei sara ena nomuni vakabauta ka vorati koya, ni o ni sa kila ni sa yaco tale tikoga na veivakararawataki vakaoqo vei ira na wekamuni e vuravura taucoko.

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.