Maciu 3:7 - Vakavakadewa Vou kei na iVola tale eso

⁷ Ia ni sa raici ira e lewe vuqa na Farisi kei na Setoki ni ra sa lako tiko yani vua me ra papitaisotaki, sa kaya vei ira, “Oi kemuni na kawa ni gata! O cei sa vakasalataki kemuni mo ni dro tani mai na cudru sa lako tiko mai?

Ai Vola Tabu (Vakadewa Makawa Vakavoutaki 2021)

⁷ Ia ni sa raica ko koya era sa lewe vuqa na Farisi kei nai tokani i Setoki, era sa lako mai ki na nona papitaiso, sa kaya vei ira, “Oi kemudou na kawa ni gata, ko cei sa vakasalataki kemudou mo dou dro tani mai na cudru sa lako tiko mai?

AI VOLA TABU

⁷ Ia ni sa raica ko koya ni ra sa lewe vuqa na Farisi kei nai tokani i Satoki, era sa lako mai ki ua nona papitaiso, sa kaya vei ira, Oi kemudou na kawa ni gata, o cei sa vakasalataki kemudou mo dou dro tani mai na cudru sa lako tiko mai?

Vakavakadewa Makawa

⁷ Ia ni sa raica ko koya era sa lewe vuqa na Farisi kei nai tokani i Setoki, era sa lako mai ki na nona papitaiso, sa kaya vei ira, Oi kemudou na kawa ni gata, ko cei sa vakasalataki kemudou mo dou dro tani mai na cudru sa lako tiko mai?

Ai Vola Tabu Ena Vakavakadewa Vou

⁷ Ia ni sa raici ira e lewe vuqa na Farisi kei na Setoki ni ra sa lako tiko yani vua me ra papitaisotaki, sa kaya vei ira, “Oi kemuni na kawa ni gata! O cei sa vakasalataki kemuni mo ni dro tani mai na cudru sa lako tiko mai?

Maciu 3:7 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

Vosavakaibalebale 28:4

Kevaka o sega ni maroroya na lawa o sa to vata kei ira na tamata ca, ia kevaka o muria o sa saqati ira.

Aisea 59:5

Sa rerevaki na nomuni i naki ca me vaka na yaloka ni gata bati gaga. Ni dirika e dua na yaloka, sa lade sara mai na gata.

Jeremaia 51:6

Ni dro tani mai Papiloni! Ni dui drotaka na nona bula! Ni kakua ni mai mate ena vuku ni nodra i valavala ca na kai Papiloni me vaka na i sau ni nodra i valavala.

Jeremaia 6:10

Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Maciu 12:24

Ia, ni ra sa rogoca o ira na Farisi, era sa qai kaya, “E vakasavi ira tiko na tevoro na tamata oqo ena kaukauwa duadua ga i Pielisepupi na nodra i liuliu na tevoro.”

Maciu 12:34

Dou kawa ni gata! Dou sa tukuna rawa vakacava na ka vinaka ni dou tamata ca tu? Ni sa dau tukuna na gusuda na ka ga sa sinai tu kina na lomada.

Maciu 15:12

E ratou sa qai lako mai na tisaipeli ka kaya vua, “O ni sa kila li ni ra sa loma ca na Farisi ena nodra rogoca na nomuni vosa?”

Maciu 16:1

Era sa qai lako mai na Farisi kei ira na Setoki, ka kerei koya, ena nodra via vakatovolei koya, me vakaraitaka vei ira e dua na i vakatakilakila mai lomalagi.

Maciu 16:6

Sa qai kaya vei iratou o Jisu, “Dou raica matua, qarauni kemudou mai na nodra i vakatubu na Farisi kei na Setoki.”

Maciu 22:15

Era sa qai lako na Farisi, ka ra bosea me ra coriti Jisu vaka e vei ena nona vosa.

Maciu 22:23

Ena siga vata o ya, era sa lako mai vei Jisu eso na Setoki, ka ra mai kaya voli ni ra na sega ni tucake tale mai na mate na tamata, ka ra sa tarogi Jisu ena dua na taro, ka kaya,

Maciu 22:34

Ia ni ra sa rogoca na Farisi ni sa vagalui ira na Setoki o koya, era sa qai soqoni vata mai,

Maciu 23:33

A gata kei na luve ni gata oi kemudou! Dou na dro rawa beka vakacava mai na cudruvi mai eli?

Maciu 5:20

Au sa kaya kina oqo vei kemudou, kevaka sa sega ni uasivi cake na nomudou i valavala dodonu mai na nodra na daunilawa kei na Farisi, dou na sega sara ni curu ki na matanitu vakalomalagi.

Marika 12:13

Era sa qai tala vei Jisu eso na Farisi kei na so na i tokani i Eroti me ra coriti koya ena nona vosa.

Marika 12:18

Era sa qai lako vei Jisu na Setoki, o ira era kaya ni sega na tucake tale mai na mate, ka tarogi koya vakaoqo,

Marika 8:15

Sa qai vakadreti iratou o Jisu, ka kaya, “Raica, dou qarauni kemudou mai na nodra i vakatubu na Farisi, kei na i vakatubu i Eroti.”

Luke 16:14

Ia ni ra sa rogoca na veika kecega oqo na Farisi, era sa qai vakalialiai koya, ka ni ra sa dau domona na i lavo.

Luke 18:11

“A sa tucake vakatikitiki tu na Farisi ka masu vakai koya vakaoqo, ‘Kemuni na Kalou, au vakavinavinaka vei kemuni ni'u sa sega ni tamata kocokoco, se dauveivakaisini, se dauyalewa, me vakataki ira na vo ni tamata. Au sa vakavinavinaka ni'u sa sega ni vakataki koya na daukumuni i vakacavacava o ya.

Luke 7:30

Ia o ira na Farisi kei ira talega na daunilawa era cata na i naki ni Kalou me baleti ira, ka ra mani sega ni papitaisotaki kina mai vua.

Joni 1:24

Ia o ira era sa talai mai vei ira na Farisi

Joni 8:44

Na tamamuni na Tevoro, ka o ni sa gadreva mo ni cakava na veika sa gadreva na tamamuni. A sa daulaba mai na i vakatekivu o koya, e sega ni dau tovaka na dina, ka ni sega ga vua na dina. Ni sa tukuna o koya e dua na i tukutuku lasu, sa dodonu sara tu ga vua o ya, ka ni sa daulasulasu o koya ka sa vu mai vua na lasu kecega.

Joni 9:40

Era a rogoca na ka oqo eso na Farisi era tiko vata kaya, ka ra taroga vua, “E sega ni kena i balebale o ya ni keitou sa mataboko talega oi keitou, se vakaevei?”

Cakacaka 15:5

Ia era sa qai tu cake eso na nodra i lawalawa na Farisi ka ra sa vakabauta, ka kaya, “Sa dodonu me ra cilivi o ira oqori, ka me ra vakaroti talega me ra muria na Lawa i Mosese.”

Cakacaka 20:31

O koya oqo mo ni qai yadra tiko kina, ka kakua ni guilecava na noqu a sega ni bau cegu ena siga kei na bogi, ena loma ni tolu na yabaki, ena noqu vakasalataki kemuni tiko, ka tonawanawa tiko na mataqu.

Cakacaka 26:5

Era sa kila makawa tu mai, kevaka e lomadra, sa rawa ni ra vakadinadinataka vei kemuni, ni'u a bula tu mai ena i vakarau ni bula vaka-Farisi, o ya na taba ni neimami lotu ka dau muria vakamatailalai sara na kena lawa.

Cakacaka 5:17

A sa sinai sara ena vuvu na Bete Levu, kei ira kecega era dau tiko vata kaya, o ya o ira na Setoki.

Roma 1:18

Sa vakaraitaki mai lomalagi na cudru ni Kalou me baleta na nodra i valavala ca kei na nodra i tovo dukadukali kecega na tamata era sa dau tarova na kena kilai na i vakavuvuli dodonu ena nodra i valavala.

Roma 5:9

Eda sa qai vakadonui mai vua na Kalou ena vuku ni nona dra; ena qai vakaevei na kena levu cake sara na nona vakabulai keda o koya mai na cudru ni Kalou!

1 Cesalonaika 1:10

ka mo ni waraka na Luvena me lako mai lomalagi, o koya ka a vakatura mai na mate, o ya o Jisu; o koya sa vakabulai keda mai na cudru ni Kalou e sa lako tiko mai.

Iperiu 11:7

E na vuku ni vakabauta sa rogoca kina o Noa na i vakasala ni Kalou me baleta na veika me na qai yaco emuri ka se sega ni raica rawa o koya. A sa talairawarawa vua na Kalou ka taya e dua na waqa, a sa vakabulai kina o koya kei na nona matavuvale. E a qai yaco emuri me vakaluvuci na vuravura, ka sa vakadonui o Noa mai vua na Kalou me tamata yalododonu ena vuku ni vakabauta.

Iperiu 6:18

E rau sa qai tu kina oqo e rua na ka, sa sega ni vukici rawa, ka sa sega ni rawa ni vosa lasu kina na Kalou. O koya oqo eda sa qai vakacegui kina vakalevu oi keda eda sa dro me da vakarurugi vua ka me da taura dei tiko na i nuinui sa tu e matada.

1 Joni 3:10

Sa vakatakilai vinaka ena ka oqo na kena duidui o ira na luve ni Kalou mai vei ira na luve ni tevoro: o koya sa sega ni vakayacora na ka dodonu ka sega ni lomana na wekana sa sega ni luve ni Kalou.