Maciu 27:4 - Vakavakadewa Vou kei na iVola tale eso

⁴ ka kaya, “Au sa cala ni'u sa bukiveretaka e dua na tamata sa tawa cala me mate.” Era sa qai kaya ga, “A cava oqori vei keimami? Oqori sa baleti iko ga!”

Ai Vola Tabu (Vakadewa Makawa Vakavoutaki 2021)

⁴ ka kaya, “Au sa cala ni ka'u a soli koya sa sega ni cala me mate.” A ra sa kaya, “Sa bale vakacava vei keitou? Sa baleti iko ga.”

AI VOLA TABU

⁴ ka kaya, Au sa valavala ca ni kaʼu a soli koya sa tawa cala me mate. A ra sa kaya, A cava o qori vei keitou? o iko ga, mo raica.

Vakavakadewa Makawa

⁴ ka kaya, Au sa cala ni kau a soli koya sa sega ni cala me mate. A ra sa kaya, Sa bale vakacava vei keitou? Sa baleti iko ga.

Ai Vola Tabu Ena Vakavakadewa Vou

⁴ ka kaya, “Au sa cala ni'u sa bukiveretaka e dua na tamata sa tawa cala me mate.” Era sa qai kaya ga, “A cava oqori vei keimami? Oqori sa baleti iko ga!”

Maciu 27:4 Iomraidhean Croise

1 Tui 21:27

Ia ni rogoca o Eapi, a dresulaka na nona i sulu, vakaisulutaki koya ena i sulu taga, lolo voli, ka lako voli me vaka na tamata yalo rarawa.

2 Tui 24:4

ka vakabibi na nona vakamatei ira na tamata e sega ni dua na nodra cala. A sa sega ni rawa ni vosoti Manasa o Jiova ena vuku ni veika oqo.

Jope 13:4

Dou sa ubia na nomudou lecaika ena vosa lasu; Dou sa vakataki ira na vuniwai sa sega ni vakabula rawa e dua.

Jope 16:2

Na vosa vaka oqori au sa rogoca oti e liu; Na veivakacegui o dou sa mai solia E veivakararawataki wale ga.

NA SAME 94:21

Era sa bukiveretaki ira na tamata vinaka, Ka vakatauca na i totogi mate vei ira na tamata dodonu.

Lako Yani 12:31

Ena bogi vata o ya, a sa kacivi Mosese kei Eroni kina na tui, ka kaya vei rau, “Drau lako, o kemudrau kei ira na Isireli! Ni lako tani mai na noqu vanua; ni lako ka la'ki sokalou vei Jiova, me vaka na nomuni kerekere.

Lako Yani 9:27

A vakaroti Mosese kei Eroni na tui me rau la'ki raici koya, ka sa kaya, “Au sai valavala ca ena tiki ni gauna oqo; sa dodonu ga o Jiova, ka'u sa cala ga oi au kei ira na noqu tamata.

Vosavakaibalebale 12:8

Kevaka o sa vuku, o na vakacaucautaki; ia kevaka o lecaika tiko, era na beci iko na tamata.

Jeremaia 26:15

Ia mo ni kila tiko kevaka o ni vakamatei au, o ni sa cala ka vakakina o ira na lewe ni koro oqo ni o ni vakamatea e dua na tamata yalo dodonu, baleta ni a talai au mai na Turaga me'u tukuna na ka kece oqo vei kemuni.

Jona 1:14

Era sa qai masu vei Jiova ka kaya. “I Jiova, keitou sa masuti kemuni, ni kakua ni cudruvi kemami ena vuku ni nona bula na tamata oqo. Oi kemuni ga o ni sa vakayacora na veika oqo, me vaka na ka o ni sa vinakata.”

Maciu 27:19

Ni sa dabe toka ena nona i tikotiko ni veilewai, sa qai tala yani e dua na tamata vua o na watina, ka kaya, “Mo kakua ni cakava e dua na ka vua na tamata tawa cala oqori, ni'u sa kune rarawa vakalevu edaidai ena dua na tadra ka baleti koya.”

Maciu 27:54

Ni sa raica na uneune kei na veika kecega sa yaco oqo o koya na turaganivalu kei iratou na sotia ka yadravi Jisu voli, a ratou sa rere vakalevu, ka kaya, “Sa i koya dina oqo na Luve ni Kalou!”

Luke 23:22

Sa qai kaya tale vei ira o Pailato ena i katolu ni gauna, “A ca cava e kitaka o koya? Au sega ni kunea vua e dua na ka sa dodonu me mate kina. O koya oqo au sa na vakanakuitataki koya ga kina ka sereka.”

Luke 23:41

Sa dodonu na lewa e tau vei kedaru, ni sa rauti kedaru ga na i sau ni nodaru i valavala, ia na tamata oqo sa sega ni dua na cala e vakayacora.”

Luke 23:47

E a raica na veika kece sa yaco oqo na turaganivalu, ka sa vakacaucautaka na Kalou, ka kaya, “Sa dina sara ni oqo e dua na tamata vinaka!”

Joni 19:7

Era a kaya yani vua o ira na Jiu, “Sa vauci tu ena neimami lawa ni sa dodonu me mate o koya oqo, baleta ni sa tukuna ni sa Luve ni Kalou o koya.”

Cakacaka 13:28

E dina ga ni ra sa sega ni kunea rawa e dua na ka me tau kina vua na i totogi mate, era sa kerea ga vei Pailato me vakamatei ga o koya.

Roma 3:19

Eda sa qai kila oqo ni veika kecega sa vakaroti ena Lawa sa baleti ira era sa bula voli ena ruku ni Lawa, me vagalui kina na i ulubale kecega ni tamata ka me vakarorogo kina na vuravura taucoko ena ruku ni nona lewa na Kalou.

1 Timoci 4:2

E vu oqo mai na nodra dauveivakaisini na tamata lasulasu, o ira ka sa mate tu na nodra lewa-e-loma, me vaka e vakamai ena kaukamea katakata.

Vei Taito 1:16

Era kaya ni ra kila na Kalou, ia era sa cakitaki koya ena nodra i tovo. Era sa tamata vakasisila, dau talaidredre ka sega ni rawa me ra cakava rawa e dua na ka vinaka.

Iperiu 7:26

Sa i Jisu ga na Bete Levu sa sotava na veika eda sa gadreva. Sa yalosavasava o koya, sa sega ni beitaki ena dua na ka se tiko vua na i valavala ca; sa tawasei tani mai vei ira na i valavala ca o koya ka sa vakacerecerei me uasiviti lomalagi.

1 Pita 1:19

ia ena dra talei ga i Karisito, me vaka na dra ni lami sa sega ni ca se duka e dua na tikina.

1 Joni 3:12

Me da kakua ni vakataki Keni, na luve ni vunica, o koya sa labata na tacina o Epeli. A cava beka na vuna e vakamatei tacina kina? E baleta ga ni sa cala ga na veika sa cakava o koya, ia sa dodonu na veika sa cakava o tacina.

Vakatakila 11:10

Era na rekitaka na nodrau mate na lewe rua oqo o ira na kai vuravura. Era na solevu ka veisoli ka-ni-loloma, baleta ni rau a kauta mai ki vuravura na veivakararawataki levu oi rau na parofita oqo.

1 Samuela 15:24

A qai vosa vei Samuela o Saula ka kaya, “Au sa i valavala ca. Au sa talaidredre ki na i vakaro i Jiova kei na nomu i vakasala. Au a rerevaki ira na tamata ka vakarorogo ki na nodra vosa.

1 Samuela 15:30

A sa kaya o Saula, “Au sa cala vakaidina; ia oqo mo bau vakarokorokotaki au mada e matadra na nodra qase na noqu tamata kei ira na Isireli. Mo lesu vata kei au ka me'u la'ki soro vei Jiova na nomu Kalou.”

1 Samuela 19:5

E a bolea na mate o koya ka la'ki vakamatei koya kina na kai Filisitia, ka sa rawata kina o Jiova e dua na qaqa levu vei ira kecega na Isireli. O a raica ka marau kina; a cava li na vuna o sa via cakava kina na ka ca vua na tamata sa sega ni cala, e dua li na i naki ni nomu via vakamatei Tevita?”