Maciu 27:2 - Vakavakadewa Vou kei na iVola tale eso

² Era sa qai vesuki koya ka kauti koya tani, ka soli koya vei Pailato, na kovana mai Roma.

Ai Vola Tabu (Vakadewa Makawa Vakavoutaki 2021)

² Ia ni ra sa vesuka, era sa kauta yani, ka solia vei Pailato na kovana.

AI VOLA TABU

² ia ni ra sa vesuka, era sa kauta yani, ka solia vei Ponitio Pilato na turaga.

Vakavakadewa Makawa

² ia ni ra sa vesuka, era sa kauta yani, ka solia vei Ponitio Pailato na kovana.

Ai Vola Tabu Ena Vakavakadewa Vou

² Era sa qai vesuki koya ka kauti koya tani, ka soli koya vei Pailato, na kovana mai Roma.

Maciu 27:2 Iomraidhean Croise

Vakatekivu 22:9

Ia ni rau yaco ki na vanua sa kaya vei Jiova, sa cakava sara e dua na i cabocabonisoro o Epara-ama ka tuva na buka e delana. Sa qai vesuki Aisake na luvena ka vakadavora ena i cabocabonisoro ena dela ni buka.

Maciu 20:19

ka soli koya vei ira na kai matanitu tani, me ra vakalialiai koya, ka vakanakuitataka, ka vakota ki na kauveilatai, ka na qai vakaturi cake tale mai na mate o koya ena i katolu ni siga.”

Maciu 28:14

Ia kevaka e mani la'ki rogoca na kovana, keitou na vakaraitaka na kena dina vua, ka dou na galala mai kina.”

Luke 13:1

Era a tiko eso na tamata ena gauna vata o ya ka ra tukuna vei Jisu na ka e baleti ira na kai Kalili ka a vakamatea o Pailato ena gauna era vakacaboisoro tiko kina vua na Kalou.

Luke 20:20

Era sa mani qai vakaraici koya lo tiko, ka tala eso me ra veretaki koya. Era la'ki lasutaka ni ra tamata dodonu, ka ra saga me ra coriti Jisu mai na nodra vakatataro eso, me ra soli koya yani kina ki na vakatulewa kei na kaukauwa nei Kovana ni Roma.

Luke 23:1

Era sa qai tucake kece sara ka kauti Jisu kivei Pailato.

Luke 23:12

A mani yaco me rau sa qai veivinakati tale o Eroti kei Pailato ena siga o ya, ka ni rau a veicati tu e liu.

Luke 3:1

Ena i katinikalima ni yabaki sa veiliutaki tiko kina na tui (Sisa) o Tiperiu, a kovana tiko mai Jutia o Ponitio Pailato, ka i liuliu mai Kalili o Eroti, ka i liuliu mai Ituria kei na vanua o Tirakoniti o Filipe na tacina, ka i liuliu mai Apilini o Laisenia,

Joni 18:12

Era sa qai vesuki Jisu o ira na mata sotia, kei na nodra turaganivalu, kei ira na nodra ovisa yadra na Jiu,

Joni 18:24

Ni oti o ya sa qai vakauti Jisu sara o Anasa vei Kaiava na Bete Levu; ka se vesu tu ga na ligana.

Joni 18:28

Ena mataka caca ni siga ka tarava era sa qai kauti Jisu tani mai vei Kaiava ki na i tikotiko ni kovana, de ra na vakadukadukalitaki kina, ka na qai sega kina ni rawa me ra kania na kakana ni Lakosivia.

Cakacaka 12:6

Ena bogi me kena mataka cake me sa kauti Pita kina o Eroti vei ira na lewenivanua, sa moce koto o Pita ena kedrau maliwa e rua na sotia. E a vesu tu o koya ena rua na sinucodo ka ra yadra tale tikoga eso ena matamata ni valeniveivesu.

Cakacaka 21:33

Sa qai lako sara yani na komada ka tauri koya, ka vakarota me vesu ena rua na sinucodo. Sa qai taroga vei ira na tu e kea, “O cei na tamata oqo? A cava e cakava?”

Cakacaka 22:25

Ia ni ra sa vesuki koya tu me sa kanakuita, sa qai kaya o Paula ki vua na turaganivalu ka duri tu e kea, “E tara li vei kemuni mo ni vakanakuitataka e dua na kai Roma ni se sega mada ni veilewaitaki ena dua na cala?”

Cakacaka 22:29

E ratou sa mai biuti koya vakatotolo sara o iratou ka dodonu me ratou la'ki vakatarogi Paula. A sa rere talega na komada ni sa qai kila ni sa kai Roma o Paula, ka ni a vesuki koya talega ena sinucodo.

Cakacaka 24:27

Ni sa oti tale e rua na yabaki, sa qai la'ki sosomitaki Vilikesa ena i tutu ni Kovana o Porisiu Vesito. Ia na nona via vakayalovinakataki ira na Jiu o Vilikesa, sa mani biuti Paula tu ga kina ena valeniveivesu.

Cakacaka 28:20

Sa i koya oqo na ka au sa via raici kemuni kina ka veivosaki kina kei kemuni, ni'u sa vesu tu ena sinucodo oqo ena vuku i koya na noda i nuinui na Isireli.”

Cakacaka 3:13

Na Kalou i Epara-ama, kei Aisake, kei Jekope, na nodra Kalou na noda qase, sa vakalagilagi Jisu na nona tamata Dauveiqaravi. O koya o ni a solia yani, ka cakitaka ena mata i Pailato ena nona a sa lewa me sereki koya.

Cakacaka 4:27

Ni rau a mai sota vata kina ena koro oqo o Eroti kei Ponitio Pailato ka vakakina o ira na kai tani kei ira na lewe i Isireli me ra vala kei Jisu, na nomuni Dauveiqaravi yalo savasava, o koya o ni a lumuta.

Cakacaka 9:2

ka la'ki kerea kina eso na i vola ki na soqo vaka lotu mai na koro o Tamasiko, me rawa ni kauti ira kina vakavesu ki Jerusalemi na tamata ka ra dau muria tiko na Sala ni Turaga, se ra tagane se ra yalewa, o ya kevaka e mani kunea kina eso.

1 Timoci 6:13

Io, ena mata ni Kalou, o koya sa solia na bula ki na ka kecega, kei Jisu Karisito, o koya sa tukuna na vakatusa vinaka ena mata i Ponitio Pailato, au sa vakaroti iko

2 Timoci 2:9

Ena vuku ni noqu vunautaka voli na i Tukutuku Vinaka, au sa vakararawataki kina ka'u sa vesuki sara kina ena sinucodo me vaka e dua na kaivesu.

Iperiu 13:3

Ni nanumi ira era sa tiko e valeniveivesu, me vaka ga o ni sa tiko vakavesu kei ira. Ni nanumi ira sa vakararawataki, me vaka ga o ni sa vakararawataki tiko vakakina.

Dauveilewai 15:12

Era a kaya vua, “Keimami sa lako mai me vesuki iko, ka soli iko vei ira na kai Filisitia,” A sa kaya vei ira o Samisoni, “Ni yalayala vei au mo ni na sega ni vakamatei au.”