Maciu 26:53 - Vakavakadewa Vou kei na iVola tale eso

⁵³ O nanuma beka ni sega ni rawa me'u kerei Tamaqu, ka na solia sara mai vei au o koya e sivia e tinikarua na mataivalu agilosi?

Ai Vola Tabu (Vakadewa Makawa Vakavoutaki 2021)

⁵³ Ko sa nanuma beka e sega ni rawarawa vei au me'u masuti Tamaqu, ka na solia sara mai vei au ko koya na agilosi e tinikarua nai vavakoso ka mani vakacaca?

AI VOLA TABU

⁵³ O sa nanuma beka e sega ni rawarawa vei au meʼu qai masuti Tamaqu, ka na solia mai vei au ko koya na agilose e tinikarua nai vavakoso ka mani vakacaoa?

Vakavakadewa Makawa

⁵³ Ko sa nanuma beka e sega ni rawarawa vei au meu masuti Tamaqu, ka na solia sara mai vei au ko koya na agilose e tinikarua nai vavakoso ka mani vakacaca?

Ai Vola Tabu Ena Vakavakadewa Vou

⁵³ O nanuma beka ni sega ni rawa me'u kerei Tamaqu, ka na solia sara mai vei au o koya e sivia e tinikarua na mataivalu agilosi?

Maciu 26:53 Iomraidhean Croise

2 Tui 6:17

A masu o Ilaisa, ka kaya, Kemuni Jiova, mo ni dolava mada na matana, me rai rawa o koya. A dolava na matana o Jiova; a rai o koya, ka raica ni a oso na ulunivanua ena ose kei na qiqi bukawaqa, era a tiko vakavolivoliti Ilaisa.

Taniela 7:10

ka veisebayaki tiko mai kina na yameyame ni buka. Era lewe udolu vakaudolu na tamata era tiko e kea me ra qaravi koya, ka ra milioni vakamilioni era sa tu e matana. A qai tekivutaki na veilewai, ka ra sa cegai tu na kena i vola.

Maciu 25:31

“Ni sa na lako mai na Luve ni Tamata ena nona lagilagi, vata kei ira na agilosi, ena qai tiko o koya ena nona i tikotiko lagilagi,

Maciu 4:11

Sa qai biuti koya na tevoro, ka ratou sa qai lako mai eso na agilosi ka mai qaravi koya.

Marika 5:15

Era sa qai lako vei Jisu, ka raici koya ka a curuma tu e vuqa na yalo velavela ni sa dabe tiko e kea, sa vakaisulu tu, ka sa tu vinaka na nona vakasama; ka ra sa rere sara.

Marika 5:9

Sa qai tarogi koya o Jisu, “O cei na yacamu?” E a sauma o koya ka kaya, “Na yacaqu o ‘Vavakoso’, ni keimami sa lewe levu!”

Luke 8:30

Sa qai tarogi koya o Jisu, “O cei na yacamu? Sa qai kaya o koya, “O Vavakoso,” ni ra sa curumi koya tu e lewe vuqa sara na tevoro.

Joni 10:18

E sega ni dua e mai kauta tani vei au, ka ni'u sa solia vakai au ga. Sa tu vei au na kaukauwa me'u solia, ka tu talega vei au na kaukauwa me'u taura lesu tale. Oqo na i vakaro sa vakarota vei au o Tamaqu.”

Joni 18:36

Sa qai sauma o Jisu, ka kaya, “Na noqu matanitu e sega ni matanitu ni vuravura oqo; kevaka e ka ni vuravura oqo, ke ra na vala na noqu tamata, me'u kakua kina ni soli vei ira na Jiu. Sega, e sega ni wili eke na noqu matanitu.”

2 Cesalonaika 1:7

ka na vakacegui kemuni sa vakararawataki ka vakakina oi keitou. Ena vakayacora oqo o koya ena gauna sa rairai kina mai lomalagi na Turaga o Jisu vata kei ira na nona agilosi kaukauwa

Ai Vola I Juta 1:14

Ia o Inoki, o koya ka i kavitu ni tabatamata ena kawa i Atama, a sa tukuna oti talega na vosa ni parofisai me baleti ira oqo, ni sa kaya, “Raica, ena lako mai na Turaga kei na udolu vakaudolu na nona agilosi yalosavasava