Maciu 24:9 - Vakavakadewa Vou kei na iVola tale eso

⁹ “Era na soli kemudou yani na tamata ki na veivakararawataki ka ra na vakamatei kemudou, dou na cati mai na veivanua ena vuku ni yacaqu.

Ai Vola Tabu (Vakadewa Makawa Vakavoutaki 2021)

⁹ “Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu.

AI VOLA TABU

⁹ Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu.

Vakavakadewa Makawa

⁹ Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu.

Ai Vola Tabu Ena Vakavakadewa Vou

⁹ “Era na soli kemudou yani na tamata ki na veivakararawataki ka ra na vakamatei kemudou, dou na cati mai na veivanua ena vuku ni yacaqu.

Maciu 24:9 Iomraidhean Croise

Vosavakaibalebale 29:27

Na tamata yalododonu sa cata na tamata ca, kei na tamata ca sa cata na tamata yalododonu.

Taniela 11:33

O ira era vuku vei ira era na tamata era vakavulici ira e lewe vuqa na tamata. Ia, ena vakalailai mada, era na qai vakamatei eso ena i valu kei na bukawaqa, ka so tale ena butakoci na nodra i yau ka ra kau vakavesu.

Maciu 22:6

ia o ira na kena vo era sa qai tauri ira na nona tamata, ka vakacacani ira, ka vakamatei ira.

Maciu 23:34

O koya oqo, dou raica, au na talai ira yani vei kemudou na parofita kei ira na tamata vuku kei ira na daunilawa; dou na vakamatea eso vei ira ka vakota ki na kauveilatai. Dou na vakanakuitataka eso ena nomudou veivalenilotu, ka vakasavi ira mai na dua na koro ki na dua tale.

Luke 11:49

O koya oqo sa kaya kina na Vuku ni Kalou, ‘Au na tala vei ira eso na parofita kei na i apositolo; ka ra na vakamatea eso vei ira oqo ka vakacacana eso tale.’

Luke 21:12

Ia ni bera ni yaco na veika o ya, era na tauri kemudou ka vakacacani kemudou, ka soli kemudou yani ki na veivalenilotu kei na veivaleniveivesu, ka dou na kau ki na matadra na tui kei na kovana eso ena vuku ni yacaqu.

Joni 15:18

“Kevaka sa cati kemudou o vuravura, dou kila ni sa cati au taumada ni bera ni cati kemudou.

Joni 15:21

Ia era na cakava na veika kecega oqo vei kemudou baleta ni dou sa noqu; ka ni ra sa sega ni kilai koya sa a talai au mai.

Joni 16:2

Era na vakatabui kemudou mai na nodra veivalenilotu: ka na yaco mai na gauna ena nanuma kina o koya e vakamatei kemudou, ni sa qarava tiko kina na Kalou.

Cakacaka 28:22

Ia keimami sa gadreva me keimami rogoca na nomu i vakamacala, ni keimami kila ni ra sa vosa vakacacataka tiko na vakabauta vakatani oqo o ira na tamata ena veivanua kecega.”

Cakacaka 7:59

Ia ni ra sa vakaviriki Sitiveni tiko ena vatu sa qai kaci o koya vua na Turaga, ka kaya, “Turaga Jisu, ni taura yani na yaloqu!”

1 Pita 4:16

O koya oqo mo ni kakua kina ni maduataka na veivakararawataki sa yaco vei kemuni ena vuku ni vakabauta Vakarisito, ia mo ni vakavinavinaka ga vua na Kalou ni o ni sa tokara na yaca i Karisito.

Vakatakila 2:10

Kakua ni rerevaka na veika o na vakarau sota kaya. Rogoca mada oqo! Ena vakarau biuti ira eso vei kemuni ki na valeniveivesu na tevoro me vakatovolei kemuni kina, ka na taura e tini na siga na ka oqo. Mo ni yalodina tikoga vei au, ka me yacova sara na mate kevaka sai koya oqori na kena i balebale, ka'u na solia vei kemuni na bula me nomuni i cocovi ni qaqa.

Vakatakila 2:13

Au sa kila na vanua o sa tiko kina, ni sa tiko talega kina na i tikotiko vakaturaga i Setani. Ia o sa dau dina ga vei au, ka sega ni cakitaka na nomu vakabauti au ka veitalia ga na gauna dredre eso me vaka na gauna i Anitipasa na noqu i vakadinadina yalodina, o koya sa vakamatei mai keri, ena tikina sa tiko kina o Setani.

Vakatakila 7:14

Au sa qai kaya vua, “Au sa sega saka ni kila. O ni sa kila ga oi kemuni.” Sa qai kaya vei au, “Sa i ira oqo era sa bula mai na veivakararawataki levu. Era sa savata na nodra i sulu ka vakavulavulataka ena dra ni Lami.