Maciu 24:6 - Vakavakadewa Vou kei na iVola tale eso

⁶ Dou na rogoca na veivaluvaluti kei na rogorogo ni valu; ia mo dou kakua ni kidroa kina. Sa dodonu me yaco mada oqori, ia e sega ni kena i balebale o ya ni sa yaco mai na i vakataotioti ni gauna.

Ai Vola Tabu (Vakadewa Makawa Vakavoutaki 2021)

⁶ Ia dou na rogoca nai valu kei nai rogorogo ni valu. Mo dou kakua ni kidroa, ni sa kilikili me yaco na ka oqo, ia ka sa bera ga nai vakataotioti.

AI VOLA TABU

⁶ Ia dou na rogoca nai valu, kei nai rogorogo ni valu: dou raici kemudou vinaka mo dou kakua ni kidroa: ni sa kilikili me yaco na ka kecega o qo, ia ka sa bera ga nai vakataotioti.

Vakavakadewa Makawa

⁶ Ia dou na rogoca nai valu, kei nai rogorogo ni valu: mo dou kakua ni kidroa: ni sa kilikili me yaco na ka oqo, ia ka sa bera ga nai vakataotioti.

Ai Vola Tabu Ena Vakavakadewa Vou

⁶ Dou na rogoca na veivaluvaluti kei na rogorogo ni valu; ia mo dou kakua ni kidroa kina. Sa dodonu me yaco mada oqori, ia e sega ni kena i balebale o ya ni sa yaco mai na i vakataotioti ni gauna.

Maciu 24:6 Iomraidhean Croise

NA SAME 112:7

Ena sega ni rere o koya ni rogoca na i tukutuku ca; Sa tudei na nona vakabauta ka sa vakadinati Jiova o koya.

Aisea 12:2

Sa noqu i vakabula na Kalou; Au na vakadinati koya, ka sega ni rere. Sa solia vei au o Jiova na kaukauwa kei na qaqa; Sa noqu i vakabula o koya.

Aisea 7:4

Tukuna vua me vakarau tu, ia me tiko vakamalua ka me kakua ni rere se taqaya. Na cudru i Risini na tui, kei ira na kai Siria kei Peka na tui sa sega ni vakarerevaki cake mai na kubou e kuvu mai ena rua na ka e kubou wale tu ga ka sega ni caudre.

Jeremaia 47:6

O iko na i Seleiwau ni Turaga! A cava na kena dede o na qai galu? Lesu tale ki na kemu taga, La'ki tiko kina ka vakacegu!

Isikeli 21:28

“Ia o iko, na luve ni tamata, mo ia na parofisai, ka kaya, Sa kaya vakaoqo na Kalou o Jiova ena vukudra na Amoni kei na nodra vunauci; ka kaya, Sa ucu mai na kena taga na i seleiwau, Io, na i seleiwau me ia kina na veivakamatei. Sa masiraki vinaka me makumakualiliva Ka me tatibi me vaka na livaliva.

Maciu 2:3

Ni sa rogoca na ka oqo o Eroti na tui, sa leqa na lomana ka vakakina o Jerusalemi taucoko.

Maciu 24:14

Ka na vunautaki mada na i Tukutuku Vinaka ni matanitu ki na vuravura taucoko, me i vakadinadina ki na veivanua kecega, sa na qai yaco mai na i vakataotioti.

Maciu 26:54

Ena qai vakayacori vakacava na i Vola Tabu, ka tukuna na kena yaco ga me vakaoqo?”

Luke 21:19

Dou na rawata na nomudou bula dina, kevaka dou sa yalodei tiko.

Luke 21:9

Ni dou sa rogoca na veivaluvaluti kei na tiko veisei, dou kakua ni kidroa, ni sa dodonu me ra yaco mada na veika oqori; ia ena sega mada ni se yaco sara mai na i vakataotioti.”

Luke 22:37

Ni'u sa tukuna vei kemudou ni dodonu me vakayacori mada vei au na tiki ni Vola Tabu oqo, ‘Ka sa wili vata o koya kei ira na tamata talaidredre’; ia sa dina sara, ni sa vakayacori oti na veika kece sa volai oqo me baleti au.”

Joni 14:1

“Dou kakua ni lomaleqa. Dou vakabauta tikoga na Kalou, dou vakabauti au talega.

Joni 14:27

“Au sa laiva tu vei kemudou na vakacegu; a noqu vakacegu ga au sa solia vei kemudou: au sega ni solia vei kemudou me vaka e dau solia o vuravura. Dou kakua ni lomaleqa, ka kakua ni taqaya.

2 Cesalonaika 2:2

me kakua ni veilecayaki vakatotolo na nomuni vakasama se mo ni vakayavalati mai na nona kacivaka e dua ni sa yaco oti mai na Siga ni Turaga. De rairai a nanumi beka ni keitou a tukuna na ka oqo ena gauna keitou parofisai se vakatavuvuli tiko kina, se a volai vakaivola.

Vakatakila 6:4

A sa qai lako tale mai e dua tale na ose, e roka damudamu. A sa soli vei koya e vodoka tiko me kauta tani mai vuravura na sautu, me ra veivakamatei kina vakai ira na tamata. A sa soli vua na i seleiwau levu.